ഓപ്പോ റെനോ എയ്‌സ്‌ 2 5G ഏപ്രിൽ 13 ന് വിപണിയിലെത്തും

ഓപ്പോയുടെ ഈ പുതിയ ഓപ്പോ റെനോ എയ്‌സ്‌ 2 ഏപ്രിൽ 13-ന് എത്തും. ചൈനയിലാണ് ആദ്യം ഓപ്പോ എയ്‌സ്‌ 2 ലോഞ്ച് ചെയ്യുക. മികച്ച ക്യാമറയുള്ള ഹാൻഡ്‌സെറ്റിൽ ഗെയിമിംഗ് താൽപര്യമുള്ളവരെ ഉദ്ദേശിച്ച് കൂടുതൽ സവിശേഷതകൾ നൽകും എന്നാണ് റിപ്പോർട്ടുകൾ വെളിപ്പെടുത്തുന്നത്.

ലീക്കായ വിവരങ്ങൾ അനുസരിച്ച് 6.5-ഇഞ്ചുള്ള ഫുൾ HD+ അമോലെഡ് ഡിസ്പ്ലേ ആയിരിക്കും ഓപ്പോ എയ്‌സ്‌ 2 സ്മാർട്ഫോണിനുണ്ടാവുക. 160x75.4x8.6 mm ആയിരിക്കും ഫോണിന്റെ വലിപ്പം വരുന്നത്. ക്വാൽകോമിന്റെ സ്നാപ്ഡ്രാഗൺ 865 SoC പ്രൊസസർ ആയിരിക്കും ഫോണിന് ശക്തി പകരുക. 12 ജിബി റാമുമായും 256 ജിബി സ്റ്റോറേജുമായും ഈ പ്രൊസസർ ബന്ധിപ്പിച്ചിരിക്കുന്ന. ആൻഡ്രോയിഡ് 10 ഓപ്പറേറ്റിങ് സിസ്റ്റം അടിസ്ഥാനമാക്കിയുള്ള കളർ ഒഎസ് 7 ലാണ് ഫോൺ പ്രവർത്തിക്കുന്നത്.

സെൽഫികൾക്കും വീഡിയോ കോളുകൾക്കുമായി 16-മെഗാപിക്സലിന്റെ ഫ്രന്റ് ക്യാമറയാണ് ഓപ്പോ എയ്‌സ്‌ 2 സ്മാർട്ഫോണിലുണ്ടാവുക. പിറകിൽ സർക്കുലർ ക്യാമറ സംവിധാനമാണ് പ്രതീക്ഷിക്കുന്നത്. ഇതിൽ നാല് സെൻസറുകളുണ്ടാവും. ഒരു 48-മെഗാപിക്സൽ ലെൻസ്, 8-മെഗാപിക്സൽ സെൻസർ, രണ്ട് 2-മെഗാപിക്സൽ സെൻസറുകൾ എന്നിവയാണ് ഈ സ്മാർട്ഫോണിലുണ്ടാവുക.

കഴിഞ്ഞ ഒക്ടോബറിൽ ഓപ്പോ ലോഞ്ച് ചെയ്ത ഓപ്പോ റെനോ എയ്‌സ്‌ ഫോണിന്റെ പിൻഗാമിയായാവും ഓപ്പോ എയ്‌സ്‌ 2 വിപണിയിലെത്തുക. 90 ഹെര്‍ട്സ് റിഫ്രഷ് റേറ്റുള്ള 6.5 ഇഞ്ച് അമോലെഡ് ഡിസ്‌പ്ലേയാണ് ഈ ഫോണിനുള്ളത്. 125 ജിബി റാമും 256 ജിബി സ്റ്റോറേജുമുള്ള ക്വൽകോം സ്നാപ്ഡ്രാഗൺ 855+SoCയിൽ ആണ് ഓപ്പോ റെനോ എയ്‌സ്‌ പ്രവർത്തിച്ചിരുന്നത്. 4000mAh ബാറ്ററിയാണ് ഇതിൽ വരുന്നത്.

മൈക്രോ എസ്ഡി കാർഡിനുള്ള പിന്തുണയോടൊപ്പം റെനോ ഏസ് 2 5 ജി - 8 ജിബി / 128 ജിബി, 12 ജിബി / 256 ജിബി എന്നിവയിൽ രണ്ട് റാമും സ്റ്റോറേജ് ഓപ്ഷനുകളും ഉണ്ടാകും. 6.5 ഇഞ്ച് എഫ്എച്ച്ഡി + അമോലെഡ് ഡിസ്പ്ലേ, പഞ്ച്-ഹോൾ ഡിസൈൻ, ഇൻ-ഡിസ്പ്ലേ ഫിംഗർപ്രിന്റ് സെൻസർ എന്നിവയുമായി ഓപ്പോ റെനോ എയ്‌സ് 2 വരുന്നു. ഓപ്പോ റെനോ എയ്‌സ് 2 5 ജി. സെൽഫികൾക്കായി, പഞ്ച്-ഹോളിനുള്ളിൽ മുൻവശത്ത് 16 മെഗാപിക്സൽ സെൻസർ ഉണ്ടാകും.