Poco F4 5G Vs iQOO Neo 6 5G: തീപ്പൊരി ചിതറും പോരാട്ടം; പോക്കോ എഫ്4 5ജിയും iQOO നിയോ 6 5ജിയും താരതമ്യം ചെയ്യാം

പ്രൊസസർ മാത്രമല്ല, പോക്കോ എഫ്4 5ജിയ്ക്കും iQOO നിയോ 6 5ജിയ്ക്കും ഇടയിൽ വേറെയും സമാന സവിശേഷതകൾ ഉണ്ട്. രണ്ട് സ്മാർട്ട്ഫോണുകളും ട്രിപ്പിൾ ക്യാമറ സജ്ജീകരണമാണ് ഫീച്ചർ ചെയ്യുന്നത്. രണ്ട് ഡിവൈസുകളിലും ഇ4 അമോലെഡ് പാനലുകളും ലഭ്യമാണ്. പോക്കോ എഫ്4 5ജിയും iQOO നിയോ 6 5ജി സ്മാർട്ട്ഫോണും തമ്മിൽ ഉള്ള വിശദമായ താരതമ്യം അറിയാൻ തുടർന്ന് വായിക്കുക.

Poco F4 5G Vs iQOO Neo 6 5G: വിലയും വേരിയന്റുകളും

മൂന്ന് വേരിയന്റുകളിലാണ് Poco F4 5G ഇന്ത്യയിൽ എത്തുന്നത്. 6 ജിബി റാം + 128 ജിബി സ്റ്റോറേജ് കോൺഫിഗറേഷനിൽ എത്തുന്ന ബേസ് വേരിയന്റിന് 27,999 രൂപയാണ് വില വരുന്നത്. 8 ജിബി റാം + 128 ജിബി സ്റ്റോറേജ് മോഡലിന് 29,999 രൂപയും വില വരുന്നു.

പോക്കോ എഫ്4 5ജിയുടെ ഹൈ എൻഡ് മോഡലായ 12 ജിബി റാം + 256 ജിബി ഇന്റേണൽ സ്റ്റോറേജ് ഓപ്‌ഷന് 33,999 രൂപയും വില വരുന്നു. നെബുല ഗ്രീൻ കള‍‍ർ, നൈറ്റ് ബ്ലാക്ക് കളർ എന്നീ വേരിയന്റുകളിലാണ് പോക്കോ എഫ്4 5ജി വിപണിയിൽ വാങ്ങാൻ കിട്ടുക.

അതേ സമയം iQOO Neo 6 5G സ്മാർട്ട്ഫോൺ രണ്ട് വേരിയന്റുകളിലാണ് ഇന്ത്യൻ വിപണിയിൽ വിൽപ്പനയ്ക്ക് എത്തിയത്. 8 ജിബി റാം + 128 ജിബി ഇന്റേണൽ സ്റ്റോറേജ് കോൺഫിഗറേഷനിൽ എത്തിയ ബേസ് മോഡൽ 29,999 രൂപയ്ക്കാണ് വിപണിയിലും വിൽപ്പന സൈറ്റുകളിലും ലിസ്റ്റ് ചെയ്തിരിക്കുന്നത്.

iQOO നിയോ 6 5ജി സ്മാർട്ട്ഫോണിന്റെ ഹൈ എൻഡ് മോഡലായ 12 ജിബി റാം + 256 ജിബി ഇന്റേണൽ സ്റ്റോറേജ് ഓപ്‌ഷന് 33,999 രൂപയും വില നൽകണം. സൈബർ റേജ് കള‍‍ർ, ഡാർക്ക് നോവ കളർ വേരിയന്റുകളിൽ iQOO നിയോ 6 5ജി സ്മാർട്ട്ഫോൺ വിപണിയിൽ ലഭ്യമാണ്.

Poco F4 5G Vs iQOO Neo 6 5G: ഡിസ്പ്ലെ താരതമ്യം

6.67 ഇഞ്ച് ഫുൾ എച്ച്‌ഡി പ്ലസ് ഇ4 അമോലെഡ് ഡിസ്‌പ്ലെയാണ് പോക്കോ എഫ്4 5ജി സ്മാർട്ട്ഫോണിൽ ഉള്ളത്. 1080 x 2400 പിക്സൽസ് റെസല്യൂഷനിലാണ് ഈ ഡിസ്പ്ലെ വരുന്നത്. പോക്കോ എഫ്4 5ജി ഫോണിന്റെ ഡിസ്പ്ലെ 120 ഹെർട്സ് റിഫ്രഷ് റേറ്റും ഓഫർ ചെയ്യുന്നു. 360 ഹെർട്സ് ടച്ച് സാംപ്ലിങ് റേറ്റ്, കോർണിങ് ഗൊറില്ല ഗ്ലാസ് 5 പ്രൊട്ടക്ഷൻ എന്നിവയും പോക്കോ എഫ്4 5ജി ഓഫർ ചെയ്യുന്നു.

മറുവശത്ത്, iQOO Neo 6 5G സ്മാർട്ട്ഫോൺ 6.62 ഇഞ്ച് ഫുൾ എച്ച്‌ഡി പ്ലസ് ഇ4 അമോലെഡ് ഡിസ്പ്ലെ ഓഫർ ചെയ്യുന്നു. 1,080 x 2,400 പിക്സൽസ് റെസല്യൂഷനാണ് ഡിസ്പ്ലെയിൽ ഉള്ളത്. iQOO നിയോ 6 5ജി സ്മാർട്ട്ഫോണിന്റെ ഡിസ്പ്ലെ 120 ഹെർട്സ് റിഫ്രഷ് റേറ്റും ഓഫർ ചെയ്യുന്നു. 360 ഹെർട്സ് ടച്ച് സാംപ്ലിങ് റേറ്റും iQOO നിയോ 6 5ജി സ്മാർട്ട്ഫോണിന്റെ സവിശേഷതയാണ്.

Poco F4 5G Vs iQOO Neo 6 5G: പെർഫോമൻസും ബാറ്ററിയും

മുകളിൽ സൂചിപ്പിച്ചത് പോലെ പോക്കോ എഫ്4 5ജിയും iQOO നിയോ 6 5ജിയും സ്നാപ്പ്ഡ്രാഗൺ 870 എസ്ഒസി ഫീച്ചർ ചെയ്യുന്നു. ക്വാൽകോം ഓഫർ ചെയ്യുന്ന മികച്ച ചിപ്പ്സെറ്റുകളിൽ ഒന്ന് കൂടിയാണിത്. പോക്കോ എഫ്4 5ജി സ്മാർട്ട്ഫോണും iQOO നിയോ 6 5ജി സ്മാർട്ട്ഫോണും ആൻഡ്രോയിഡ് 12 ഒഎസിൽ ആണ് പ്രവർത്തിക്കുന്നത്.

ബാറ്ററിയുടെയും ഫാസ്റ്റ് ചാർജിങിന്റെയും കാര്യത്തിൽ പോക്കോ എഫ്4 5ജിയും iQOO നിയോ 6 5ജിയും തമ്മിൽ വ്യത്യാസങ്ങൾ ഉണ്ട്. iQOO നിയോ 6 5ജി സ്മാർട്ട്ഫോൺ 4,700 എംഎഎച്ച് ബാറ്ററിയാണ് പായ്ക്ക് ചെയ്യുന്നത്. 80 വാട്ട് ഫ്ലാഷ് ചാർജിങും iQOO നിയോ 6 5ജിയിൽ നൽകിയിരിക്കുന്നു.

അൽപ്പം ശേഷി കുറഞ്ഞ ബാറ്ററിയുമായാണ് പോക്കോ എഫ്4 5ജി സ്മാർട്ട്ഫോൺ ഇന്ത്യൻ വിപണിയിൽ എത്തുന്നത്. 4,500 എംഎഎച്ച് ബാറ്ററിയാണ് പോക്കോ എഫ്4 5ജി സ്മാർട്ട്ഫോണിൽ ഉള്ളത്. 67 വാട്ട് ഫാസ്റ്റ് ചാർജിങ് സപ്പോർട്ടും പോക്കോ എഫ്4 5ജി സ്മാർട്ട്ഫോണിൽ കമ്പനി നൽകിയിരിക്കുന്നു.

Poco F4 5G Vs iQOO Neo 6 5G: ക്യാമറ സവിശേഷതകൾ

പോക്കോ എഫ്4 5ജിയും iQOO നിയോ 6 5ജിയും ട്രിപ്പിൾ റിയർ ക്യാമറ സംവിധാനമാണ് പായ്ക്ക് ചെയ്യുന്നത്. റിയർ ക്യാമറ സെറ്റപ്പിൽ രണ്ട് ഡിവൈസുകളിലും 64 മെഗാ പിക്സൽ പ്രൈമറി ക്യാമറയാണ് നൽകിയിരിക്കുന്നത്. 8 മെഗാ പിക്സൽ അൾട്രാ വൈഡ് ആംഗിൾ ക്യാമറയും 2 മെഗാ പിക്സൽ മാക്രോ ഷൂട്ടറുമാണ് ഈ രണ്ട് ഡിവൈസുകളിലെയും റിയർ ക്യാമറ സെറ്റപ്പിലെ മറ്റ് ലെൻസുകൾ.

സെൽഫി ക്യാമറകളുടെ കാര്യത്തിൽ അതേ സമയം Poco F4 5Gയും iQOO നിയോ 6 5ജിയും തമ്മിൽ വ്യത്യാസം ഉണ്ട്. ഇവിടെ മെഗാ പിക്സലുകളുടെ കാര്യത്തിൽ മുൻതൂക്കം പോക്കോ എഫ്4 5ജി സ്മാർട്ട്ഫോണിന് ആണ്. 20 മെഗാ പിക്സലിന്റെ ഫ്രണ്ട് ഫേസിങ് ക്യാമറയാണ് പോക്കോ ഫോണിൽ ഉള്ളത്. അതേ സമയം iQOO നിയോ 6 5ജി സ്മാർട്ട്ഫോണിൽ 16 മെഗാ പിക്സലിന്റെ ഫ്രണ്ട് ഫേസിങ് ക്യാമറ മാത്രമാണ് ഉള്ളത്.