ഫ്ലിപ്കാർട്ടിലേക്ക് പൊക്കോ..പോക്കോ വാങ്ങാൻ സമയമായി! പോക്കോ എം6 പ്ലസ് 5ജി സെയിൽ ആരംഭിച്ചു

പോക്കോ എം6 പ്ലസ് 5ജി (Poco M6 Plus 5G) ഇന്ന് (ഓഗസ്റ്റ് 5) ആദ്യമായി ഇന്ത്യയിൽ വിൽപ്പനയ്‌ക്കെത്തും. പണത്തിന് മികച്ച മൂല്യം വാഗ്ദാനം ചെയ്യുന്ന ഒരു താങ്ങാനാവുന്ന സ്മാർട്ട്‌ഫോണായി പോക്കോ എം6 പ്ലസ് 5ജി അരങ്ങേറുന്നു. സ്‌നാപ്ഡ്രാഗൺ ചിപ്‌സെറ്റ്, സൂപ്പർ സ്മൂത്ത് ഡിസ്‌പ്ലേ, ഫാസ്റ്റ് ചാർജിംഗ് സപ്പോർട്ട് ഉള്ള വലിയ ബാറ്ററി, ഡ്യുവൽ ക്യാമറ സെറ്റപ്പ് എന്നിവ പോക്കോ എം6 പ്ലസ് 5ജിയുടെ സവിശേഷതകളാണ്. പോക്കോ എം6 പ്ലസ് 5ജി ആൻഡ്രോയിഡ് 14 അടിസ്ഥാനമാക്കി ഉള്ള ഹൈപ്പർ ഒഎസിൽ ആണ് പ്രവർത്തിക്കുന്നത്.

പോക്കോ എം6 പ്ലസ് 5ജി വിൽപ്പന, വില, ഇന്ത്യയിലെ ഓഫറുകൾ എന്നിവയെ കുറിച്ച് അറിയാം. ഇന്ത്യയിലെ പോക്കോ എം6 പ്ലസ് 5ജി വിൽപ്പന ഇന്ത്യൻ സമയം ഇന്ന് ഉച്ചയ്ക്ക് 12 മണി മുതൽ ഫ്ലിപ്പ്കാർട്ട് വഴി ആരംഭിച്ചു. ഇന്ത്യയിലെ പോക്കോ എം6 പ്ലസ്സിന്റെ വില അടിസ്ഥാന 6 ജിബി/128 ജിബി മോഡലിന് 13,499 രൂപയിൽ നിന്ന് ആരംഭിക്കുന്നു.

അതേ സമയം 8 ജിബി /128 ജിബി വേരിയൻ്റ് നിങ്ങൾക്ക് 14,499 രൂപക്ക് ലഭിക്കും. എല്ലാ പ്രമുഖ ബാങ്കുകളിൽ നിന്നും ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിച്ച് എം6 പ്ലസ് 5ജി വാങ്ങുമ്പോൾ ഉപഭോക്താക്കൾക്ക് 1,000 രൂപ കിഴിവ് ലഭിക്കും. പോക്കോ എം6 പ്ലസ് 5ജി ഗ്രാഫൈറ്റ് ബ്ലാക്ക്, ഐസ് സിൽവർ, മിസ്റ്റി ലാവെൻഡർ ഷേഡുകൾ എന്നിവയിൽ ലഭ്യമാണ്.

പോക്കോ എം6 പ്ലസ് 5ജി സവിശേഷതകൾ: 8 ജിബി വരെ റാമും 128 ജിബി സ്റ്റോറേജും ജോടി ആക്കിയ സ്‌നാപ്ഡ്രാഗൺ 4 ജെൻ 2 അഡ്രിനാലിൻ എഡിഷൻ (എഇ) SoC ആണ് പോക്കോ എം6 പ്ലസ് നൽകുന്നത്. പോക്കോയുടെ ഏറ്റവും പുതിയ താങ്ങാനാവുന്ന സ്മാർട്ട്‌ഫോണിൽ 33W ഫാസ്റ്റ് ചാർജിംഗ് സപ്പോർട്ട് ഉള്ള 5,030 mAh ബാറ്ററി ഉണ്ട്.

പോക്കോ എം6 പ്ലസ് 5ജിയിൽ 6.7-ഇഞ്ച് FHD+ LCD സ്‌ക്രീനും 120Hz റേറ്റും ആണ് ഉള്ളത്. രണ്ട് വർഷത്തെ ആൻഡ്രോയിഡ് ഒഎസ് അപ്‌ഡേറ്റുകളും നാല് വർഷത്തെ പതിവ് സുരക്ഷാ പാച്ചുകളും വാഗ്ദാനം ചെയ്യുന്ന പോക്കോയ്‌ക്കൊപ്പം ആൻഡ്രോയിഡ് 14 അടിസ്ഥാനമാക്കി ഉള്ള ഹൈപ്പർ ഒഎസിലാണ് ഹാൻഡ്‌സെറ്റ് പ്രവർത്തിക്കുന്നത്.

ഒപ്‌റ്റിക്‌സിനായി, 3x സെൻസർ സൂം ഉള്ള 108 എംപി പ്രൈമറി ക്യാമറ സെൻസറും 2 എംപി മാക്രോ യൂണിറ്റും പോക്കോ എം6 പ്ലസ് 5ജിയിൽ അവതരിപ്പിക്കുന്നു. ഫോണിന്റെ ഫ്രണ്ടിൽ, 13 എംപി സെൽഫി ക്യാമറ നൽകുന്നു. എം6 പ്ലസ് 5ജിയിൽ സൈഡ് മൗണ്ടഡ് ഫിംഗർപ്രിൻ്റ് റീഡറും 3.5mm ഹെഡ്‌ഫോൺ ജാക്കും ഉണ്ട്. പൊടി, വെള്ളം എന്നിവയെ പ്രതിരോധിക്കാനായി IP53 റേറ്റിംഗും ഫോണിൻ്റെ സവിശേഷതയാണ്.

പോക്കോ എം6 പ്ലസ് ഒരു ഗ്ലാസ് ഫ്രണ്ട് ബാക്കിന് ഒപ്പം ഒരു പ്ലാസ്റ്റിക് ഫ്രെയിമുമായി വരുന്നു. കണക്റ്റിവിറ്റി ഓപ്ഷനുകളിൽ 4ജി, 5ജി, വൈഫൈ, ബ്ലൂടൂത്ത് 5.3 എന്നിവയും മറ്റും ഉൾപ്പെടുന്നു. പോക്കോ എം6 പ്ലസ് 5ജിയിൽ 205 ഗ്രാം ഭാരവും 8.3mm കനവുമാണ് ഉള്ളത്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.