പോക്കോ എം 3 സ്മാർട്ഫോൺ ഇന്ത്യയിൽ ഉടനെ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

പോക്കോ എം 3: ഇന്ത്യയിൽ പ്രതീക്ഷിക്കുന്ന വില

4 ജിബി റാം, 64 ജിബി സ്റ്റോറേജ് മോഡലിന് 149 ഡോളർ (ഏകദേശം 11,000 രൂപ) മുതൽ ഈ ഹാൻഡ്‌സെറ്റ് അവതരിപ്പിച്ചു. അതിനാൽ, രാജ്യത്ത് പോക്കോ എം 3 ഹാൻഡ്‌സെറ്റിൻറെ ആരംഭ വില ഏകദേശം 12,000 രൂപ മുതൽ പ്രതീക്ഷിക്കാം. 

പോക്കോ എം 3: സവിശേഷതകൾ

പോക്കോ എം 3 യുടെ 6.53 ഇഞ്ച് എഫ്എച്ച്ഡി + ഡിസ്പ്ലേയ്ക്ക് സ്റ്റാൻഡേർഡ് 60 ഹെർട്സ് റിഫ്രഷ് റേറ്റാണ് വരുന്നത്. 4 ജിബി റാമും 128 ജിബി വരെ ഇന്റേണൽ സ്റ്റോറേജുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 662 ചിപ്‌സെറ്റാണ് ഈ ഹാൻഡ്‌സെറ്റിന് കരുത്തേകുന്നത്. ആൻഡ്രോയിഡ് 10 അധിഷ്‌ഠിത എംഐയുഐ 12ൽ പ്രവർത്തിപ്പിക്കുന്ന ഈ ഹാൻഡ്‌സെറ്റിന് 18W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 6,000 എംഎഎച്ച് ബാറ്ററിയാണ് വരുന്നത്. കൂടാതെ, 4 ജിബി റാമും 128 ജിബി സ്റ്റോറേജ് ഓപ്ഷനുമുള്ള മറ്റൊരു മോഡലും 169 ഡോളർ (ഏകദേശം 12.500 രൂപ) വിലയ്ക്ക് അവതരിപ്പിച്ചേക്കും.

പോക്കോ എം 3: ക്യാമറ സവിശേഷതകൾ

48 എംപി പ്രധാന സെൻസർ, 2 എംപി ഡെപ്ത് സെൻസർ, 2 എംപി മാക്രോ ലെൻസ് എന്നിവ ഉൾപ്പെടുന്ന ഒരു ട്രിപ്പിൾ ക്യാമറ സെറ്റപ്പാണ് വരുന്നത്. മുൻവശത്ത്, 8 എംപി സെൽഫി ക്യാമറയുമുണ്ട്. 4 ജി എൽടിഇ, ഡ്യുവൽ-ബാൻഡ് ഡബ്ല്യുഐ-ഫൈ, ബ്ലൂടൂത്ത് 5.0, ജിപിഎസ്, യുഎസ്ബി ടൈപ്പ്-സി പോർട്ട് എന്നിവ ഈ ഹാൻഡ്സെറ്റിൻറെ കണക്റ്റിവിറ്റി ഓപ്ഷനുകളിൽ വരുന്നു.

പോക്കോ എം 3: ഇന്ത്യയിൽ

പോക്കോ എം 3 യ്ക്ക് വിപണിയിൽ കടുത്ത എതിരാളികളാകാൻ സാധ്യതയുള്ള ഓപ്പോ എ 53, ടെക്നോ കാമൺ 16 പോലുള്ള ചില ഡിവൈസുകൾ ഉണ്ടാകും. ഇപ്പോൾ ഓപ്പോ എ 53 സ്മാർട്ഫോൺ രാജ്യത്ത് ലഭ്യമാണ്. ഉയർന്ന 90 ഹെർട്സ് ഡിസ്‌പ്ലേ നൽകുന്ന ഈ ഹാൻഡ്‌സെറ്റിന് 12,990 രൂപയാണ് വില വരുന്നത്. ഒരു എൻട്രി ലെവൽ ഡിവൈസ് ആയിരുന്നിട്ടും 64 എംപി ക്വാഡ് റിയർ ക്യാമറകളും ടെക്നോ കാമൺ 16 ൽ കാണാം.