അ‌വിടെ കിട്ടാത്ത ഡിസ്കൗണ്ട് ഇവിടെ കിട്ടും! ഓപ്പോ K13 5G കുറഞ്ഞ വിലയിൽ വാങ്ങാം; ഫ്ലിപ്പ്കാർട്ടിൽ 4.5 റേറ്റിങ്

ലോഞ്ച് ചെയ്തിട്ട് ഏതാനും മാസങ്ങൾ പിന്നിട്ടെങ്കിലും ഇപ്പോഴും ലോഞ്ച് വിലയിൽ ലിസ്റ്റ് ചെയ്തിരിക്കുന്ന ഒരു സ്മാർട്ട്ഫോൺ ആണ് ഓപ്പോയുടെ K സീരീസിൽ വന്ന ഓപ്പോ K13 5ജി. ഈ വർഷം ഏപ്രിലിൽ ആണ് ഈ ഫോൺ ലോഞ്ച് ചെയ്യപ്പെട്ടത്. ഇപ്പോൾ ഓപ്പോയുടെ വെബ്​സൈറ്റിൽ ലഭിക്കുന്നതിനെക്കാൾ കുറഞ്ഞ വിലയിൽ K13 5ജി ഫ്ലിപ്പ്കാർട്ടിൽ നിന്ന് വാങ്ങാനാകും. ഇപ്പോൾ ചില സ്മാർട്ട്ഫോണുകൾ റേറ്റിങ് സഹിതമാണ് ഫ്ലിപ്പ്കാർട്ട് തങ്ങളുടെ മൊ​ബൈൽ വിഭാഗത്തിലെ പേജിൽ ലിസ്റ്റ് ചെയ്യുന്നത്. അ‌തിൽ 4.5 ​സ്റ്റാർ റേറ്റിങ് ഉള്ള സ്മാർട്ട്ഫോൺ ആണ് ഓപ്പോ K13 5ജി.

ഇന്ത്യയിൽ ലോഞ്ച് ചെയ്യുന്ന സമയത്ത് ഓപ്പോ K13 5Gയുടെ 8GB+ 128GB അ‌ടിസ്ഥാന വേരിയന്റിന് 17,999 രൂപയും 8GB + 256GB വേരിയന്റിന് 19,999 രൂപയുമായിരുന്നു വില. ലോഞ്ച് ഓഫറായി 1000 രൂപ ഡിസ്കൗണ്ട് ലഭ്യമായിരുന്നതിനാൽ 16999 രൂപ വിലയിൽ വാങ്ങാനായിരുന്നു. എന്നാൽ അ‌ത് പരിമിത കാലത്തേക്ക് മാത്രമായിരുന്നു ലഭ്യമായത്.

ഓപ്പോയുടെ ഔദ്യോഗിക വെബ്​സൈറ്റിൽ 17999 രൂപ പ്രാരംഭ വിലയിലാണ് ഓപ്പോ K13 5ജി നിലവിൽ ​ലിസ്റ്റ് ചെയ്തിട്ടുള്ളത്. കാര്യമായ ബാങ്ക് ഡിസ്കൗണ്ട് ഇവിടെ ഇല്ല, എന്നാൽ ആകർഷകമായ എക്സ്ചേഞ്ച് ഡീൽ ലഭ്യമാണ്. അ‌തേസമയം ഫ്ലിപ്പ്കാർട്ട് 15749 രൂപ വിലയിൽ ഈ സ്മാർട്ട്ഫോൺ വാഗ്ദാനം ചെയ്യുന്നു.

ഫ്ലിപ്പ്കാർട്ടിൽ 17999 രൂപ പ്രാരംഭ വിലയിൽ തന്നെയാണ് ഓപ്പോ K13 5ജി ലിസ്റ്റ് ചെയ്തിരിക്കുന്നത്. എന്നാൽ ബാങ്ക് ഡിസ്കൗണ്ടുകൾ കൂടി പ്രയോജനപ്പെടുത്തുമ്പോഴാകും 15749 രൂപ വിലയിൽ ഇത് വാങ്ങാനാകുക. താൽപര്യമുള്ളവർക്ക് ഈ ഡീൽ പ്രയോജനപ്പെടുത്താവുന്നതാണ്. ഐസി പർപ്പിൾ, പ്രിസം ബ്ലാക്ക് കളർ ഓപ്ഷനുകളിലാണ് ഈ ഫോൺ ലഭ്യമാകുക.

പ്രധാന ഫീച്ചറുകൾ

2.3GHz ഒക്ട കോർ സ്നാപ്ഡ്രാഗൺ 6 Gen 4 4nm മൊബൈൽ പ്ലാറ്റ്ഫോം ആണ് K13 5ജിയുടെ കരുത്ത്. 120Hz റിഫ്രഷ് റേറ്റ് ഉള്ള 6.67 ഇഞ്ച് (2400×1080 പിക്സൽസ്) ഫുൾ HD+ AMOLED സ്ക്രീൻ, 1200 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്.

8GB LPDDR4X റാം, 128GB / 256GB UFS 3.1 സ്റ്റോറേജ്, അഡ്രിനോ 810 ജിപിയു, ആൻഡ്രോയിഡ് 15 അ‌ടിസ്ഥാനമാക്കിയുള്ള കളർഒഎസ് 15 (രണ്ട് പ്രധാന ഒഎസ് അപ്‌ഡേറ്റുകളും 3 വർഷത്തെ സുരക്ഷാ അപ്‌ഡേറ്റുകളും ലഭിക്കും) എന്നീ ഫീച്ചറുകളും ഇതിൽ ഉണ്ട്.

1/2.88″ OV50D40 സെൻസറുള്ള 50MP മെയിൻ ക്യാമറ, f/1.85″ അപ്പർച്ചർ, OV02B1B സെൻസറുള്ള 2MP ഡെപ്ത് സെൻസർ, f/2.4 അപ്പർച്ചർ, LED ഫ്ലാഷ്, 4K വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ഓപ്പോ K13 5ജി വാഗ്ദാനം ചെയ്യുന്നത്. സെൽഫിക്കും മറ്റുമായി ഫ്രണ്ടിൽ സോണി IMX480 സെൻസർ, f/2.45 അപ്പർച്ചർ സഹിതം 16MP ക്യാമറയും ഉണ്ട്.

80W SuperVOOC ഫാസ്റ്റ് ചാർജിംഗുള്ള 7000mAh ബാറ്ററി, IP65 റേറ്റിങ്, ഇൻ-ഡിസ്പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, USB ടൈപ്പ്-C തുടങ്ങിയ ഫീച്ചറുകളും ഓപ്പോ K13 5ജിയിലുണ്ട്.