ഓപ്പോ ആര്‍17 സ്മാര്‍ട്ട്‌ഫോണുകള്‍ക്ക് വമ്പന്‍ വിലക്കുറവ്

വിലക്കുറവ്

പിന്നില്‍ കരുത്തന്‍ ട്രിപ്പിള്‍ ക്യാമറയുമായി പുറത്തിറങ്ങിയ ഓപ്പോ ആര്‍17ന് 45,990 രൂപയായിരുന്നു വില. എന്നാല്‍ ഈ വര്‍ഷമാദ്യം 6,000 രൂപ വിലക്കുറവ് പ്രഖ്യാപിച്ചിരുന്നു. ഇപ്പോള്‍ പുറത്തുവരുന്ന വിവരമനുസരിച്ച് 10,000 രൂപ കൂടി വിലക്കുറവ് പ്രഖ്യാപിച്ചിരിക്കുകയാണ്. അതായത് മോഡലിന്റെ നിലവിലെ വില 29,990 രൂപ മാത്രം.

വിലക്കുറവ് പ്രഖ്യാപിച്ചിരുന്നു

ഓപ്പോ എ7 വിപണിയിലെത്തിയപ്പോള്‍ 16,990 രൂപയായിരുന്നു വില. ഈ വര്‍ഷം ഏപ്രില്‍ മാസം 1,000 വിലക്കുറവ് പ്രഖ്യാപിച്ചിരുന്നു. ഇപ്പോള്‍ 2,000 രൂപയുടെ കുറവ് കൂടി പ്രഖ്യാപിച്ചുകഴിഞ്ഞു. ഇതോടെ ഫോണിന്റെ വില 13,990 രൂപയായി. മുംബൈ ആസ്ഥാനമായി പ്രവര്‍ത്തിക്കുന്ന ഓഫ്‌ലൈന്‍ റീടൈലറായ മഹേഷ് ടെലികോമാണ് ഇക്കാര്യം അറിയിച്ചിരിക്കുന്നത്.

ഫോണിനു കരുത്തേകും.

6.4 ഇഞ്ച് അമോലെഡ് ഓണ്‍ സെല്‍ ഫുള്‍ എച്ച്.ഡി പ്ലസ് ഡിസ്‌പ്ലേയാണ് ഓപ്പോ ആര്‍ 17നുള്ളത്. വാട്ടര്‍ഡ്രോപ് നോച്ച് ഫോണിനു പ്രത്യേക രൂപഭംഗി നല്‍കുന്നു. 1080X2340 പിക്‌സലാണ് ഡിസ്‌പ്ലേ റെസലൂഷന്‍. സ്‌ക്രീന്‍ സുരക്ഷയ്ക്കായി കോര്‍ണിംഗ് ഗൊറില്ല ഗ്ലാസുണ്ട്. ഒക്ടാകോര്‍ സ്‌നാപ്ഡ്രാഗണ്‍ പ്രോസസ്സര്‍ ഫോണിനു കരുത്തേകും.

സവിശേഷതയുമുണ്ട്.

8 ജി.ബിയാണ് റാം കരുത്ത്. 128 ജി.ബി ഇന്റേണല്‍ മെമ്മറിയുമുണ്ട്. ട്രിപ്പിള്‍ ക്യാമറ സംവിധാനമാണ് പിന്നിലുള്ളത്.12 മെഗാപിക്‌സലിന്റെ പ്രധാന സെന്‍സറും 20 മെഗാപിക്‌സലിന്റെ സെക്കന്ററി സെന്‍സറും അടങ്ങുന്നതാണ് പിന്‍ ക്യാമറ കരുത്ത്. 3ഡി ഫോട്ടോകള്‍ ചിത്രീകരിക്കുന്നതിനായി ടൈം ഓഫ് ഫ്‌ളൈറ്റ് സവിശേഷതയുമുണ്ട്.

ഫോണിനു കരുത്തേകും.

ആന്‍ഡ്രോയിഡ് 8.1 ഓറിയോ ഓ.എസ് അധിഷ്ഠിതമായാണ് ആര്‍17 പ്രോ പ്രവര്‍ത്തിക്കുന്നത്. കൂട്ടിന് കളര്‍ 5.1 യു.ഐ യുമുണ്ട്. ഇന്‍ഡിസ്‌പ്ലേ ഫിംഗര്‍പ്രിന്റ് സെന്‍സറാണ് എടുത്തുപറയേണ്ട സവിശേഷത. 3,700 മില്ലി ആംപയറിന്റെ ബാറ്ററി ശേഷി കരുത്തും വോക് ഫ്‌ളഷ് ചാര്‍ജിംഗ് ടെക്ക്‌നോളജിയും ഫോണിനു കരുത്തേകും. കൂടാതെ ജി.പി.എസ്, ഗ്ലോണാസ്, ബ്ലൂടൂത്ത് 5 കണക്ടീവിറ്റി സംവിധാനങ്ങളുമുണ്ട്.

ബാറ്ററി കരുത്ത്.

6.2 ഇഞ്ച് എച്ച്.ഡി ഐ.പി.എസ് വാട്ടര്‍നോച്ച് ഡിസ്‌പ്ലേയാണ് ഓപ്പോ എ7 നുള്ളത്. ക്വാല്‍കോം സ്‌നാപ്ഡ്രാഗണ്‍ 450 പ്രോസസ്സര്‍ ഫോണിനു കരുത്തേകും. 13+2 മെഗാപിക്‌സലിന്റെ ഇരട്ട പിന്‍ക്യാമറയും 16 മെഗാപിക്‌സല്‍ സെല്‍ഫി ക്യാമറയും ഫോണിലുണ്ട്്. ആന്‍ഡ്രോയിഡ് 8.1 ഓറിയോ ഓ.എസ് അധിഷ്ഠിതമായാണ് ഫോണിന്റെ പ്രവര്‍ത്തനം. 4,230 മില്ലി ആംപയറാണ് ബാറ്ററി കരുത്ത്.