65W ഫാസ്റ്റ് ചാർജിങ്ങുമായി റിയൽ‌മി 7 സീരീസ് സെപ്റ്റംബർ 3 ന് അവതരിപ്പിക്കും; വില, സവിശേഷതകൾ

ഔദ്യോഗിക ക്ഷണം അനുസരിച്ച് സെപ്റ്റംബർ 3 ന് ഉച്ചയ്ക്ക് 12: 30 ന് റിയൽമി 7, റിയൽമി 7 പ്രോ എന്നുവയുടെ ലോഞ്ച് ഇന്ത്യയിൽ നടക്കും. പുതിയ മോഡലുകളുടെ പ്രഖ്യപനം നടത്തുന്നതിനായി കമ്പനി സാമൂഹ്യമാധ്യമ ചാനലുകളിൽ ഡിജിറ്റൽ ലോഞ്ച് ഇവന്റ് നടത്തും. മാധ്യമങ്ങളിലേക്ക് അയച്ച ക്ഷണത്തിന് പുറമേ, റിയൽമി 7, റിയൽമി 7 പ്രോ എന്നിവയിൽ 65W സൂപ്പർഡാർട്ട് ഫാസ്റ്റ് ചാർജിംഗ് സാങ്കേതികവിദ്യയുടെ സാന്നിധ്യം കാണിക്കുന്ന ഒരു ചിത്രം റിയൽമി ട്വിറ്റർ അക്കൗണ്ടിൽ പോസ്റ്റുചെയ്‌തു.

ഫോണുകളിൽ ഒരു ഹോൾ-പഞ്ച് ഡിസ്പ്ലേ ഡിസൈനും ഉണ്ടായിരിക്കാം. നിലവിലുള്ള റിയൽമി 6 മോഡലുകളേക്കാൾ വേഗതയേറിയ അനുഭവം സൂചിപ്പിക്കുന്ന ഒരു 11 സെക്കൻഡ് വീഡിയോ ക്ലിപ്പ് ട്വിറ്ററിൽ റിയൽമി പോസ്റ്റുചെയ്‌തു. റിയൽമി ട്വിറ്റർ അക്കൗണ്ട് പോസ്റ്റുചെയ്ത ടീസർ മാറ്റിനിർത്തിയാൽ, ഓൺ‌ലൈൻ വിപണിയിലൂടെ റിയൽമി 7, റിയൽമി 7 പ്രോ എന്നിവയുടെ ലഭ്യത സൂചിപ്പിക്കുന്ന ഒരു മൈക്രോസൈറ്റ് ഫ്ലിപ്കാർട്ട് സൃഷ്ടിച്ചു.

ഈ സ്മാർട്ട്ഫോണുകൾ 'ടി‌യുവി റൈൻ‌ലാൻ‌ഡ് റിലയബിലിറ്റി സ്മാർട്ട്‌ഫോൺ വെരിഫിക്കേഷൻ' പരിശോധനയ്ക്ക് വിധേയമായതായും മൈക്രോസൈറ്റ് കാണിക്കുന്നു. കൂടാതെ, വെറും മൂന്ന് മിനിറ്റ് ചാർജിൽ 3.5 മണിക്കൂർ വരെ വോയ്‌സ് കോളിംഗ് അല്ലെങ്കിൽ 13.2 മണിക്കൂർ മ്യൂസിക് പ്ലേബാക്ക് നൽകാൻ റിയൽമി 7 സീരീസിന് കഴിയുമെന്ന് ഇത് വ്യക്തമാക്കുന്നു. ലോഞ്ചിന് മുന്നോടിയായി റിയൽമി 7 സീരീസിനെക്കുറിച്ച് ചില വിവരങ്ങൾ മൈക്രോബ്ലോഗിംഗ് വെബ്സൈറ്റ് വഴി റിയൽമി ഇന്ത്യ സി‌ഇ‌ഒ മാധവ് ഷെത്ത് വെളിപ്പെടുത്തി. 

കഴിഞ്ഞയാഴ്ച ഇന്ത്യയിൽ ലോഞ്ച് ചെയ്യാൻ ഷെത്ത് നിർദ്ദേശിച്ചിരുന്നെങ്കിലും ആളുകളുടെ ശ്രദ്ധ പിടിച്ചുപറ്റുന്നതിനായി ആദ്യ പേരിന് അടുത്തായി ഫാസ്റ്റർ 7 ചേർത്തുകൊണ്ട് അദ്ദേഹം ഇപ്പോൾ പേര് മാറ്റി. ഏതാനും ദിവസങ്ങൾക്കുള്ളിൽ തന്റെ ആസ്ക് മാധവ് വെർച്വൽ സെഷനിൽ റിയൽമി 7 സീരീസിനെക്കുറിച്ച് സംസാരിക്കുമെന്നും അദ്ദേഹം ട്വിറ്ററിൽ വ്യക്തമാക്കിയിട്ടുണ്ട്. കൂടാതെ, റിയൽമി 7 സീരീസിൽ ഇൻ-ഡിസ്‌പ്ലേ ഫിംഗർപ്രിന്റ് സെൻസറിന്റെ സാന്നിധ്യം സൂചിപ്പിക്കുന്ന ഒരു ഷോർട്ട് വീഡിയോ ഷെത്ത് പങ്കിട്ടു.

റിയൽമി 6, റിയൽമി 6 പ്രോ എന്നിവയിൽ ലഭ്യമായ സൈഡ് മൗണ്ട് ചെയ്ത ഫിംഗർപ്രിന്റ് സെൻസറിൽ നിന്ന് വ്യത്യസ്തമാണിത്. സ്മാർട്ഫോൺ പ്രേമികൾക്ക് ഇൻ-ഡിസ്പ്ലേ ഫിംഗർപ്രിന്റ് സെൻസറാണോ അല്ലെങ്കിൽ സൈഡ് മൗണ്ട് ചെയ്ത സെൻസറാണോ വേണ്ടത് എന്ന് മനസിലാക്കാൻ ഈ ആഴ്ച ആദ്യം ഷെത്ത് ട്വിറ്ററിൽ ഒരു വോട്ടെടുപ്പ് നടത്തിയിരുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറിന്റെ സൂചന കൂടാതെ, റിയൽമി 7 സീരീസിനെക്കുറിച്ചുള്ള വിശദാംശങ്ങൾ‌ ഇപ്പോൾ വ്യക്തമല്ല.

മാർച്ചിൽ ഇന്ത്യയിൽ ആരംഭിച്ച റിയൽമി 6, റിയൽമി 6 പ്രോ എന്നിവ ഉൾപ്പെടുന്ന റിയൽമി 6 സീരീസിന്റെ പിൻ‌ഗാമികളായി റിയൽമി 7 സീരീസ് വരുന്നു. സെപ്റ്റംബർ ഒന്നിന് ചൈനയിൽ വിപണിയിലെത്തുന്ന റിയൽമി എക്സ് 7, റിയൽമി എക്സ് 7 പ്രോ എന്നിവയിൽ നിന്ന് വ്യത്യസ്തമായിരിക്കും പുതിയ മോഡലുകൾ.