പോക്കോ എം 3 പ്രോ ഫ്‌ളിപ്പ്കാർട്ട് വഴി വിൽപ്പനയ്ക്കെത്തും: പ്രതീക്ഷിക്കുന്ന വിലയും സവിശേഷതകളും

ഫ്ളിപ്പ്കാർട്ടിൽ പോക്കോ എം 3 പ്രോ 5 ജി സ്മാർട്ഫോണിൻറെ ലഭ്യത

എം സീരീസിൽ വരാനിരിക്കുന്ന ഈ പോക്കോ സ്മാർട്ട്ഫോൺ ജൂൺ 8 ന് ഇന്ത്യയിൽ വിപണിയിലെത്തും. മിക്ക പോക്കോ സ്മാർട്ട്‌ഫോണുകളും ഫ്ലിപ്പ്കാർട്ട് വഴി മാത്രമായി ലഭ്യമാക്കിയിട്ടുണ്ട്. എന്നാൽ, പോക്കോ എം 3 പ്രോ 5 ജിയുടെ വില ഇതുവരെ വെളിപ്പെടുത്തിയിട്ടില്ല. ആഗോള വില കണക്കിലെടുക്കുമ്പോൾ, യൂറോ 159 (ഏകദേശം 14,000 രൂപ) മുതൽ ആരംഭിക്കുന്ന ഈ സ്മാർട്ട്‌ഫോണിന് 15,000 രൂപയിൽ താഴെയാകാം വില വരുന്നത്. ഇതോടെ, റിയൽ‌മി 8 5 ജി, ഓപ്പോ എ 74 5 ജി, കൂടാതെ മറ്റു പല സ്മാർട്ഫോണുകളുമായി ഇത് വിപണിയിൽ മത്സരിക്കും.

പോക്കോ എം 3 പ്രോ 5 ജിയുടെ സവിശേഷതകൾ

പോക്കോ എം 3 പ്രോ 5ജി സ്മാർട്ട്ഫോണിന് 6.5 ഇഞ്ച് ഡിസ്‌പ്ലേയായിരിക്കും നൽകുന്നത്. എഫ്‌എച്ച്‌ഡി + റെസല്യൂഷനുള്ള ഈ ഡിസ്‌പ്ലേയ്ക്ക് 90 ഹെർട്സ് റിഫ്രഷ് റേറ്റും ഉണ്ടായിരിക്കും. സെൽഫി ക്യാമറ സെൻസറിനായി ഈ ഡിസ്‌പ്ലേയുടെ നടുഭാഗത്തായി പഞ്ച്-ഹോൾ കട്ട്ഔട്ടും ഉൾപ്പെടുത്തും. ഉപയോക്താക്കൾ കാണുന്ന കണ്ടന്റിനെ ആശ്രയിച്ച് 30Hz, 50Hz, 60Hz, 90Hz തുടങ്ങിയ ഓപ്ഷനുകൾക്കിടയിലുള്ള റിഫ്രഷ് റേറ്റ് ഓട്ടോമാറ്റിക്കായി ക്രമീകരിക്കുന്ന ഡൈനാമിക് സ്വിച്ച് എന്ന പുതിയ സവിശേഷതയും ഉണ്ടായിരിക്കും.

പോക്കോ എം 3 പ്രോ 5 ജി സ്മാർട്ട്ഫോണിന് കരുത്ത് നൽകുന്നത് ഒക്ടാ കോർ ഡൈമെൻസിറ്റി 700 എസ്ഒസി ആയിരിക്കും. ഈ പ്രോസസറിനൊപ്പം 6 ജിബി വരെ റാമും 128 ജിബി യു‌എഫ്‌എസ് 2.2 സ്റ്റോറേജ് സ്‌പെയ്‌സും ഉണ്ടായിരിക്കും. ഡ്യൂവൽ 5 ജി സിം കാർഡ് സ്ലോട്ടുകളുള്ള ഈ സ്മാർട്ഫോണിൽ ഹൈബ്രിഡ് കാർഡ് സ്ലോട്ടാണുള്ളത്. ഒന്നിൽ സിം ഉപയോഗിക്കുമ്പോൾ രണ്ടാമത്തേതിൽ നിങ്ങൾക്ക് മൈക്രോ എസ്ഡി കാർഡ് ഉപയോഗിക്കാവുന്നതാണ്.

പോക്കോ എം 3 പ്രോ 5 ജിയുടെ ക്യാമറ സവിശേഷതകൾ

പോക്കോ എം 3 പ്രോ 5 ജി സ്മാർട്ട്ഫോണിൽ ട്രിപ്പിൾ ക്യാമറ സംവിധാനമാണുള്ളത്. എഫ് / 1.79 അപ്പേർച്ചറുള്ള 48 എംപി പ്രൈമറി ക്യാമറ സെൻസർ, 2 എംപി സെക്കൻഡറി ഡെപ്ത് സെൻസർ, 2 എംപി ടെർഷ്യറി മാക്രോ ലെൻസ് എന്നിവയാണ് ഈ ക്യാമറകൾ. നൈറ്റ് മോഡ്, ടൈം-ലാപ്സ് മോഡ് തടുങ്ങിയ സവിശേഷതകളും ഈ ഹാൻഡ്‌സെറ്റിൽ ഉണ്ടായിരിക്കും. സെൽഫികൾ പകർത്തുന്നതിനും വീഡിയോ കോളുകൾക്കുമായി എഫ് / 2.0 അപ്പർച്ചറുള്ള 8 എംപി സെൽഫി ക്യാമറ സെൻസറും ഉണ്ടായിരിക്കും. 5 ജി, ഡ്യുവൽ 4ജി വോൾട്ടി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.1, ജിപിഎസ്, യുഎസ്ബി ടൈപ്പ്-സി, എൻ‌എഫ്‌സി എന്നിവ കണക്റ്റിവി ഓപ്ഷനുകളിൽ ഉണ്ടായിരിക്കും. സൈഡ് മൗണ്ട് ചെയ്ത ഫിംഗർപ്രിന്റ് സ്കാനർ, 18W ഫാസ്റ്റ് ചാർജിങ് സപ്പോർട്ടുള്ള 5000 എംഎഎച്ച് ബാറ്ററി, 22.5W ഫാസ്റ്റ് ചാർജർ, ആൻഡ്രോയിഡ് 11 ബേസ്ഡ് എംഐയുഐ 12 ഒഎസ് എന്നിവയാണ് മറ്റുള്ള സവിശേഷതകൾ.