ഈ ഡീൽ ​ട്രൈ ചെയ്താൽ ഓപ്പോ F29 പ്രോ 5ജിക്ക് 4899 രൂപ ഡിസ്കൗണ്ട് കിട്ടും; ആകെ 8899 രൂപ ലാഭം!

ഈ ഫെസ്റ്റിവൽ സീസണിൽ ആമസോണിനെയും ഫ്ലിപ്പ്കാർട്ടിനെയും വെല്ലുന്ന ഡിസ്കൗണ്ട് ഡീലുകൾ പ്രമുഖ സ്മാർട്ട്ഫോൺ ബ്രാൻഡുകൾ സ്വന്തം നിലയ്ക്ക് നൽകുന്നുണ്ട്. ഇന്ത്യയിലെ ഓപ്പോ ആരാധകർക്കും അ‌ത്തരം ഡീലുകൾ ലഭ്യമാണ്. ഈ വർഷം ​മാർച്ചിൽ ഓപ്പോ ഇന്ത്യയിൽ അ‌വതരിപ്പിച്ച സ്മാർട്ട്ഫോൺ മോഡലാണ് ഓപ്പോ എഫ്29 പ്രോ 5ജി. ഈ ഫോൺ ഇപ്പോൾ 8899 രൂപ വിലക്കുറവിൽ വാങ്ങാൻ സ്മാർട്ട്ഫോൺ പ്രേമികൾക്ക് അ‌വസരമുണ്ട്. ആമസോണിലും ഫ്ലിപ്പ്കാർട്ടിലും ഓപ്പോയുടെ ഔ​ദ്യോഗിക ​വെബ്​സൈറ്റിലും ഈ ഫോൺ ലിസ്റ്റ് ചെയ്തിട്ടുണ്ട് എങ്കിലും ഏറ്റവും നല്ല ബാങ്ക് ഡിസ്കൗണ്ട് ലഭ്യമായിരിക്കുന്നത് ഔദ്യോഗി വെബ്​സൈറ്റിൽ ആണ്.

ഇന്ത്യയിൽ വിൽപ്പന ആരംഭിക്കുന്ന സമയത്ത് ഓപ്പോ F29 പ്രോ 5G യുടെ 8GB + 128GB മോഡലിന് 27,999 രൂപയും 8GB + 256GB മോഡലിന് 29,999 രൂപയും ടോപ്പ്-എൻഡ് 12GB + 256GB മോഡലിന് 31,999 രൂപയുമായിരുന്നു വില. ഇപ്പോൾ 4000 രൂപ ഡയറക്ട് ഡിസ്കൗണ്ടിന് ശേഷം എല്ലാ പ്ലാറ്റ്ഫോമുകളിലും 23999 രൂപ പ്രാരംഭ വിലയിലാണ് ഈ ഫോൺ ലിസ്റ്റ് ചെയ്തിരിക്കുന്നത്.

എന്നാൽ ഓപ്പോയുടെ ഔദ്യോഗിക വെബ്​സൈറ്റിൽ ഓപ്പോ എഫ്29 പ്രോ 5ജിക്ക് 2399 രൂപ ബാങ്ക് ഡിസ്കൗണ്ടും 2500 രൂപ കൂപ്പൺ ഡിസ്കൗണ്ടും ലഭ്യമാക്കിയിരിക്കുന്നു. ഈ രണ്ട് ​ഓഫറുകളും പ്രയോജനപ്പെടുത്താനായാൽ ആകെ 4899 രൂപ വിലക്കുറവിന് ശേഷം 19100 രൂപ വിലയിൽ ഈ പ്രോ മോഡൽ സ്വന്തമാക്കാൻ സാധിക്കും.

അ‌തായത് ലോഞ്ച് വിലയെക്കാൾ ആകെ 8899 രൂപയുടെ ഡിസ്കൗണ്ട് ഇവിടെ ഉപയോക്താവിന് സ്വന്തമാകുന്നുണ്ട്. 20000 രൂപയിൽ താഴെ വിലയിൽ പുതിയ 5ജി സ്മാർട്ട്ഫോൺ വാങ്ങാൻ തയാ​റെടുക്കുന്നവർക്ക് പരിഗണിക്കാവുന്ന ഒരു ഡീൽ ആണ് ഇത്. 30000 രൂപയിൽ താഴെയുള്ള സ്മാർട്ട്ഫോണുകളുടെ സെഗ്മെന്റിൽ അ‌വതരിപ്പിക്കപ്പെട്ട ഫോണാണ് ഇപ്പോൾ 20000 രൂപയിൽ താഴെ വിലയിൽ ലഭ്യമായിരിക്കുന്നത് എന്നതാണ് ശ്രദ്ധേയം.

ഓപ്പോ എഫ്29 പ്രോ 5ജിയുടെ പ്രധാന ഫീച്ചറുകൾ

6.67 ഇഞ്ച് (2400×1080 പിക്സലുകൾ) 120Hz റിഫ്രഷ് റേറ്റ് ഉള്ള ഫുൾ HD+ AMOLED സ്ക്രീൻ, 2100 nits വരെ പീക്ക് ബ്രൈറ്റ്നസ്, കോർണിംഗ് ഗൊറില്ല ഗ്ലാസ് വിക്ടസ് 2 പ്രൊട്ടക്ഷൻ, ഒക്ട കോർ മീഡിയടെക് ഡൈമെൻസിറ്റി 7300- എനർജി 4nm പ്രൊസസർ, മാലി G615 MC2 ജിപിയു, 8GB / 12GB LPDDR4X റാം, 128GB / 256GB UFS 3.1 സ്റ്റോറേജ് എന്നിവ ഇതിലുണ്ട്.

f/1.8 അപ്പേർച്ചറുള്ള 50MP മെയിൻ ക്യാമറ, 2MP സെക്കൻഡറി ക്യാമറ (f/2.2 അപ്പേർച്ചർ), LED ഫ്ലാഷ്, f/2.4 അപ്പേർച്ചറുള്ള 16MP ഫ്രണ്ട് ഫേസിംഗ് ക്യാമറ എന്നിവ അ‌ടങ്ങുന്നതാണ് ഓപ്പോ എഫ്29 പ്രോ 5ജിയിലെ ക്യാമറ സജ്ജീകരണം. ആൻഡ്രോയിഡ് 15 അ‌ടിസ്ഥാനമാക്കിയുള്ള കളർഒഎസ്15ൽ ആണ് ഈ ഫോൺ എത്തിയത്.

മികച്ച ഈട് ആണ് ഈ ഓപ്പോ ഫോണിന്റെ മുഖ്യ ആകർഷണം. വാട്ടർപ്രൂഫിംഗ്, 14+ മിലിട്ടറി-ഗ്രേഡ് പരിസ്ഥിതി പരിശോധനകൾക്കുള്ള സർട്ടിഫിക്കേഷൻ നേടിയിട്ടുള്ള ഈ സ്മാർട്ട്ഫോണിന് ഇന്ത്യയിലെ ഏറ്റവും വെല്ലുവിളി നിറഞ്ഞ പാരിസ്ഥിതിക സാഹചര്യങ്ങളെ നേരിടാൻ കഴിയും. IP66, IP68, IP69 റേറ്റിങ് ഉള്ളതിനാൽ, ഉയർന്ന അളവിലുള്ള പൊടിയും വെള്ളവും കയറിയാലും പ്രതിരോധിക്കാനാകും. കാപ്പി, ചായ, പാൽ, സോഡ, വെള്ളം തുടങ്ങി 18 തരം ദ്രാവകങ്ങളെ അതിജീവിക്കാൻ ഈ ഫോണിന് കഴിയും.

ഇൻ-ഡിസ്പ്ലേ ഫിംഗർപ്രിന്റ് സെൻസർ, ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, Wi-Fi 6 802.11 ax (2.4GHz + 5GHz), ബ്ലൂടൂത്ത് 5.4, Beidou, GPS, GLONASS, Galileo, QZSS, USB Type-C, 80W SUPERVOOC ഫാസ്റ്റ് ചാർജിംഗുള്ള 6000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 161.5×74.9×7.6mm വലിപ്പവും 180 ഗ്രാം ഭാരവും ഈ ഫോണിനുണ്ട്.