അദൃശ്യമായ "അണ്ടർ ഡിസ്പ്ലേ' ക്യാമറയുമായി ഓപ്പോ; മത്സരത്തിനൊരുങ്ങി ഷവോമി

അണ്ടര്‍ ഡിസ്‌പ്ലേ ക്യാമറ

സ്‌ക്രീനിൻറെ കീഴിലുള്ള ക്യാമറയുടെ പ്രവര്‍ത്തനം ദൃശ്യമാക്കുന്ന ഒരു വീഡിയോ ഓപ്പോ ട്വീറ്റ് ചെയ്തു. ക്യാമറ സംബന്ധിച്ച കൂടുതല്‍ വിവരങ്ങളൊന്നും കമ്പനി ഇതുവരെ വെളിപ്പെടുത്തിയിട്ടില്ല, ഒരു പക്ഷെ ലോകത്ത് തന്നെ ആദ്യമായി പുറത്തിറങ്ങാന്‍ പോവുന്ന അണ്ടര്‍ ഡിസ്‌പ്ലേ ക്യാമറയാവും ഒപ്പോയുടെ ഈ പുതിയ സ്മാർട്ഫോൺ.

സെല്‍ഫി ക്യാമറ

ഓപ്പോ ഷെയർ ചെയ്യ്ത വീഡിയോയില്‍ ദൃശ്യമാകുന്നത് സെല്‍ഫി ക്യാമറ അദൃശ്യമായിട്ടാണ്. ക്യാമറ ആപ്പ് തുറക്കുമ്പോള്‍ ഫോണിന് മുകളില്‍ മധ്യഭാഗത്തായി വൃത്താകൃതിയില്‍ ഒരു അടയാളം തിളങ്ങുന്നത് കാണുവാൻ സാധിക്കും, അവിടെയാണ് ഈ ഫോണിൻറെ ക്യാമറയുള്ളത്. ഫോണുകള്‍ക്ക് കഴിവതും സ്‌ക്രീന്‍ വലിപ്പം ലഭിക്കാനുള്ള പരിശ്രമങ്ങളുടെ ഭാഗമായി നോച്ച് സ്‌ക്രീനും, പോപ്പ് അപ്പ് സ്‌ക്രീനും, പഞ്ച്‌ഹോള്‍ ക്യാമറയുമെല്ലാം പരീക്ഷിക്കപ്പെട്ടിട്ടുണ്ട്.

ഒപ്പോയുടെ പുതിയ സ്മാർട്ഫോൺ

ചൈനീസ് സമൂഹമാധ്യമ വെബ്‌സൈറ്റായ വീബോയിലാണ് ഒപ്പോയുടെ ഈ പുതിയ സ്മാർട്ഫോൺ വീഡിയോ ആദ്യമായി ഷെയർ ചെയ്യ്തത്. ഓപ്പോ വൈസ് പ്രസിഡന്റ് ബ്രയാന്‍ ഷെന്‍ ആണ് വീഡിയോ ഷെയർ ചെയ്യ്തത്. നിലവില്‍ ഉപയോഗിക്കുന്ന ക്യാമറകളുടെ അത്രയും ഗുണമേന്മ അണ്ടര്‍ ഡിസ്‌പ്ലേ ക്യാമറകള്‍ക്ക് ഇപ്പോള്‍ ലഭ്യമാക്കാനാവില്ലെന്ന് ഷെന്‍ അഭിപ്രായപ്പെട്ടു.

ഷവോമി

അണ്ടര്‍ ഡിസ്‌പ്ലേ ക്യാമറയും സാധാരണ ക്യാമറകളുമായുള്ള താരതമ്യം ഇപ്പോഴത്തെ അവസ്ഥയില്‍ പ്രയാസകരമാണ്. ഇതിന്റെ ഒപ്റ്റിക്കല്‍ ഗുണമേന്മയില്‍ കുറവുണ്ട്. എന്നാല്‍ നിലവില്‍ മറ്റൊരു സാങ്കേതിക വിദ്യയും ഇത്രയും പൂര്‍ണതയില്‍ എത്തിയിട്ടില്ലെന്നും ഷെന്‍ കൂട്ടിച്ചേര്‍ത്തു.

ഓപ്പോ

ഒപ്പോയുടെ വീഡിയോയ്ക്ക് ശേഷം, ഷവോമി സ്വന്തമായി ഒരു വീഡിയോ പോസ്റ്റ് ചെയ്യ്ത് പ്രതികരിച്ചു, സമാന സാങ്കേതികവിദ്യ പ്രദർശിപ്പിക്കുക എന്നതാണ് ഉദ്ദേശം. വീഡിയോയിൽ സമാനമായ രണ്ടു ഫോണുകൾ കാണിക്കുന്നു, വ്യക്തമായി ദൃശ്യമായ ഒരു സെൽഫി ക്യാമറ മറ്റൊന്ന് ഇല്ലാത്തത് - പിന്നെ നോച്ച് ഇല്ലാത്ത ഫോൺ സെൽഫി എടുക്കാൻ ഉപയോഗിക്കുന്നു. അതായത്, ഇതുപോലുള്ള ഫോണുകൾ ഷവോമിയുടെ കൈയിൽ നിന്നും അധികം വൈകാതെ ലഭ്യമാക്കും എന്നായിരുന്നു.