പോക്കോ എക്‌സ് 3 പ്രോ മാർച്ച് 30 ന് അവതരിപ്പിച്ചേക്കുമെന്ന് ടീസർ വഴി കമ്പനി വെളിപ്പെടുത്തി

ഏതാനും ലഭ്യമായ റിപ്പോർട്ടുകൾ വഴിയാണ് ഈ ഹാൻഡ്‌സെറ്റിൻറെ ലോഞ്ച് മാർച്ച് 30 ന് നടന്നേക്കുമെന്ന് പറയുന്നത്. ഈ ഹാൻഡ്‌സെറ്റിൻറെ കൂടുതൽ വിവരങ്ങൾക്കായി നിങ്ങൾ ഇനിയും കാത്തിരിക്കേണ്ടതായി വരും. ടിപ്‌സ്റ്റർ മുകുൾ ശർമയുടെ ട്വീറ്റ് സൂചിപ്പിക്കുന്നത് പോക്കോ എക്‌സ് 3 പ്രോ ലോഞ്ച് മാർച്ചിൽ സംഭവിച്ചേക്കുമെന്ന് തന്നെയാണ്. എന്നിരുന്നാലും, അദ്ദേഹം കൃത്യമായ തീയതി ഇതുവരെ വെളിപ്പെടുത്തിയിട്ടില്ല. എന്തായാലും നമുക്ക് ഇവിടെ ലഭ്യമായ വിവരങ്ങൾ ഒന്ന് പരിശോധിച്ച് നോക്കാം.

പോക്കോ എക്‌സ് 3 പ്രോ വില

പോക്കോ എക്‌സ് 3 പ്രോ വില അടുത്തിടെ ടിപ്പ്സ്റ്റർ സുധാൻസു അംബോർ ട്വിറ്ററിൽ ചോർത്തിയിരുന്നു. 6 ജിബി റാമും 128 ജിബി സ്റ്റോറേജുമുള്ള ആഗോള വേരിയന്റിന് 250 യൂറോ വില വരുമെന്ന് പറയുന്നു. ഈ ഡിവൈസിന് ഇന്ത്യയിൽ ഏകദേശം 21,600 രൂപയാണ് വില വരുന്നത്. 8 ജിബി റാം + 256 ജിബി സ്റ്റോറേജ് ഓപ്ഷന് 300 യൂറോ (ഏകദേശം 26,000 രൂപ) ചിലവ് വരും. ബ്ലൂ, ബ്ലാക്ക്, ബ്രോൺസ് തുടങ്ങിയ കളർ ഓപ്ഷനുകളിൽ ഈ ഹാൻഡ്സെറ്റ് വിപണിയിൽ ലഭ്യമായേക്കും.

പോക്കോ എക്‌സ് 3 പ്രോ: പ്രതീക്ഷിക്കുന്ന സവിശേഷതകൾ

ക്വാൽകോം സ്‌നാപ്ഡ്രാഗൺ 860 SoC പ്രോസസറാണ് പോക്കോ എക്‌സ് 3 പ്രോയ്ക്ക് കരുത്ത് പകരുന്നത്. കൂടാതെ, 120Hz റിഫ്രഷ് റേറ്റിനൊപ്പം ഒരു ഫുൾ എച്ച്ഡി + ഡിസ്‌പ്ലേയുമായാണ് ഇത് വരുന്നത്. 5,200mAh ബാറ്ററിയാണ് നൽകിയിരിക്കുന്നത്. യു‌എസിലെ ഫെഡറൽ‌ കമ്മ്യൂണിക്കേഷൻ‌സ് കമ്മീഷൻ‌ (എഫ്‌സി‌സി), ടി‌യു‌വി റൈൻ‌ലാൻ‌ഡ്, ഐ‌എം‌ഡി‌എ തുടങ്ങി നിരവധി ബെഞ്ച്മാർ‌ക്കിംഗ്, സർ‌ട്ടിഫിക്കേഷൻ‌ വെബ്‌സൈറ്റുകളിൽ‌ ഈ സ്മാർട്ട്‌ഫോൺ‌ കണ്ടെത്തിയിട്ടുണ്ട്. പോക്കോ എക്‌സ് 3 പ്രോ 4 ജി എൽടിഇ സപ്പോർട്ടുമായി മാത്രമേ വരികയുള്ളുവെന്നും 5 ജി വേരിയന്റ് ഉണ്ടാകില്ലെന്നും അഭ്യൂഹമുണ്ട്. ഇതുകൂടാതെ, ഈ ഹാൻഡ്സെറ്റിനെ കുറിച്ച് കൂടുതൽ വിവരങ്ങൾ ഇപ്പോൾ ലഭ്യമല്ല.