പോക്കോ എം 3 ഇന്ത്യയിൽ ഉടനെ അവതരിപ്പിക്കുമെന്ന് ടീസർ: പ്രതീക്ഷിക്കുന്ന വില, സവിശേഷതകൾ

| Published: Wednesday, January 27, 2021, 12:34 [IST]

പോക്കോ എം 3 സ്മാർട്ഫോൺ ലോഞ്ച് ഇന്ത്യയിൽ ഔദ്യോഗികമായി പ്രഖ്യപിച്ചിരിക്കുകയാണ്. ഇന്ത്യയിൽ പോക്കോ എം 3 യുടെ വരവ് സ്ഥിരീകരിക്കുന്ന ഒരു വീഡിയോ പോക്കോ ഇതിനോടകം പുറത്തിറക്കികഴിഞ്ഞു. കഴിഞ്ഞ വർഷം നവംബറിൽ ആഗോളതലത്തിൽ ഈ സ്മാർട്ഫോൺ അവതരിപ്പിച്ചു. അടുത്തിടെ പുറത്തുവന്ന ഒരു റിപ്പോർട്ട് പ്രകാരം, 2021 ഫെബ്രുവരിയിൽ ഇന്ത്യയിൽ ഈ ഹാൻഡ്‌സെറ്റ് ലോഞ്ച് ചെയ്യുമെന്ന് കാണിക്കുന്നു. ക്വാൽകോം സ്‌നാപ്ഡ്രാഗൺ 662 SoC പ്രോസസറാണ് പോക്കോ എം 3ക്ക് കരുത്ത് നൽകുന്നത്. ട്രിപ്പിൾ റിയർ ക്യാമറ സെറ്റപ്പും ഇതിലുണ്ട്. ഈ സ്മാർട്ട്ഫോണിന് സവിശേഷമായ ബാക്ക് ക്യാമറ മൊഡ്യൂൾ ഉണ്ട്. കൂടാതെ, 6,000 എംഎഎച്ച് ബാറ്ററിയും ഇതിൽ ഉൾപ്പെടുത്തിയിരിക്കുന്നു. കഴിഞ്ഞ വർഷം സെപ്റ്റംബറിൽ അവതരിപ്പിച്ച പോക്കോ എം 2 ന്റെ പിൻഗാമിയാണ് പോക്കോ എം 3 സ്മാർട്ഫോൺ.

പോക്കോ ഇന്ത്യയുടെ യൂട്യൂബ് ചാനലിൽ പുറത്തിറക്കിയ പുതിയ വീഡിയോയിലേക്കുള്ള ലിങ്ക് കമ്പനി ട്വീറ്റ് ചെയ്യുകയും പോക്കോ എം 3 ഇന്ത്യയിൽ ഉടനെ എത്തുമെന്ന് സ്ഥിരീകരിക്കുകയും ചെയ്യ്തു. നിരവധി ആളുകൾ പോക്കോ എം 3 ഉപയോഗിക്കുന്നതും ഈ ഫോൺ ഉപയോഗിച്ചതിൻറെ അനുഭവങ്ങളെക്കുറിച്ച് സംസാരിക്കുന്നതും വീഡിയോ കാണിക്കുന്നു. ഇത് ഫോണിന്റെ ഗ്രാഫിക്സും ക്യാമറ കഴിവുകളും സൂചിപ്പിക്കുന്നു. ഈ വീഡിയോയിൽ കറുപ്പ്, നീല, മഞ്ഞ എന്നീ നിറങ്ങളിൽ പോക്കോ എം 3 നിങ്ങൾക്ക് കാണുവാൻ സാധിക്കും.

ലോഞ്ചിൻറെ കൃത്യമായ തീയതി ഇതുവരെ വ്യക്തമാക്കിയിട്ടില്ല. എന്നാൽ, ഫെബ്രുവരിയിൽ ഈ സ്മാർട്ട്ഫോൺ എപ്പോഴെങ്കിലും അവതരിപ്പിച്ചേക്കുമെന്ന് മുൻപ് വന്ന ഒരു റിപ്പോർട്ട് സൂചിപ്പിക്കുന്നു. ഇന്ത്യയിൽ പോക്കോ എം 3 സ്മാർട്ഫോണിൻറെ വില അതിൻറെ ആഗോള വിപണിയിൽ വരുന്ന വിലയ്ക്ക് തുല്യമായിരിക്കാം. 4 ജിബി റാം + 64 ജിബി സ്റ്റോറേജ് വേരിയന്റിന് ആഗോളതലത്തിൽ 149 ഡോളർ (ഏകദേശം 11,000 രൂപ) വില വരുന്നു. 4 ജിബി റാം + 128 ജിബി സ്റ്റോറേജ് ഓപ്ഷന് 169 ഡോളർ (ഏകദേശം 12,500 രൂപ) വിലയുണ്ട്. ആഗോള വിപണിയിൽ ഈ ഹാൻഡ്‌സെറ്റ് കൂൾ ബ്ലൂ, പോക്കോ യെല്ലോ, പവർ ബ്ലാക്ക് കളർ ഓപ്ഷനുകളിൽ വരുന്നു.

പോക്കോ എം 3 സവിശേഷതകൾ

പോക്കോ എം 3 എംഐയുഐ 12 ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്ത് . 6.53 ഇഞ്ച് ഫുൾ എച്ച്ഡി + (1,080x2,340 പിക്‌സൽ) ഡിസ്‌പ്ലേയാണ് ഇതിലുള്ളത്. 4 ജിബി എൽപിഡിഡിആർ 4 എക്‌സ് റാം എന്നിവയുമായി ജോടിയാക്കിയ ഒക്ടാ-കോർ ക്വാൽകോം സ്‌നാപ്ഡ്രാഗൺ 662 SoC പ്രോസസറാണ് ഈ ഹാൻഡ്‌സെറ്റിന് കരുത്തേകുന്നത്. മൈക്രോ എസ്ഡി കാർഡ് സ്ലോട്ടിലൂടെ 512 ജിബി വരെ എക്സ്പാൻഡ് ചെയ്യാവുന്നതും കൂടാതെ 64 ജിബി, 128 ജിബി ഓൺബോർഡ് സ്റ്റോറേജ് ഓപ്ഷനുകളിലും പുതിയ പോക്കോ സ്മാർട്ഫോൺ വിപണിയിൽ വരുന്നു.

ഒക്ടാ-കോർ ക്വാൽകോം സ്‌നാപ്ഡ്രാഗൺ 662 SoC പ്രോസസർ

48 മെഗാപിക്സൽ പ്രൈമറി സെൻസർ, 2 മെഗാപിക്സൽ സെക്കൻഡറി സെൻസർ, 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ഒരു ട്രിപ്പിൾ റിയർ ക്യാമറ സെറ്റപ്പാണ് പോക്കോ എം 3 ൽ വരുന്നത്. 8 മെഗാപിക്സൽ ഷൂട്ടർ ഈ സ്മാർട്ഫോണിൽ സെൽഫികൾ പകർത്തുവാൻ നൽകിയിരിക്കുന്നു. 18W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 6,000 എംഎഎച്ച് ബാറ്ററിയാണ് പോക്കോ എം 3ൽ വരുന്നത്. 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ പോക്കോ എം 3 ലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഈ സ്മാർട്ട്‌ഫോണിലുണ്ട്.