20എംപി സെല്‍ഫി ക്യാമറയുമായി ഓപ്പോ എഫ്5 ഇന്ത്യയില്‍ എത്തി!

20എംപി A1 സെല്‍ഫി ക്യാമറ

സെല്‍ഫി ക്യാമറ ഫോണ്‍ എന്നു കേള്‍ക്കുമ്പോള്‍ തന്നെ ഏവരുടേയും മനസ്സില്‍ ഓടി എത്തുന്നത് ഓപ്പോ ആണ്. A1 ബ്യൂട്ടി റെകഗ്നിഷന്‍ ടെക്‌നോളജിയില്‍ 20എംപി മുന്‍ ക്യാമറയാണ് ഈ ഫോണില്‍. സെല്‍ഫി ഷോട്ടിന്റെ സൗന്ദര്യം വര്‍ദ്ധിപ്പിക്കുന്നതിനായി 200 ഫേഷ്യല്‍ റെകഗ്നിഷന്‍ സ്‌പോട്ടുകളും ഉണ്ട്. കൂടാതെ ബോക്ക് ഇഫക്ടും നല്‍കിയിരിക്കുന്നു.

ഡിസ്‌പ്ലേ/ഡിസൈന്‍

ബിസില്‍-ലെസ് സ്മാര്‍ട്ട്‌ഫോണുകളുടെ പട്ടികയിലേക്ക് ഓപ്പോ എഫ്5ഉം എത്തയിരിക്കുന്നു. 18:9 റേഷ്യോയില്‍ 6 ഇഞ്ച് എഫ്എച്ച്ഡി ഡിസ്‌പ്ലേയാണ് ഓപ്പോ എഫ്5ന്. ഇത്തരമൊരു ഡിസ്‌പ്ലേയില്‍ കമ്പനി അവതരിപ്പിക്കുന്ന ആദ്യത്തെ ഫോണാണ് ഇത്. മെറ്റല്‍ യൂണി ബോഡി ഡിസൈന്‍ ചെയ്ത ഈ ഫോണിന് 16എംപി റിയര്‍ ക്യാമറയാണ്. ഫേഷ്യല്‍ റെകഗ്നിഷന്‍ അണ്‍ലോക്കിനായി ഫിങ്കര്‍പ്രിന്റ് സെന്‍സറും പിന്‍ ഭാഗത്തായി നല്‍കിയിട്ടുണ്ട്.

ഹാര്‍ഡ്‌വയര്‍

ഓപ്പോ എഫ്5ന് മീഡിയാടെക് MT6737T ചിപ്‌സെറ്റാണ്, 4ജിബി/ 6ജിബി റാം 32ജിബി/ 64ജിബി ഇന്റേര്‍ണല്‍ സ്‌റ്റോറേജ് എന്നിവയും നല്‍കുന്നു. മൈക്രോ എസ്ഡി കാര്‍ഡ് ഉപയോഗിച്ച് 256ജിബി വരെ ഇന്റേര്‍ണല്‍ സ്‌റ്റോറേജ് വര്‍ദ്ധിപ്പിക്കാം. 3200എംഎഎച്ച് ബാറ്ററിയാണ് ഈ ഫോണില്‍ ഉള്‍പ്പെടുത്തിയിരിക്കുന്നത്.

കണക്ടിവിറ്റി/ സോഫ്റ്റ്വയര്‍

കണക്ടിവിറ്റി സവിശേഷതകളായ 4ജി വോള്‍ട്ട്, വൈഫൈ, ജിപിഎസ്, ബ്ലൂട്ടൂത്ത് 4.2, ഡ്യുവല്‍ സിം എന്നിവയാണ്. രണ്ട് നാനോ സിം പിന്തുണയ്ക്കുന്ന സ്ലോട്ടും ഓപ്പോ എഫ്5ന് ഉണ്ട്. ഈ ഫോണ്‍ പ്രവര്‍ത്തിക്കുന്നത് കളര്‍ഓഎസ് 3.2ല്‍ ആണ്.

വില/ ലഭ്യത

കറുപ്പ്, ഗോള്‍ഡ് എന്നീ വേരിയന്റുകളിലാണ് ഈ ഫോണ്‍ എത്തിയിരിക്കുന്നത്. 4ജിബി റാം വേരിയന്റിന് 19,990 രൂപയും 6ജിബി വേരിയന്റിന് 24,990 രൂപയുമാണ്. ഈ ഫോണിന്റെ പ്രീ ഓര്‍ഡര്‍ ഇന്നു മുതല്‍ ആരംഭിച്ചു തുടങ്ങി. നവംബര്‍ 9ന് വില്‍പന തുടങ്ങും.