ഓപ്പോ റെനോ 6, റെനോ 6 പ്രോ സ്മാർട്ഫോണുകൾ ഇന്ത്യയിൽ അവതരിപ്പിക്കും

ഓപ്പോ റെനോ 6, റെനോ 6 പ്രോ ഫ്ലിപ്പ്കാർട്ടിൽ ലഭ്യത സ്ഥിരീകരിച്ചു

ഓപ്പോ ഉടൻ റെനോ 6 സീരീസ് വിപണിയിൽ അവതരിപ്പിക്കും. ഇത് അവൻതരിപ്പിക്കുന്നതിന് മുൻപായി രണ്ട് റെനോ സ്മാർട്ട്‌ഫോണുകളും ഫ്ലിപ്പ്കാർട്ട് വഴി വിൽപ്പനയ്‌ക്കെത്തുമെന്ന് സ്ഥിരീകരിച്ചു. റെനോ 6 സീരീസിൻറെ ഔദ്യോഗിക ലോഞ്ച് തീയതി ഓപ്പോ ഇതുവരെ പ്രഖ്യാപിച്ചിട്ടില്ല. ഈ ചൈനീസ് സ്മാർട്ട്‌ഫോൺ നിർമ്മാതാവ് റെനോ സീരീസിന് കീഴിൽ രണ്ട് പുതിയ ഓപ്പോ സ്മാർട്ട്‌ഫോണുകൾ ഇന്ത്യയിൽ അവതരിപ്പിക്കുമെന്ന് ഫ്ലിപ്കാർട്ട് മൈക്രോസൈറ്റ് സ്ഥിരീകരിക്കുന്നു. വാനില റെനോ 6, റെനോ 6 പ്രോ എന്നിവ ഇതിൽ ഉൾപ്പെടുന്നു.

ഇന്ത്യയിലെ റെനോ 6 സീരീസിൻറെ ഔദ്യോഗിക ലോഞ്ച് തീയതി മൈക്രോസൈറ്റ് വെളിപ്പെടുത്തുന്നില്ല. എന്നാൽ, വരാനിരിക്കുന്ന സ്മാർട്ഫോണുകളുടെ ക്യാമറ സവിശേഷതകളിലൊന്ന് ഇത് എടുത്തുപറയുന്നു. ഓപ്പോയുടെ വരാനിരിക്കുന്ന റെനോ സ്മാർട്ട്‌ഫോണുകളിൽ ബോക്കെ ഫ്ലെയർ പോർട്രെയിറ്റ് വീഡിയോ ഫീച്ചർ ചെയ്യും. പ്രവർത്തനക്ഷമമാക്കുമ്പോൾ, സബ്‌ജക്റ്റ് ഫോക്കസ് ചെയ്യുന്ന സമയത്ത് 'ശാലോ ഡെപ്പ്ത്ത് ഓഫ് ഫീൽഡ്' ഇവിടെ പ്രവർത്തിക്കുന്നു.

ഈ രണ്ട് ഡിവൈസുകളുടെ കുറിച്ചും മൈക്രോസൈറ്റ് കൂടുതൽ വെളിപ്പെടുത്തിയിട്ടില്ല. എന്നാൽ, മൈക്രോസൈറ്റിലെ ടീസർ ചിത്രത്തെ അടിസ്ഥാനമാക്കി ചൈനീസ് വേരിയന്റുകൾ ഇന്ത്യയിലേക്ക് വരുമെന്ന് നമുക്ക് പ്രതീക്ഷിക്കാം. ഇതിൻറെ വാനില മോഡലിൽ മീഡിയടെക് ഡൈമെൻസിറ്റി 900 5 ജി പ്രോസസർ അവതരിപ്പിക്കും. പ്രോ മോഡൽ മീഡിയടെക് ഡൈമെൻസിറ്റി 1200 SoC പ്രോസസറുമായി വരും. ഇന്ത്യയിൽ പ്രോ + മോഡൽ അവതരിപ്പിക്കുന്നതിനെക്കുറിച്ച് ഇതുവരെ ഒരു വ്യക്തതയുമില്ല.

രണ്ട് സ്‌ക്രീനിലും വ്യത്യസ്ത സ്‌ക്രീൻ വലുപ്പങ്ങളുള്ള 90Hz അമോലെഡ് റിഫ്രഷ് റേറ്റ് ഡിസ്‌പ്ലേയാണ് നൽകിയിട്ടുള്ളത്. വാനില മോഡലിന് 6.43 ഇഞ്ച് എഫ്എച്ച്ഡി + ഫ്ലാറ്റ് അമോലെഡ് ഡിസ്പ്ലേയും, ചൈനയിലെ പ്രോ മോഡലിന് 6.55 ഇഞ്ച് എഫ്എച്ച്ഡി + വളഞ്ഞ അമോലെഡ് ഡിസ്പ്ലേയുമാണ് നൽകിയിട്ടുള്ളത്. ഈ സ്മാർട്ഫോണുകൾക്ക് പിന്നിലായി ഒരു ട്രിപ്പിൾ ക്യാമറ സംവിധാനമാണ് നൽകിയിട്ടുള്ളത്. 64 എംപി പ്രൈമറി ക്യാമറ, 8 എംപി അൾട്രാവൈഡ് സെൻസർ, 2 എംപി മാക്രോ ക്യാമറ എന്നിവയുണ്ട്.