ഓപ്പോ റെനോ 4 പ്രോ എംഎസ് ധോണി എഡിഷൻ ഗാലക്റ്റിക് ബ്ലൂ അവതരിപ്പിച്ചു: വില, സവിശേഷതകൾ

ഓപ്പോ റെനോ 4 പ്രോ ഗാലക്റ്റിക് ബ്ലൂ എഡിഷൻ: ഇന്ത്യയിൽ വരുന്ന വില

സാധാരണ ഓപ്പോ റെനോ 4 പ്രോയുടെ വിലയായ 34,990 രൂപയ്ക്കാണ് ഗാലക്റ്റിക് ബ്ലൂ എഡിഷൻ ഇന്ത്യയിൽ വരുന്നത്. സെപ്റ്റംബർ 24 വ്യാഴാഴ്ച മുതൽ ഫ്ലിപ്പ്കാർട്ട് വഴി ഈ സ്മാർട്ട്ഫോൺ വിൽപ്പനയ്‌ക്കെത്തും. ഓപ്പോ റെനോ 4 പ്രോ ഗാലക്റ്റിക് ബ്ലൂ എഡിഷനിൽ ലോഞ്ച് ഓഫറുകളിൽ എസ്‌ബി‌ഐ ക്രെഡിറ്റ്, ഡെബിറ്റ് കാർഡുകൾക്ക് 2,500 തൽക്ഷണ കിഴിവും ഏഴ് മാസം വരെ കാലാവധിയുള്ള വാറണ്ടിയും ലഭിക്കുന്നതാണ്. ഒൻപത് മാസം വരെ നോ-കോസ്റ്റ് ഇഎംഐ ഓപ്ഷനുകളും ഈ ഹാൻഡ്‌സെറ്റിൽ വരുന്നു. ഒരു ആമുഖ ഓഫർ എന്ന നിലയിൽ ഓപ്പോ റെനോ 4 പ്രോ ഗാലക്റ്റിക് ബ്ലൂ എഡിഷൻ വാങ്ങുന്ന ആദ്യത്തെ 500 ഭാഗ്യമുള്ള ഉപഭോക്താക്കൾക്ക് പ്രത്യേക സമ്മാന ബോക്സ് ലഭിക്കുകയും ചെയ്യും.

ഓപ്പോ റെനോ 4 പ്രോ ഗാലക്റ്റിക് ബ്ലൂ എഡിഷൻ: സവിശേഷതകൾ

ഡ്യുവൽ നാനോ സിം പിന്തുണയും 90 ഹെർട്സ് റിഫ്രഷ് റേറ്റും 180 ഹെർട്സ് വരെ ടച്ച് സാമ്പിൾ നിരക്കും വരുന്ന 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഡിസ്‌പ്ലേയാണ് കമ്പനി നൽകിയിരിക്കുന്നത്. 8 ജിബി റാമും 128 ജിബി ഓൺബോർഡ് സ്റ്റോറേജുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 720 ജി SoC പ്രോസസറാണ് ഈ ഫോണിന്റെ കരുത്ത്.

ഓപ്പോ റെനോ 4 പ്രോ ഗാലക്റ്റിക് ബ്ലൂ എഡിഷൻ: ക്യാമറ

ഫോട്ടോകളും വീഡിയോകളും പകർത്തുവാൻ 48 മെഗാപിക്സൽ പ്രൈമറി സോണി ഐഎംഎക്സ് 586 സെൻസറും എഫ് / 1.7 ലെൻസും 8 മെഗാപിക്സൽ സെക്കൻഡറി സെൻസറും അൾട്രാ വൈഡ് ആംഗിൾ എഫ് / 2.2 ലെൻസും, 2 മെഗാപിക്സൽ മാക്രോ ഷൂട്ടറും ഈ ഡിവൈസിന്റെ ക്വാഡ് റിയർ ക്യാമറ സെറ്റപ്പിൽ ഉൾപ്പെടുന്നു. എഫ് / 2.4 ലെൻസുള്ള 2 മെഗാപിക്സൽ മോണോക്രോം സെൻസറും ഇതിൽ ഉണ്ട്. ഈ ഡിവൈസിന്റെ മുന്നിലായി 32 മെഗാപിക്സൽ സോണി ഐഎംഎക്സ് 616 സെൽഫി ക്യാമറ സെൻസറുമായി എഫ് / 2.4 ലെൻസാണ് വരുന്നത്.

4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവ ഓപ്പോ റെനോ 4 പ്രോയുടെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറുമായി ഈ സ്മാർട്ട്‌ഫോൺ വരുന്നു. കൂടാതെ, 65W സൂപ്പർവൂക്ക് 2.0 ഫാസ്റ്റ് ചാർജിംഗിനെ പിന്തുണയ്ക്കുന്ന 4,000 എംഎഎച്ച് ബാറ്ററിയാണ് കമ്പനി നൽകിയിരിക്കുന്നത്.