പോക്കോ എഫ് 3 ജിടി പ്രീമിയം സ്മാർട്ട്‌ഫോൺ ഈ മാസം അവസാനം അവതരിപ്പിക്കും

പുതിയ പോക്കോ എഫ് 3 ജിടി സ്മാർട്ഫോണിൻറെ സവിശേഷതകളും ലോഞ്ച് തീയതിയും സ്ഥിരീകരിച്ചു

പോക്കോ എഫ് 3 ജിടി ഈ മാസം അവസാനം അവതരിപ്പിക്കും. ഈ ഹാൻഡ്‌സെറ്റിൻറെ ചില പ്രധാന വിശദാംശങ്ങളും പോക്കോ ഇന്ത്യയുടെ അനുജ് ശർമ സ്ഥിരീകരിച്ചു. 30,000 രൂപയിൽ എഫ് 3 ജിടി പുറത്തിറക്കുമെന്ന് ശർമ ഇന്ത്യ ടുഡേയോട് പറഞ്ഞു. ഉന്നത മേധാവി എപ്പോൾ അവതരിപ്പിക്കുമെന്ന് കാണിക്കുന്ന തീയതിയും ഇതുവരെ വെളിപ്പെടുത്തിയിട്ടില്ല. എന്നാൽ, ഈ മാസം അവസാനം പുതിയ എഫ് 3 ജിടി അവതരിപ്പിക്കാനുള്ള ശ്രമത്തിലാണ് ഇപ്പോൾ കമ്പനി.

120Hz റിഫ്രെഷ് റേറ്റ് സപ്പോർട്ടും എച്ച്ഡിആർ 10 + സർട്ടിഫിക്കേഷനും അടങ്ങിയ അമോലെഡ് ഡിസ്പ്ലേയാണ് എഫ് 3 ജിടിയിൽ നൽകിയിട്ടുള്ളതെന്നും ശർമ്മ വെളിപ്പെടുത്തി. അമോലെഡ് ഡിസ്പ്ലേയിലെ ബുറൈറ്നെസ്സ് ലെവൽ നിയന്ത്രിക്കുന്നതിനായി ഡിസി ഡിമ്മിംഗ് സപ്പോർട്ടും ഇതിലുണ്ട്. അമോലെഡ് ഡിസ്പ്ലേ വരുന്ന പോക്കോയുടെ ആദ്യത്തെ സ്മാർട്ട്‌ഫോണാണ് എഫ് 3 ജിടി എന്നത് ശ്രദ്ധേയമായ മറ്റൊരു കാര്യമാണ്. മികച്ച വ്യൂയിങ് എക്സ്‌പീരിയൻസ് നൽകുന്ന വരാനിരിക്കുന്ന പോക്കോ സ്മാർട്ട്ഫോൺ സ്റ്റീരിയോ സ്പീക്കറുകൾ ഇതിൽ ഉൾപ്പെടുത്തും. ഡോൾബി അറ്റ്‌മോസ് സപ്പോർട്ടുമായി ഈ സ്മാർട്ഫോൺ വിപണിയിൽ വരും.

എയ്‌റോസ്‌പേസ് ഗ്രേഡ് അലുമിനിയം അലോയ് ഫ്രെയിമും ഗ്ലാസ് ബോഡിയും എഫ് 3 ജിടിയിൽ ഉൾപ്പെടുമെന്ന് പോക്കോ ഇതിനകം സ്ഥിരീകരിച്ചു. സിൽവർ, ബ്ലാക്ക് കളർ ഓപ്ഷനുകളിൽ ഇത് വരും. ചൈനയിൽ അവതരിപ്പിച്ച റെഡ്മി കെ 40 ഗെയിമിംഗ് എഡിഷനായിരിക്കും ഈ സ്മാർട്ട്ഫോൺ. മീഡിയടെക് ഡൈമെൻസിറ്റി 1200 SoC അവതരിപ്പിക്കുന്ന ഇത് 12 ജിബി വരെ റാമുമായി വരുമെന്ന് പ്രതീക്ഷിക്കുന്നു. 64 എംപി ട്രിപ്പിൾ റിയർ ക്യാമറ സെറ്റപ്പാണ് ഈ സ്മാർട്ട്ഫോണിനുള്ളത്. 8 എംപി അൾട്രാ വൈഡ് ആംഗിൾ ലെൻസും 2 എംപി മാക്രോ ലെൻസും ഇതിൽ ഉൾപ്പെടും. സെൽഫികൾ പകർത്തുവാൻ ഈ സ്മാർട്ട്ഫോണിന് 16 എംപി മുൻ ക്യാമറയുണ്ട്. 67 W ഫാസ്റ്റ് ചാർജിംഗ് സപ്പോർട്ടുള്ള 5065 എംഎഎച് ബാറ്ററിയാണ് ഈ സ്മാർട്ഫോണിൽ ഉൾപ്പെടുത്തിയിരിക്കുന്നത്. ഡോൾബി അറ്റ്‌മോസ്, ഹൈ-റെസ് ഓഡിയോയുള്ള ജെബിഎൽ-ട്യൂൺഡ് ഡ്യുവൽ സ്പീക്കറുകളും യുഎസ്ബി ടൈപ്പ്-സി ചാർജിംഗ് പോർട്ടും ഇതിലുണ്ട്.