കാത്തിരിപ്പിന് അവസാനം; അടുത്തയാഴ്ച ഈ സ്മാർട്ട്ഫോണുകൾ ഇന്ത്യയിലെത്തും

ഓപ്പോ റെനോ 8 സീരീസിന്റെ അവതരണത്തോടെയാണ് അടുത്തയാഴ്ചയിലെ സ്മാർട്ട്ഫോൺ ലോഞ്ചുകൾ ആരംഭിക്കുന്നത്. രണ്ട് ഡിവൈസുകളാണ് ഓപ്പോ റെനോ 8 സീരീസിൽ ഇന്ത്യൻ വിപണിയിൽ എത്തുന്നത്. സ്നാപ്പ്ഡ്രാഗൺ 7 ജെൻ 1 എസ്ഒസി, ഡൈമൻസിറ്റി 1300 എസ്ഒസി എന്നീ ചിപ്പ്സെറ്റുകളുമായാണ് റെനോ സീരിസ് വരുന്നത്. അതേ ദിവസം തന്നെ ടെക്നോയുടെ സ്പാർക്ക് 9 മോഡലും ഇന്ത്യയിൽ ലോഞ്ച് ചെയ്യും. ജൂലൈ 20നാണ് റെഡ്മി കെ50ഐ വിപണിയിൽ എത്തുക.

Samsung Galaxy A23: സാംസങ് ഗാലക്സി എ23 സ്മാർട്ട്ഫോൺ കുറഞ്ഞ വിലയിൽ സ്വന്തമാക്കാം

ഓപ്പോ റെനോ 8

റെനോ 8, റെനോ 8 പ്രോ എന്നിവ ഉൾപ്പെടുന്ന ഓപ്പോ റെനോ 8 സീരീസ് ജൂലൈ 18 ന് രാജ്യത്ത് ലോഞ്ച് ചെയ്യും. രണ്ട് ഡിവൈസുകളും നവീകൃത ഡിസൈനുമായാണ് ഇന്ത്യൻ വിപണിയിൽ എത്തുന്നത്. ബേസ് മോഡലായ ഓപ്പോ റെനോ 8ൽ 6.43 ഇഞ്ച് അമോലെഡ് ഡിസ്പ്ലെയാണ് ഫീച്ചർ ചെയ്യുന്നത്. 90 ഹെർട്സ് റിഫ്രഷ് റേറ്റും ഓപ്പോ റെനോ 8 സ്മാർട്ട്ഫോണിന്റെ ഡിസ്പ്ലെയിൽ പ്രതീക്ഷാക്കാവുന്നതാണ്.

 

മീഡിയടെക് ഡൈമെൻസിറ്റി 1300 എസ്ഒസി ആണ് ഓപ്പോ റെനോ 8 സ്മാർട്ട്ഫോണിന് കരുത്ത് പകരുന്നത്. 12 ജിബി റാം, 256 ജിബി ഇന്റേണൽ സ്റ്റോറേജ് എന്നിവയും ഓപ്പോ റെനോ 8 സ്മാർട്ട്ഫോൺ ഓഫർ ചെയ്യും. ട്രിപ്പിൾ റിയർ ക്യാമറ സജ്ജീകരണമാണ് ഓപ്പോ റെനോ 8 സ്മാർട്ട്ഫോൺ ഫീച്ചർ ചെയ്യുക. 50 മെഗാ പിക്സലിന്റെ പ്രൈമറി സെൻസറാണ് ഈ ട്രിപ്പിൾ റിയർ ക്യാമറ സജ്ജീകരണത്തിന്റെ ഹൈലൈറ്റ്.

Poco F4: പോക്കോ എഫ്4 5ജി ഇപ്പോൾ സ്വന്തമാക്കാം വെറും 22,999 രൂപയ്ക്ക്

32 മെഗാ പിക്സൽ സെൽഫി സ്‌നാപ്പറും ഓപ്പോ റെനോ 8 സ്മാർട്ട്ഫോണിൽ നൽകിയിട്ടുണ്ട്. മിഴിവേറിയ സെൽഫികൾ പകർത്താൻ ഇത് സഹായിക്കുമെന്നാണ് കമ്പനി അവകാശപ്പെടുന്നത്. 4,500 എംഎഎച്ച് ബാറ്ററിയും ഓപ്പോ റെനോ 8 സ്മാർട്ട്ഫോണിൽ ലഭ്യമാണ്.

ഓപ്പോ റെനോ 8 പ്രോ

മറുവശത്ത് ഓപ്പോ റെനോ 8 പ്രോ മോഡലിൽ 6.62 ഇഞ്ച് അമോലെഡ് സ്ക്രീൻ ആണ് നൽകിയിരിക്കുന്നത്. 120 ഹെർട്സ് റിഫ്രഷ് റേറ്റും ഓപ്പോ റെനോ 8 പ്രോ സ്മാർട്ട്ഫോണിന്റെ ഡിസ്പ്ലെ ഓഫർ ചെയ്യുന്നു. സ്നാപ്പ്ഡ്രാഗൺ 7 ജെൻ 1 എസ്ഒസിയാണ് ഓപ്പോ റെനോ 8 പ്രോ മോഡലിന് കരുത്ത് പകരുന്നത്.

Nothing: വ്യാജ കത്തും വ്യാജ ബോക്സും, വിവാദങ്ങളിൽ പ്രതികരണവുമായി നത്തിങ് ഇന്ത്യ

12 ജിബി റാം, 256 ജിബി ഇന്റേണൽ സ്റ്റോറേജ് കോൺഫിഗറേഷനിലാണ് ഓപ്പോ റെനോ 8 പ്രോ സ്മാർട്ട്ഫോൺ വരുന്നത്. ട്രിപ്പിൾ ക്യാമറ സജ്ജീകരണമാണ് ഓപ്പോ റെനോ 8 പ്രോ സ്മാർട്ട്ഫോണും ഫീച്ചർ ചെയ്യുന്നത്. 50 മെഗാ പിക്സൽ പ്രൈമറി സെൻസറാണ് ഈ ട്രിപ്പിൾ റിയർ ക്യാമറ സജ്ജീകരണത്തിന്റെയും ഹൈലൈറ്റ്. 8 മെഗാ പിക്സൽ + 2 മെഗാ പിക്സൽ സെക്കൻഡറി സെൻസറുകളും പ്രോ മോഡലിൽ ലഭ്യമാണ്.

32 മെഗാ പിക്സൽ സെൽഫി സെൻസറും ഓപ്പോ റെനോ 8 സ്മാർട്ട്ഫോണിൽ ലഭ്യമാക്കിയിരിക്കുന്നു. 4,500 എംഎഎച്ച് ബാറ്ററിയാണ് ഓപ്പോ റെനോ 8 പ്രോ മോഡലിൽ നൽകിയിരിക്കുന്നത്. 80 വാട്ട് ഫാസ്റ്റ് ചാർജിങ് സപ്പോർട്ടും ഓപ്പോ റെനോ 8 പ്രോ സ്മാർട്ട്ഫോൺ ഓഫർ ചെയ്യുന്നുണ്ട്.

108MP Camera Smartphones: 108 എംപി ക്യാമറകളും 20,000 രൂപയിൽ താഴെ വിലയും; അറിയാം ഈ അടിപൊളി ഡിവൈസുകളെക്കുറിച്ച്

ടെക്നോ സ്പാർക്ക് 9

ജൂലൈ 18 തിങ്കളാഴ്ച തന്നെ വിപണിയിൽ എത്തുന്ന മറ്റൊരു സ്മാർട്ട്ഫോൺ ആണ് ടെക്നോ സ്പാർക്ക് 9 സ്മാർട്ട്ഫോൺ. 6.6 ഇഞ്ച് എച്ച്ഡി പ്ലസ് ഡിസ്പ്ലെയാണ് ടെക്നോ സ്പാർക്ക് 9 സ്മാർട്ട്ഫോൺ ഫീച്ചർ ചെയ്യുന്നത്. 90 ഹെർട്സ് റിഫ്രഷ് റേറ്റും ടെക്നോ സ്പാർക്ക് 9 സ്മാർട്ട്ഫോണിന്റെ ഡിസ്പ്ലെ ഓഫർ ചെയ്യുന്നുണ്ട്.

വെർച്വൽ റാം സപ്പോർട്ട് ഉപയോഗിച്ച് ടെക്നോ സ്പാർക്ക് 9 സ്മാർട്ട്ഫോണിന്റെ റാം കപ്പാസിറ്റി 11 ജിബി വരെയായി ഉയർത്താൻ കഴിയും. മീഡിയാടെക് ഹീലിയോ ജി37 എസ്ഒസിയാണ് ടെക്നോ സ്പാർക്ക് 9 സ്മാർട്ട്ഫോണിന് കരുത്ത് പകരുന്നത്. ഡ്യുവൽ ക്യാമറ സജ്ജീകരണവും 5,000 എംഎഎച്ച് ബാറ്ററിയും ടെക്നോ സ്പാർക്ക് 9 ഓഫർ ചെയ്യുന്നു.

8 ജിബി റാമിന്റെ കരുത്തുമായി 35,000 രൂപയിൽ താഴെ വിലയിൽ വാങ്ങാവുന്ന സ്മാർട്ട്ഫോണുകൾ

റെഡ്മി കെ50ഐ

റെഡ്മി കെ50ഐ സ്മാർട്ട്ഫോൺ ജൂലൈ 20 ന് ഇന്ത്യൻ വിപണിയിൽ ഔദ്യോഗികമായി ലോഞ്ച് ചെയ്യും. ഫുൾ എച്ച്‌ഡി പ്ലസ് റെസല്യൂഷൻ ഉള്ള 6.6 ഇഞ്ച് ഐപിഎസ് എൽസിഡി ഡിസ്‌പ്ലെയുമായാണ് റെഡ്മി കെ50ഐ വിപണിയിലേക്ക് വരുന്നത്. 144 ഹെർട്‌സ് റിഫ്രഷ് റേറ്റും റെഡ്മി കെ50ഐ സ്മാർട്ട്ഫോണിന്റെ ഡിസ്പ്ലെ ഓഫർ ചെയ്യുന്നു.

64 മെഗാ പിക്സൽ മെയിൻ സെൻസർ, 8 മെഗാ പിക്സൽ അൾട്രാ വൈഡ് സെൻസർ, 2 മെഗാ പിക്സൽ മാക്രോ ലെൻസ് എന്നിവയുള്ള ട്രിപ്പിൾ ക്യാമറ സിസ്റ്റം റെഡ്മി കെ50ഐ സ്മാർട്ട്ഫോണിൽ ഉണ്ടാകും. 8 ജിബി വരെ റാം ഓപ്ഷനുകളും 256 ജിബി ഇന്റേണൽ സ്റ്റോറേജും റെഡ്മി കെ50ഐയിൽ നൽകിയിരിക്കുന്നു.

IPhone 14: അത്ര ചീപ്പാകില്ല ഐഫോൺ 14; സങ്കടപ്പെടുത്തുമോ ആപ്പിൾ?

മീഡിയടെക് ഡൈമൻസിറ്റി 8100 എസ്ഒസിയാണ് റെഡ്മി കെ50ഐ സ്മാർട്ട്ഫോണിന് കരുത്ത് പകരുന്നത്. 5,080 എംഎഎച്ച് ബാറ്ററിയും റെഡ്മി കെ50ഐ സ്മാർട്ട്ഫോൺ ഫീച്ചർ ചെയ്യുന്നു. 67 വാട്ട് ഫാസ്റ്റ് ചാർജിങ് സപ്പോർട്ടും റെഡ്മി കെ50ഐ സ്മാർട്ട്ഫോണിൽ കമ്പനി നൽകിയിട്ടുണ്ട്.

ഓപ്പോ പാഡ് എയർ

ഓപ്പോയുടെ ആദ്യ ടാബ്ലെറ്റ്, ഓപ്പോ പാഡ് എയർ ജൂലൈ 18ന് ഇന്ത്യൻ വിപണിയിൽ അവതരിപ്പിക്കപ്പെടും. ബജറ്റ് സെഗ്മെന്റിലേക്കാണ് ഓപ്പോ പാഡ് എയർ വരുന്നത്. സ്നാപ്പ്ഡ്രാഗൺ 680 എസ്ഒസിയാണ് ഓപ്പോ പാഡ് എയർ ടാബ്ലെറ്റിന് കരുത്ത് പകരുന്നത്.

Used Smartphone: ഐഫോണോ? ആൻഡ്രോയിഡോ? പഴയ ഫോൺ വാങ്ങുമ്പോൾ ഇക്കാര്യങ്ങൾ അറിഞ്ഞിരിക്കണം