റിയൽ‌മി 8 5 ജി സ്മാർട്ഫോൺ ഏപ്രിൽ 21 ന് അവതരിപ്പിക്കും: പ്രതീക്ഷിക്കുന്ന സവിശേഷതകൾ

റിയൽമിയുടെ തായ്‌ലൻഡ് ഫെയ്‌സ്ബുക്ക് പേജ് പുതിയ റിയൽമി 8 5 ജി പുറത്തിറക്കുന്ന തീയതി പ്രഖ്യാപിച്ചു. ഫെയ്‌സ്ബുക്ക് പേജിൽ ഒരു ടീസർ വീഡിയോ പോസ്റ്റ് ചെയ്യ്തിരുന്നു. അത് വരാനിരിക്കുന്ന റിയൽമി സ്മാർട്ട്ഫോണിൻറെ ഒരു ചിത്രം നൽകുന്നു. റിയൽമി 8 5 ജിയുടെ പിന്നിൽ നിന്ന് കറുത്ത നിഴലിൽ ഗ്രേഡിയന്റ് ഫിനിഷ് നൽകിയിരിക്കുന്നതായി വീഡിയോ കാണിക്കുന്നു. എന്നാൽ, റിയൽമി 8 ൽ‌ ‘ഡെയർ‌ ടു ലീപ്പ്' എന്ന ടാഗ്‌ലൈൻ‌ നൽകുന്നത് ഒഴിവാക്കിയിരിക്കുന്നു.

4 ജി വേരിയന്റിൽ നിന്ന് വ്യത്യസ്തമായി റിയൽമി 8 5 ജിയിൽ 48 മെഗാപിക്സൽ പ്രൈമറി സെൻസറുള്ള ട്രിപ്പിൾ റിയർ ക്യാമറ സെറ്റപ്പാണ് നല്കിയിട്ടുള്ളതെന്ന് ടീസർ വീഡിയോ വെളിപ്പെടുത്തുന്നു. 64 മെഗാപിക്സൽ പ്രൈമറി ഷൂട്ടറുള്ള ക്വാഡ് റിയർ ക്യാമറ സെറ്റപ്പാണ് പതിവായി റിയൽമി 8ൽ നൽകുന്നത്. നേരത്തെ റിപ്പോർട്ട് ചെയ്ത വിവരങ്ങളുമായി ടീസർ വീഡിയോ നിർദ്ദേശിച്ച ഈ സ്മാർട്ട്ഫോണിൻറെ വിശദാംശങ്ങൾ ഒത്തുനോക്കുകയാണെങ്കിൽ ഈ മാസം ചൈനയിൽ അവതരിപ്പിച്ച റീബ്രാൻഡ് ചെയ്ത റിയൽമി വി 13 5 ജി ആയി റിയൽമി 8 5 ജി അവതരിപ്പിച്ചേക്കുവാൻ സാധ്യതയുണ്ട്.

കമ്പനിയുടെ ‘ഡെയർ ടു ലീപ്പ്' ടാഗ്‌ലൈൻ ഇല്ലാതെ 48 മെഗാപിക്സൽ പ്രൈമറി ക്യാമറയും വേരിയന്റും റിയൽമി വി 13 5 ജിയിൽ ഉണ്ട്. റിയൽമി 8 5 ജിയിൽ 5,000 എംഎഎച്ച് ബാറ്ററിയും 185 ഗ്രാം ഭാരവുമുണ്ടാകുമെന്ന് യുഎസ് എഫ്സിസി ലിസ്റ്റിംഗ് അടുത്തിടെ വെളിപ്പെടുത്തിയിരുന്നു. ഇത് റിയൽമി വി 13 5 ജി യുടെ സവിശേഷതകൾക്ക് അനുസൃതമാണ്. റിയൽമി8 5 ജി ഇന്ത്യയിൽ ലോഞ്ച് ചെയ്യുമെന്ന് സൂചനയുണ്ടായിരുന്നു. എന്നാൽ, ഏപ്രിൽ 21 ന് തായ്‌ലൻഡ് പ്രഖ്യാപനത്തിന് മുമ്പ് ഇന്ത്യയിൽ ലോഞ്ച് നടക്കുമോയെന്ന കാര്യം വ്യക്തമല്ല.