വില കുറയും, അ‌താണ് ഒരു ഗുണം! പോക്കോ M7 പ്ലസ് 5G ലിമിറ്റഡ് എഡിഷൻ ലോഞ്ച് ചെയ്തു

വരാൻ പോകുന്ന ഫെസ്റ്റിവൽ സെയിൽ കണക്കിലെടുത്ത് പോക്കോ ഒരു മുഴം മുന്നേ നീങ്ങിയിരിക്കുന്നു. കഴിഞ്ഞ മാസം ഇന്ത്യയിൽ ​അ‌വതരിപ്പിച്ച പോക്കോ M7 പ്ലസ് 5ജിയുടെ പുതിയ 4GB ലിമിറ്റഡ് എഡിഷൻ (POCO M7 Plus 5G 4GB Limited Edition) പോക്കോ പുതിയതായി പുറത്തിറക്കിയിരിക്കുന്നു. മുൻപ് 6GB, 8GB റാം ഓപ്ഷനുകളിലാണ് ഈ ഫോൺ ലഭ്യമായിരുന്നത്. എന്നാൽ പുതിയ മോഡൽ 4GB റാമും 128GB ഇന്റേണൽ സ്റ്റോറേജും വാഗ്ദാനം ചെയ്യുന്നു. കുറച്ചുകൂടി കുറഞ്ഞ വിലയിൽ ലഭ്യമാകും എന്നത് മാത്രമാണ് ഈ പുതിയ മാറ്റം കൊണ്ട് ഉണ്ടാകുന്ന മെച്ചം.

പുതിയ 4GB റാം ഓപ്ഷൻ അ‌വതരിപ്പിച്ചു എന്നതിനപ്പുറം പോക്കോ എം7 പ്ലസ് 5ജിയുടെ അ‌തേ ഫീച്ചറുകൾ തന്നെയാണ് പുതിയ ഫോണിലും ഉള്ളത്. ഈ പുതിയ വേരിയന്റ് പോക്കോയുടെ ഫെസ്റ്റിവൽ കാമ്പെയ്‌നായ 'POCO ഫെസ്റ്റീവ് മാഡ്‌നെസ്' ('POCO Festive MADness) എന്ന പ്രോജക്ടിന്റെ ഭാഗമായാണ് എത്തുന്നത്.

പോക്കോ M7 പ്ലസ് 5G ഫീച്ചറുകൾ

6.9-ഇഞ്ച് FHD+ (2340 x 1080 പിക്സലുകൾ) 144Hz അഡാപ്റ്റീവ് റിഫ്രഷ് റേറ്റ് ഉള്ള FHD+ LCD സ്ക്രീൻ ആണ് ഇതിലുള്ളത്. ഇതിന് 850 nits വരെ (​ഹൈ ബ്രൈറ്റ്നസ് മോഡ്), 700nits (നോർമൽ) പീക്ക് ബ്രൈറ്റ്നസ് എന്നീ ഫീച്ചറുകളുമുണ്ട്. കോർണിംഗ് ഗൊറില്ല ഗ്ലാസ് 3 പ്രൊട്ടക്ഷൻ സഹിതമാണ് ഇത് എത്തുന്നത്.

ഒക്ട-കോർ (2×2.30 GHz കോർട്ടെക്സ്-A78 & 6×2.0 GHz കോർട്ടെക്സ്-A55) ക്വാൽകോം സ്നാപ്ഡ്രാഗൺ 6s ജെൻ 3 6nm 5G ചിപ്സെറ്റ് ആണ് ഈ ഫോണിന്റെ കരുത്ത്. 900MHz അഡ്രിനോ 619 ജിപിയുവും ഇതിലുണ്ട്. ഇപ്പോൾ 4GB, 6GB / 8GB LPDDR4X റാം ഓപ്ഷനുകളും 128GB UFS 2.2 ഇന്റേണൽ സ്റ്റോറേജും ഈ ഫോൺ വാഗ്ദാനം ചെയ്യുന്നു.

മൈക്രോ എസ്ഡി ഉപയോഗിച്ച് ഇതിലെ സ്റ്റോറേജ് 1TB വരെ വർധിപ്പിക്കാനാകും. ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി) ഫീച്ചർ സഹിതമാണ് ഈ ഫോൺ എത്തിയിട്ടുള്ളത്. ആൻഡ്രോയിഡ് 15 അ‌ടിസ്ഥാനമാക്കിയുള്ള ഹൈപ്പർ ഒഎസിൽ ആണ് എം7 പ്ലസിന്റെ പ്രവർത്തനം. 2 ആൻഡ്രോയിഡ് അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും പോക്കോ എം7 പ്ലസ് 5ജിക്ക് ​ലഭിക്കും.

ക്യാമറകളുടെ കാര്യമെടുത്താൽ, 50MP മെയിൻ ക്യാമറ, സെക്കൻഡറി ക്യാമറ, LED ഫ്ലാഷ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും വീഡിയോ കോളുകൾക്കുമായി 8MP ഫ്രണ്ട് ക്യാമറയും ഇതിലുണ്ട്. സൈഡ്- മൗണ്ടഡ് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP64 റേറ്റിങ് എന്നീ ഫീച്ചറുകളും ഈ പോക്കോ ഫോൺ വാഗ്ദാനം ചെയ്യുന്നുണ്ട്.

5G (n1/n3/n5/n8/n28/n40/n78 ബാൻഡുകൾ), ഡ്യുവൽ 4G VoLTE, Wi-Fi 6 802.11 ac (2.4GHz + 5GHz), ബ്ലൂടൂത്ത് 5.1, GPS + GLONASS, USB ടൈപ്പ്-C എന്നീ ഫീച്ചറുകൾക്ക് പുറമേ 33W ഫാസ്റ്റ് ചാർജിംഗ്, 18W റിവേഴ്സ് വയർഡ് ചാർജിംഗ് എന്നിവയുള്ള 7000mAh ബാറ്ററിയും ഉണ്ട് എന്നതാണ് പോക്കോ എം7 പ്ലസ് 5ജിയുടെ മുഖ്യ ആകർഷണം. 168.48×80.45×8.4mm വലിപ്പവും 217g ഭാരവും ഈ ഫോണിനുണ്ട്.

വിലയും ലഭ്യതയും

പോക്കോ M7 പ്ലസ് 5Gയുടെ പുതിയ 4GB + 128GB അ‌ടിസ്ഥാന വേരിയന്റിന് 12,999 രൂപയാണ് വില. എന്നാൽ ബിഗ് ബില്യൺ ഡേയ്സ് സെയിൽ ആരംഭിക്കുമ്പോഴാണ് ഇത് ഫ്ലിപ്പ്കാർട്ടിൽ വിൽപ്പനയ്ക്ക് എത്തുക. ഈ സമയത്ത് ഫെസ്റ്റിവൽ ഓഫറുകളുടെ സഹായത്താൽ ഈ ഫോൺ 10,999 രൂപ വിലയിൽ വാങ്ങാനാകും. സെപ്റ്റംബർ 23ന് ആണ് ഓപ്പൺ സെയിൽ ആരംഭിക്കുക.