ഓപ്പോ റെനോ 5 പ്രോയുടെ സവിശേഷതകൾ മുഴുവൻ ടെന ലിസ്റ്റിംഗ് വെളിപ്പെടുത്തി

ടെന ലിസ്റ്റിംഗ് അനുസരിച്ച്, റെനോ 5 പ്രോയ്ക്ക് 6.55 ഇഞ്ച് ഫുൾ എച്ച്ഡി + ഡിസ്പ്ലേ, 1080 x 2340 പിക്‌സൽ റെസല്യൂഷൻ ഉണ്ടായിരിക്കും. എന്നാൽ, ഈ ഹാൻഡ്‌സെറ്റിൻറെ റിഫ്രഷ് റേറ്റിനെ കുറിച്ച് ലിസ്റ്റിംഗ് ഒന്നും വെളിപ്പെടുത്തുയിട്ടില്ല. അതിനാൽ, ഇത് ഉയർന്ന റിഫ്രഷ് റേറ്റ് നൽകുമോ എന്ന കാര്യം കാത്തിരുന്ന് കാണാം. ഈ ഡിവൈസിന് 2.6GHz ഒക്ടാകോർ പ്രോസസ്സറാണ് നൽകുന്നതെന്ന് കമ്പനി പറഞ്ഞു. ഗീക്ക്ബെഞ്ച് ലിസ്റ്റിംഗ് അനുസരിച്ച്, റെനോ 5 പ്രോയിൽ ഡൈമെൻസിറ്റി 1000+ പ്രോസസർ അവതരിപ്പിച്ചേക്കും.

8 ജിബി / 12 ജിബി റാമും 128 ജിബി / 256 ജിബി ഓൺബോർഡ് സ്റ്റോറേജുമായാണ് ഫോൺ പട്ടികപ്പെടുത്തിയിരിക്കുന്നത്. 4,250 mAh കപ്പാസിറ്റിയുള്ള ഡ്യുവൽ സെൽ ബാറ്ററിയാണ് ഫോണിന് ചാർജ് നൽകുന്നതെന്ന് പറയപ്പെടുന്നു. ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കും റെനോ 5 പ്രോ ഹാൻഡ്‌സെറ്റിന് പിന്നിലായി ഒരു ക്വാഡ് ക്യാമറ സെറ്റപ്പും വരുന്നു. ക്യാമറ മൊഡ്യൂളിൽ 64 എംപി പ്രൈമറി ക്യാമറ സെൻസർ, 8 എംപി അൾട്രാ വൈഡ് ക്യാമറ, രണ്ട് 2 എംപി സെൻസറുകൾ വരൂമെന്ന് പറയപ്പെടുന്നു.

റെനോ 5 പ്രോ 32 എംപി മുൻ ക്യാമറ സെൽഫികൾക്കും വീഡിയോകൾക്കുമായി നൽകിയേക്കുമെന്ന് പറയുന്നു. കൂടാതെ, 5 ജി, 4 ജി വോൾട്ട്, ബ്ലൂടൂത്ത്, ജിപിഎസ്, യുഎസ്ബി ടൈപ്പ്-സി എന്നിവ കണക്റ്റിവിറ്റിക്കായി ഉൾപ്പെടുത്താൻ ഈ ഹാൻഡ്‌സെറ്റ് പട്ടികപ്പെടുത്തിയിട്ടുണ്ട്. ഈ സ്മാർട്ട്‌ഫോണിന്റെ ഭാരം 173 ഗ്രാം ഭാരവും, 7.6 മില്ലിമീറ്റർ കനവും വരുന്നു. ഇതിനൊപ്പം സ്റ്റാർറി ഡ്രീം, അറോറ ബ്ലൂ, മൂൺലൈറ്റ് ബ്ലാക്ക്, സ്റ്റാർ വിഷ് റെഡ് കളർ ഓപ്ഷനുകളിലും സ്മാർട്ട്‌ഫോൺ വരുമെന്ന് ലീക്ക് വെളിപ്പെടുത്തി.