UPI പേയ്മെന്റ് ആണെങ്കിൽ 2000 രൂപ ഡിസ്കൗണ്ട്; റിയൽമി 15 5G വാങ്ങാൻ ബെസ്റ്റ് ഡീൽ

സ്മാർട്ട്ഫോൺ പുറത്തിറക്കുന്ന കാര്യത്തിൽ മാത്രമല്ല, ഡിസ്കൗണ്ടുകൾ ലഭ്യമാക്കുന്ന കാര്യത്തിലും റിയൽമി പ്രത്യേകം ശ്രദ്ധിക്കാറുണ്ട്. ഇപ്പോൾ റിപ്പബ്ലിക് ഡേ സെയിലുകൾ അ‌വസാനിച്ചതോടെ സ്മാർട്ട്ഫോണുകൾക്ക് ഇ-കൊമേഴ്സ് വെബ്​സൈറ്റുകളിൽ ബെസ്റ്റ് ഡിസ്കൗണ്ട് ഡീലുകൾ കണ്ടെത്തുക അ‌ൽപ്പം ബുദ്ധിമുട്ടാണ്. എന്നാൽ റിയൽമിയുടെ വെബ്​സൈറ്റിൽ പല മോഡലുകൾക്കും ഫ്ലിപ്പ്കാർട്ടിലെക്കാൾ ഡിസ്കൗണ്ട് കാണാനാകും. അ‌തിന് ഒരു ഉദാഹരണമാണ് ഇപ്പോൾ റിയൽമി 15 5ജി (realme 15 5G). കഴിഞ്ഞ വർഷം ജൂ​ലൈയിൽ റിയൽമി 15 പ്രോ മോഡലിന് ​ഒപ്പമാണ് റിയൽമി 15 5ജി ഇന്ത്യയിൽ ലോഞ്ച് ചെയ്യപ്പെട്ടത്.

റിയൽമി 15 5ജിയുടെ 8G+ 128G അ‌ടിസ്ഥാന​ വേരിയന്റിന് 25999 രൂപയും 8G+ 256GB വേരിയന്റിന് 27999 രൂപയും ടോപ് എൻഡ് 12G+ 256GB വേരിയന്റിന് 30999 രൂപയുമാണ് യഥാർഥ വില. ഇപ്പോഴും റിയൽമി വെബ്​സൈറ്റിലും ഫ്ലിപ്പ്കാർട്ടിലും ഇതേ വിലയിൽ തന്നെയാണ് ഈ മോഡൽ ലിസ്റ്റ് ചെയ്തിരിക്കുന്നത്.

ഫ്ലിപ്പ്കാർട്ടിൽ റിയൽമി 15 5ജി ഡിസ്കൗണ്ട് സഹിതം 24699 രൂപ വിലയിലാണ് ലഭ്യമാകുക. അ‌തേസമയം റിയൽമിയുടെ ഔദ്യോഗിക വെബ്​സൈറ്റിൽ യുപിഐ വഴിയുള്ള പേയ്മെന്റിന് 2000 രൂപ ഡിസ്കൗണ്ട് ലഭ്യമാണ്. ഇത് പ്രയോജനപ്പെടുത്തിയാൽ 23999 രൂപ വിലയിൽ ഔദ്യോഗിക വെബ്​സൈറ്റിൽ നിന്ന് റിയൽമി 15 5ജി സ്വന്തമാക്കാനാകും.

പ്രധാന ഫീച്ചറുകൾ

2.5GHz വരെ ഒക്ട കോർ മീഡിയടെക് ഡൈമെൻസിറ്റി 7300+ 4nm പ്രൊസസർ ആണ് റിയൽമി 15 5ജിയുടെ കരുത്ത്. 1/1.95″ സോണി IMX882 സെൻസറുള്ള 50MP മെയിൻ ക്യാമറ (OIS, f/1.8 അപ്പേർച്ചർ), 8MP അൾട്രാ-വൈഡ് ക്യാമറ ( f/2.2 അപ്പേർച്ചർ), 4K വരെ 30 fps വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ഇതിലുള്ളത്.

വീഡിയോ കോളുകൾക്കും സെൽഫിക്കും മറ്റുമായി 1/2.88″ OV50D സെൻസറുള്ള 50MP ഫ്രണ്ട് ക്യാമറ f/2.4 അപ്പേർച്ചർ, 4K വരെ വീഡിയോ റെക്കോർഡിംഗ് ഫീച്ചറുകൾ സഹിതം ഇതിലുണ്ട്. Mali-G615 MC2 GPU, 8GB / 12GB LPDDR4X റാം, 128GB/256GB/512GB (UFS 3.1) സ്റ്റോറേജ് എന്നിവയും റിയൽമി 15 5ജിയുടെ ഫീച്ചറുകളിൽപ്പെടുന്നു.

6.8-ഇഞ്ച് (2800×1280 പിക്സലുകൾ) 144Hz OLED സ്ക്രീൻ, 6500 nits വരെ പീക്ക് ബ്രൈറ്റ്നസ്, 100% DCI-P3 കളർ ഗാമട്ട്, 4608Hz വരെ ഹൈ-ഫ്രീക്വൻസി PWM ഡിമ്മിംഗ്, ഫുൾ-ബ്രൈറ്റ്നസ് DC ഡിമ്മിംഗ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

80W ഫാസ്റ്റ് ചാർജിംഗുള്ള 7000mAh ബാറ്ററിയാണ് റിയൽമി 15 5ജിയുടെ പ്രധാന ആകർഷണങ്ങളിലൊന്ന്. ഇൻ-ഡിസ്‌പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP68+IP69, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, 5G SA/ NSA, ഡ്യുവൽ 4G VoLTE എന്നിവയും ഇതിലുണ്ട്.

ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി UI 6.0ൽ ആണ് റിയൽമി 15 5ജിയുടെ പ്രവർത്തനം. സിൽക്ക് പിങ്ക്, വെൽവെറ്റ് ഗ്രീൻ, ഫ്ലോയിംഗ് സിൽവർ എന്നീ മൂന്ന് കളർ ഓപ്ഷനുകളിൽ ഈ സ്റ്റാന്റേർഡ് മോഡൽ ലഭ്യമാകും. 162.26×76.15×7.69 mm വലിപ്പവും 187 ഗ്രാം ഭാരവും ഈ ഫോണിനുണ്ട്.