സ്‌നാപ്ഡ്രാഗൺ 870 ചിപ്‌സെറ്റുമായി വരുന്നു ഓപ്പോ ഫൈൻഡ് എക്‌സ് 3 സീരീസ്

ഗീക്ക്ബെഞ്ചിൽ ഓപ്പോ ഫൈൻഡ് എക്‌സ് 3

ഗീക്ക്ബെഞ്ചിലെ ഓപ്പോ ഫൈൻഡ് എക്‌സ് 3 യുടെ ഡിസൈൻ മുമ്പത്തെ ചോർച്ചകൾക്കും റിപ്പോർട്ടുകൾക്കും അനുസൃതമായിട്ടാണ് വരുന്നത്. എന്നാൽ, ഈ സ്മാർട്ഫോൺ ഒരു വാനില വേരിയന്റാണ് പ്രോ മോഡലല്ല. പ്രോ വേരിയന്റിലെ സ്‌നാപ്ഡ്രാഗൺ 888 ചിപ്‌സെറ്റിന് വിപരീതമായി മൈസ്‌മാർട്ട്പ്രൈസിൽ കണ്ടെത്തിയത് പോലെ ഇവിടെയുള്ള ഓപ്പോ ഫൈൻഡ് എക്‌സ് 3 സ്‌നാപ്ഡ്രാഗൺ 870 ചിപ്‌സെറ്റിനൊപ്പം വിപണിയിൽ വരുന്നു.

8 ജിബി റാം വരുന്ന ഓപ്പോ ഫൈൻഡ് എക്‌സ് 3 ആൻഡ്രോയിഡ് 11 ഔട്ട്-ഓഫ്-ബോക്‌സിലാണ് പ്രവർത്തിപ്പിക്കുന്നതെന്ന് ഗീക്ക്ബെഞ്ച് ലിസ്റ്റിംഗ് വെളിപ്പെടുത്തുന്നു. ഗീക്ക്ബെഞ്ച് യഥാക്രമം 4,280, 12,848 സ്‌കോറുകൾ സ്വന്തമാക്കി. സ്‌നാപ്ഡ്രാഗൺ 870 ചിപ്‌സെറ്റ് വരുന്ന മറ്റ് സ്മാർട്ട്‌ഫോണുകളുമായി പൊരുത്തപ്പെടുന്നതാണ് ഈ സ്‌കോർകാർഡ്.

ഓപ്പോ ഫൈൻഡ് എക്‌സ് 3, ഫൈൻഡ് എക്‌സ്3 പ്രോ ഇവ തമ്മിലുള്ള ഒരു പ്രധാന വ്യത്യാസം നമുക്ക് കാണാനാകും. ഫൈൻഡ് എക്സ് 2 പ്രോ മോഡലുകളും തമ്മിലുള്ള വ്യത്യാസം പ്രധാനമായും വരുന്നത് ക്യാമറ വിഭാഗത്തിലായിരുന്നു. എന്നാൽ, ഇപ്പോൾ വ്യത്യസ്ത ചിപ്‌സെറ്റുകൾ വരുന്നതിനാൽ ഈ മോഡലുകളുടെ പ്രകടനം വളരെയധികം വ്യത്യാസപ്പെടുമെന്നുള്ളത് തീർച്ചയാണ്.

ഓപ്പോ ഫൈൻഡ് എക്‌സ് 3 പ്രതീക്ഷിക്കുന്ന വില, സവിശേഷതകൾ

ഓപ്പോ ഫൈൻഡ് എക്‌സ് 3 നിരവധി ലിസ്റ്റിംഗുകളിലും റിപ്പോർട്ടുകളിലും പ്രത്യക്ഷപ്പെടുകയും, ഈ വരുവാൻ പോകുന്ന ഹാൻഡ്സെറ്റിനെ കുറിച്ചുള്ള ഒരു ആശയവും നൽകുന്നു. പ്രോ മോഡലിൽ വരുന്ന ക്യുഎച്ച്ഡി+ എന്നതിനുപകരം എഫ്എച്ച്ഡി+ റെസല്യൂഷനോടുകൂടിയ അമോലെഡ് ഡിസ്‌പ്ലേ ഉപയോഗിച്ചാണ് ഫോൺ പ്രചരിച്ചത്. രണ്ട് മോഡലുകൾക്കും 120 ഹെർട്സ് റിഫ്രഷ് വരുമെന്ന് പറഞ്ഞിട്ടുണ്ട്. എന്നാൽ, ഈ കാര്യം ഇതുവരെ കമ്പനി സ്ഥിരീകരിച്ചിട്ടില്ല.

ഓപ്പോ ഫൈൻഡ് എക്‌സ് 3, 8 ജിബി വരെ റാമുമായി ജോടിയാക്കിയ സ്‌നാപ്ഡ്രാഗൺ 870 ചിപ്‌സെറ്റ് അവതരിപ്പിക്കും. 108 എംപി പ്രൈമറി ഷൂട്ടർ, 13 എംപി സെക്കൻഡറി ലെൻസ്, 12 എംപി ടെർഷ്യറി സെൻസർ എന്നിവയുള്ള ട്രിപ്പിൾ ക്യാമറ സെറ്റപ്പും ഈ സ്മാർട്ട്ഫോണിൽ ഉണ്ടായിരിക്കുമെന്ന് പ്രതീക്ഷിക്കുന്നു. ഓപ്പോ 32 എംപി സെൽഫി ക്യാമറ ഉൾപ്പെടുത്തിയെന്നാണ് അഭ്യൂഹം. 4,200 mAh ബാറ്ററി ഫൈൻഡ് എക്സ് 2 ൽ വരുമെന്ന് ടിപ്പ് ചെയ്യുന്നു.