9000mAh ബാറ്ററിയുണ്ട്, അ‌താണ് ​ഹൈ​ലൈറ്റ്! പോക്കോ X8 പ്രോ മാക്സ് ഇന്ത്യയിൽ ലോഞ്ച് ചെയ്തു

വലിയ ബാറ്ററി ശേഷിയുമായി ഒരു കരുത്തൻ പോക്കോ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തിരിക്കുന്നു. ഇന്ത്യയിലെ ഏറ്റവും വലിയ ബാറ്ററി ശേഷിയുള്ള സ്മാർട്ട്ഫോണുകളുടെ നിരയിലേക്ക് റിയൽമിക്ക് പിന്നിലായി സ്ഥാനം പിടിച്ചുകൊണ്ട് 9000mAh ബാറ്ററി ശേഷിയുമായി പോക്കോ X8 പ്രോ മാക്സ് (POCO X8 Pro Max) എന്ന മോഡലാണ് ഇന്ത്യയിൽ ലോഞ്ച് ചെയ്തിരിക്കുന്നത്. പോക്കോ X8 പ്രോ സീരീസിൽ പോക്കോ X8 പ്രോ മോഡലിന് ഒപ്പമാണ് ഇത് എത്തിയിരിക്കുന്നത്. ഡിസ്പ്ലേ, ബാറ്ററി, പ്രോസസർ എന്നിവയിലെല്ലാം പ്രോ മോഡലിനെക്കാൾ മുകളിലാണ് പ്രോ മാക്സ്. അ‌തായത് പ്രധാന ഫീച്ചറുകളിൽ ഇരുമോഡലുകളും തികച്ചും വ്യത്യസ്തത പുലർത്തുന്നു.

മീഡിയടെക് ഡൈമെൻസിറ്റി 9500s പ്രോസസർ ആണ് പോക്കോ X8 പ്രോ മാക്സിന്റെ കരുത്ത്. ഇന്ത്യയിൽ ഈ ചിപ്സെറ്റ് അ‌വതരിപ്പിക്കുന്ന ആദ്യ സ്മാർട്ട്ഫോൺ ആണ് ഇത് എന്ന പ്രത്യേകതയുണ്ട്. ഫ്ലാഗ്ഷിപ്പ്-ലെവൽ 3nm പ്രോസസ്സ്, ഒരു വലിയ കോർ ആർക്കിടെക്ചർ, ഒരു വലിയ കാഷെ എന്നിവ ഇതിനുണ്ട്.

Also Read

MOST READ: ഡൈമെൻസിറ്റി 8500-അൾട്ര പ്രോസസർ കരുത്തിൽ പോക്കോ X8 ​പ്രോ 5G ഇന്ത്യയിൽ ലോഞ്ച് ചെയ്തു

5800 mm² VC കൂളിംഗ് ഉള്ള ഫ്ലാഗ്ഷിപ്പ്-ലെവൽ 3D ഐസ്-ലൂപ്പ് കൂളിംഗ് സിസ്റ്റം ഈ മോഡലിൽ ഉണ്ട്. CNC മെറ്റൽ ഫ്രെയിം, ഒരു ഫ്ലാഗ്ഷിപ്പ് ഫൈബർഗ്ലാസ് ബാക്ക് പാനൽ, ഒരു മെറ്റൽ റേസ്‌ട്രാക്ക് ആകൃതിയിലുള്ള ഡെക്കോ ഡിസൈൻ, ക്യാമറകൾക്ക് ചുറ്റും ഡൈനാമിക് RGB LED-കൾ എന്നിവയൊക്കെയാണ് ഡി​സൈൻ പരമായ പ്രത്യേകതകൾ.

പ്രധാന ഫീച്ചറുകൾ

6.83-ഇഞ്ച് (2772 x 1280 പിക്സലുകൾ) 1.5K OLED ഡിസ്പ്ലേ, 120Hz റിഫ്രഷ് റേറ്റ്, 2560Hz വരെ ഇൻസ്റ്റന്റ് സാമ്പിൾ റേറ്റ്, ഡോൾബി വിഷൻ, 3840Hz ഹൈ-ഫ്രീക്വൻസി PWM ഡിമ്മിംഗ് + DC ഡിമ്മിംഗ്, 3500 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്.

Also Read

MOST READ: സാംസങ് ഗാലക്സി M17e 5G: 11 മണിക്ക് ഇന്ത്യയിൽ ലോഞ്ച് ചെയ്തു, 12ന് വിൽപ്പനയും തുടങ്ങി!

3.73GHz ഒക്ട-കോർ ​​ഡൈമെൻസിറ്റി 9500s 3nm ചിപ്സെറ്റ് ആണ് ഈ ഫോണിന്റെ കരുത്ത്. ആം മാലി-G925 MC12 GPU, 12GB LPDDR5X റാം, 256GB / 512GB UFS 4.1 സ്റ്റോറേജ് എന്നിവയും ഉണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള Xiaomi HyperOS 3 -ൽ ആണ് പ്രവർത്തനം. 4 വർഷത്തെ OS അപ്‌ഡേറ്റുകളും 6 വർഷത്തെ സുരക്ഷാ അപ്‌ഡേറ്റുകളും ലഭിക്കും.

ഡ്യുവൽ റിയർ ക്യാമറ സജ്ജീകരണമാണ് പോക്കോ X8 പ്രോ മാക്സിൽ നൽകിയിരിക്കുന്നത്. അ‌തിൽ 1/1.95″ ലൈറ്റ് ഫ്യൂഷൻ 600 സെൻസറുള്ള 50MP മെയിൻ ക്യാമറ (f/1.5 അപ്പർച്ചർ, OIS, EIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 4K 60fps വരെ വീഡിയോ റെക്കോർഡിംഗ് എന്നിവ അ‌ടങ്ങുന്നു.

ഫ്രണ്ടിൽ OV20B സെൻസറുള്ള 20MP സെൽഫി ക്യാമറയും ( f/2.2 അപ്പേർച്ചർ, 1080p 60fps വരെ വീഡിയോ റെക്കോർഡിംഗ്) ഉണ്ട്.ഇൻ-ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, IP66+IP68+IP69+IP69K റേറ്റിങ്, ഡ്യുവൽ സിം (നാനോ + നാനോ / eSIM) എന്നിവയും ഇതിലുണ്ട്.

Also Read

MOST READ: 32MP ഫ്രണ്ട് ക്യാമറ, ഡൈമെൻസിറ്റി 7400 ടർബോ കരുത്ത്; വിവോ T5x 5G ഇന്ത്യയിൽ ലോഞ്ച് ചെയ്തു

5G SA / NSA, ഡ്യുവൽ 4G VoLTE, Wi-Fi 7 802.11 be (2.4GHz + 5GHz + 6GHz), ബ്ലൂടൂത്ത് 6.0, നാവിക്: L5, യുഎസ്ബി ടൈപ്പ്-സി, എൻഎഫ്സി, 100W ഫാസ്റ്റ് ചാർജിംഗുള്ള 9000mAh ബാറ്ററി, 100W PPS ചാർജിംഗ് പ്രോട്ടോക്കോൾ, 27W വയർഡ് റിവേഴ്സ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

പോക്കോ X8 പ്രോ മാക്സ് 12GB + 256GB മോഡലിന് 42,999 രൂപയും 12GB + 512GB മോഡലിന് 46,999 രൂപയുമാണ് വില. ലോഞ്ച് ഓഫറിന്റെ ഭാഗമായി HDFC, ICICI ബാങ്ക്, SBI കാർഡുകൾ വഴിയുള്ള പർച്ചേസിന് 3000 രൂപ ഇൻസ്റ്റന്റ് ഡിസ്കൗണ്ട് ലഭ്യമാണ്. അല്ലെങ്കിൽ 3000 രൂപ എക്സ്ട്രാ എക്സ്ചേഞ്ച് ഡിസ്കൗണ്ട് ഉണ്ട്.

12 മാസം വരെ നോ-കോസ്റ്റ് EMI ഓപ്ഷനും ​ലഭ്യമാണ്. കറുപ്പ്, വെള്ള, നീല കളർ ഓപ്ഷനുകളിലാണ് പോക്കോ X8 പ്രോ മാക്സ് ലഭ്യമാകുക. 162.9 x 77.9 x 8.2mm വലിപ്പവും 220 ഗ്രാം ഭാരവും ഈ ഫോണിനുണ്ട്. മാർച്ച് 23 മുതൽ ഫ്ലിപ്കാർട്ട് വഴി ഇതിന്റെ വിൽപ്പന ആരംഭിക്കും.