പാനസോണിക് ഇലൂഗ U റിവ്യു; ഇടത്തരം ശ്രേണിയില്‍ പെട്ട മികച്ച സ്മാര്‍ട്‌ഫോണ്‍

#1

മെറ്റല്‍ ബോഡിയല്ലെങ്കിലും കാഴ്ചയ്ക്ക് ആകര്‍ഷകമായ ഡിസൈന്‍ ആണ് ഇലൂഗ U സ്മാര്‍ട്‌ഫോണിനുള്ളത്. ഫോണിന്റെ ബാക് കവര്‍ ഉറപ്പുള്ളതും വരവീഴാത്തതുമാണ്. കട്ടി അല്‍പം കൂടുതലാണെങ്കിലും ഉപയോഗിക്കാന്‍ സൗകരയപ്രദമാണ്.

#2

720 പിക്‌സല്‍ വരുന്ന 5 ഇഞ്ച് IPS HD ഡിസ്‌പ്ലെയാണ് ഫോണിനുള്ളത്. ഒപ്പം ഗൊറില്ല ഗ്ലാസ് 3 പ്രൊട്ടക്ഷനും. മികച്ച വ്യൂവിംഗ് ആംഗിളാണ് സ്‌ക്രീന്‍ നലകുന്നത്. അതേസമയം നിറങ്ങള്‍ ചില സമയങ്ങളില്‍ വ്യക്തമാവുകയുമില്ല.

#3

ആന്‍ഡ്രോയ്ഡ് 4.4 കിറ്റ്കാറ്റ് ഒ.എസ് ആണ് ഇലൂഗ U വില്‍ ഉള്ളത്. അതോടൊപ്പം ഫിറ്റ് ഹോം യൂസര്‍ ഇന്റര്‍ഫേസ് ആണ് ഉപയോഗിച്ചിരിക്കുന്നത്. എല്ലാ ആപ്ലിക്കേഷനുകളും ഹോം സ്‌ക്രീനില്‍ തന്നെ തുറക്കാമെന്നതാണ് ഈ യൂസര്‍ ഇന്റര്‍ഫേസിന്റെ പ്രത്യേകത. ഹോം സ്‌ക്രീനിലെ ഐക്കണുകള്‍ കസ്റ്റമൈസ് ചെയ്യാനും സാധിക്കും.

#4

ക്വാഡ്‌കോര്‍ ക്വാള്‍കോം സ്‌നാപ്ഡ്രാഗണ്‍ 400 പ്രൊസസറും 2 ജി.ബി. റാമുമാണ് ഫോണില്‍ ഉള്ളത്. ഇന്റേണല്‍ മെമ്മറി 16 ജി.ബിയാണ്. എന്തായാലും സാധാരണ രീതിയില്‍ ഉപയോഗിക്കുമ്പോള്‍ വേഗതയുടെ കാര്യത്തില്‍ ഫോണ്‍ മികച്ചതുതന്നെ. അതേസമയം ഉയര്‍ന്ന സൈസുള്ള ഗെയിമുകള്‍ പ്ലേ ചെയ്യുമ്പോള്‍ ചെറിയ രീതിയില്‍ ഹാംഗ് ആവുന്നുണ്ട്.

#5

LED ഫ് ളാഷോടു കൂടിയ 13 എം.പി പ്രൈമറി ക്യാമറയും 2 എം.പി ഫ്രണ്ട് ക്യാമറയുമാണ് ഫോണിലുള്ളത്. പിന്‍ ക്യാമറ ശരാശരിയിലും മികച്ചതാണ് എന്ന കാര്യത്തില്‍ തര്‍ക്കമില്ല. കുറഞ്ഞ വെളിച്ചത്തിലും വ്യക്തമായ ചിത്രങ്ങള്‍ ലഭ്യമാക്കുന്നുണ്ട്. കൂടാതെ 720 പിക്‌സല്‍ HD വീഡിയോകള്‍ റെക്കോഡ് ചെയ്യാനും സാധിക്കും. രണ്ട് ക്യാമറകളും HDR മോഡ് സപ്പോര്‍ട് ചെയ്യും.

#6

2500 mAh ബാറ്ററിയാണ് ഫോണിലുള്ളത്. ഇതും ശരാശരിയില്‍ കൂടുതല്‍ ചാര്‍ജ് നല്‍കും.

#7

18,990 രൂപയ്ക്ക് ലഭിക്കാവുന്ന മികച്ച ഫോണുകളില്‍ ഒന്നാണ് പാനസോണിക് ഇലൂഗ U എന്ന് നിസംശയം പറയാം. പ്രൊസസര്‍ ഉള്‍പ്പെടെ പല കാര്യങ്ങളിലും ചെറിയ പോരായ്മകള്‍ ഉണ്ടെങ്കിലും ഫോണിന്റെ ഡിസൈനും യൂസര്‍ ഇന്റര്‍ഫേസും ക്യാമറയും എല്ലാം ഈ കുറവ് പരിഹരിക്കും.