ഓപ്പോ റെനോ 4 എസ്ഇ വിശദാംശങ്ങൾ ചോർന്നു; പ്രതീക്ഷിക്കുന്ന വില, സവിശേഷതകൾ

പുതിയ ലീക്ക് സ്മാർട്ട്‌ഫോണിന് എന്ത് വിലവരുമെന്ന കാര്യത്തെ കുറിച്ച് സൂചന നൽകിയിട്ടുണ്ട്. ഈ സ്മാർട്ഫോൺ എന്ന് ലോഞ്ച് ചെയ്യുമെന്ന കാര്യം ഇതുവരെ വ്യക്തമാക്കിയിട്ടില്ല. സ്‌നാപ്ഡ്രാഗൺ 720 ജി പ്രോസസർ, ക്വാഡ് ക്യാമറ സെറ്റപ്പ്, 4,000 എംഎഎച്ച് ബാറ്ററി തുടങ്ങിയ സവിശേഷതകൾ വരുന്ന ഓപ്പോ റെനോ 4 പ്രോ അടുത്തിടെ ഇന്ത്യയിൽ അവതരിപ്പിച്ചിരുന്നു.

ഓപ്പോ റെനോ 4 എസ്ഇ: പ്രതീക്ഷിക്കുന്ന വില

ഓപ്പോ റെനോ 4 എസ്ഇയുടെ പ്രധാന സവിശേഷതകളും വിലവിവരങ്ങളും പോസ്റ്റുചെയ്യാൻ ടിപ്‌സ്റ്റർ റിയലി അസൻ ജുൻ വെയ്‌ബോയിൽ പ്രത്യക്ഷമായി. വരുവാൻ പോകുന്ന ഓപ്പോയുടെ ഹാൻഡ്‌സെറ്റിനെ കുറിച്ച് ഇത് ഏതാനും സൂചനകൾ നൽകി. 8 ജിബി + 128 ജിബി സ്റ്റോറേജ് മോഡലിന് ഓപ്പോ റെനോ 4 എസ്ഇയുടെ വില സി‌എൻ‌വൈ 2,599 (ഏകദേശം 27,900 രൂപ) ആയിരിക്കുമെന്ന് ചോർച്ച സൂചിപ്പിക്കുന്നു. ഈ ഹാൻഡ്‌സെറ്റ് അവതരിപ്പിക്കുമ്പോൾ കൂടുതൽ വേരിയന്റുകൾ ലഭിച്ചേക്കും. ഈ സ്മാർട്ട്ഫോണിന്റെ കളർ ഓപ്ഷനുകളും ഡിസൈൻ വിശദാംശങ്ങളും ഇതുവരെ വ്യക്തമാക്കിയിട്ടില്ല.

ഓപ്പോ റെനോ 4 എസ്ഇ: പ്രതീക്ഷിക്കുന്ന സവിശേഷതകൾ

ഓപ്പോ റെനോ 4 എസ്ഇയിൽ 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഹോൾ-പഞ്ച് ഡിസ്‌പ്ലേ 90 ഹെർട്സ് റിഫ്രഷ് റേറ്റിനൊപ്പം വരുമെന്ന് ടിപ്പ്സ്റ്റർ സൂചന നൽകുന്നു. 8 ജിബി റാമും 128 ജിബി ഇന്റേണൽ സ്റ്റോറേജുമായി ജോഡിയാക്കിയ മീഡിയടെക് ഡൈമെൻസിറ്റി 800 5 ജി SoC പ്രോസസറാണ് ഈ സ്മാർട്ട്ഫോണിന്റെ കരുത്ത്. ഓപ്പോ റെനോ 4 എസ്ഇയിൽ 48 മെഗാപിക്സൽ സോണി ഐഎംഎക്സ് 586 സെൻസർ, 8 മെഗാപിക്സൽ സൂപ്പർ വൈഡ് ആംഗിൾ ലെൻസ്, 2 മെഗാപ്‌സെൽ മോണോക്രോം സെൻസർ എന്നിവയുള്ള ട്രിപ്പിൾ റിയർ ക്യാമറ സെറ്റപ്പ് വരുമെന്ന് ലീക്ക് കാണിക്കുന്നു.

ഈ ഹാൻഡ്സെറ്റിൻെറ മുന്നിലായി 32 മെഗാപിക്സൽ സാംസങ് ജിഡി 1 സെൻസർ ഉപയോഗിക്കുന്നതായി സൂചന നൽകുന്നു. 65W ഫ്ലാഷ് ചാർജിംഗ് പിന്തുണയുള്ള 4,300mAh ബാറ്ററിയാണ് ഈ സ്മാർട്ട്‌ഫോണിൽ വരുന്നത്. 169 ഗ്രാം ഭാവും 7.85 മിമി നീളവും വരുന്നു. 3 ഡി കോമ്പോസിറ്റ് പാനൽ ബോഡിയും അലുമിനിയം അലോയ് മിഡിൽ ഫ്രെയിമും ഈ ഡിവൈസിന് ഉണ്ടായിരിക്കാമെന്ന് ടിപ്പ്സ്റ്റർ പറയുന്നു.