റിയൽമി 8എസ്, റിയൽമി 8 ഐ സ്മാർട്ഫോണുകൾ സെപ്റ്റംബർ 9 ന് ഇന്ത്യയിൽ അവതരിപ്പിക്കും

റിയൽ‌മി 8 എസ് 5 ജി ഡൈനാമിക് റാം എക്‌സ്പാൻഷൻ (DRE) സാങ്കേതികവിദ്യയുമായാണ് വരുന്നത്. ഇത് റാം കപ്പാസിറ്റി വർദ്ധിപ്പിക്കുന്നതിനായി ഇന്റർനാൽ സ്റ്റോറേജിൻറെ ചില ഭാഗങ്ങൾ ഉപയോഗപ്പെടുത്തുന്നു. അതുകൊണ്ടുതന്നെ മികച്ച പ്രകടനത്തിനുള്ള സാധ്യതയൊരുക്കുന്നു. മറുവശത്ത്, റിയൽ‌മി 8 ഐ ഡൈനാമിക് റാം എക്‌സ്പാൻഷൻ സാങ്കേതികവിദ്യയ്‌ക്ക് പുറമേ 120 ഹെർട്സ് മിനുസമാർന്ന ഡിസ്പ്ലേയും അവതരിപ്പിക്കും. ഇതിനർത്ഥം റിയൽ‌മി 8 എസിൻറെ ഡിസ്പ്ലേയിൽ ഉയർന്ന റിഫ്രഷ് റേറ്റ്‌ ഉണ്ടാകില്ല എന്നാണ്.

റിയൽ‌മി 8, റിയൽ‌മി 8 ഐ എന്നിവയുടെ സവിശേഷതകളെക്കുറിച്ച് ഇതുവരെ കൂടുതൽ വിവരങ്ങളൊന്നും ലഭ്യമായിട്ടില്ല. പക്ഷെ, ഈ സ്മാർട്ഫോണുകളെ കുറിച്ചുള്ള നിരവധി അഭ്യൂഹങ്ങൾ ഇപ്പോൾ ലഭ്യമായിട്ടുണ്ട്. റിയൽ‌മി 8, റിയൽ‌മി 8 ഐ എന്നിവയ്ക്ക് നിലവിലുള്ള റിയൽ‌മി 8 സീരീസ് സ്മാർട്ട്ഫോണുകളുമായി സാദൃശ്യം പുലർത്തുന്ന ഒരു ഡിസൈൻ ഉണ്ടായിരിക്കും. ഈ സ്മാർട്ഫോണിൻറെ പുറകിൽ വരുന്ന ക്യാമറ മൊഡ്യൂളിൽ എൽഇഡി ഫ്ലാഷ്ലൈറ്റിനൊപ്പം നാല് സെൻസറുകളും ഉണ്ടാകും. രണ്ട് ഫോണുകളും പിന്നിൽ വളഞ്ഞ അരികുകളുമായി വരാൻ സാധ്യതയുണ്ട്, അതേസമയം മുൻവശത്ത് മൂന്ന് വശങ്ങളിൽ നേർത്ത ബെസലുകളും പഞ്ച്-ഹോൾ ഡിസ്പ്ലേകളും ഉണ്ടാകും.

റിയൽമി 8 എസിന് 6.5 ഇഞ്ച് ഡിസ്പ്ലേ, 90 ഹെർട്സ് റിഫ്രഷ് റേറ്റ്, 64 മെഗാപിക്സൽ ക്യാമറ, പിന്നിൽ രണ്ട് സെൻസറുകൾ എന്നിവയും നൽകിയേക്കും. 33W ഫാസ്റ്റ് ചാർജിംഗുള്ള 5000 എംഎഎച്ച് ബാറ്ററിയും റിയൽമി 8 എസിൽ കമ്പനി ഉൾപ്പെടുത്തും. ഇതിനുപുറമെ, റിയൽ‌മി 8 എസിൻറെ മറ്റുള്ള സവിശേഷതകളെ കുറിച്ച് ഇതുവരെ ഒരു വിവരവുമില്ല. റിയൽ‌മി 8 ഐയുടെ സവിശേഷതകളിൽ ഒന്ന് മുകളിൽ വലത് കോണിൽ ഒരു പഞ്ച്-ഹോളുള്ള 6.59 ഇഞ്ച് ഫുൾ-എച്ച്ഡി+ ഡിസ്പ്ലേയാണ്. പിൻഭാഗത്തായി 2 മെഗാപിക്സൽ മാക്രോ സെൻസറും 2 മെഗാപിക്സൽ ഡെപ്ത് സെൻസറും ഉൾപ്പെടുന്ന 50 മെഗാപിക്സൽ ട്രിപ്പിൾ ക്യാമറ സംവിധാനം ഉണ്ടായിരിക്കാം.

സെൽഫികൾ പകർത്തുവാൻ ഈ സ്മാർട്ഫോണിൽ 16 മെഗാപിക്സൽ ക്യാമറയുമായി വന്നേക്കാം. റിയൽമി 8 ഐയിൽ കുറഞ്ഞത് 4 ജിബി റാമും 128 ജിബി യുഎഫ്എസ് 2.2 സ്റ്റോറേജും ഉണ്ടാകും. 5000 എംഎഎച്ച് ബാറ്ററിയും ചുവടെയുള്ള യുഎസ്ബി-സി പോർട്ടിലൂടെ ഫാസ്റ്റ് ചാർജിംഗും ഉണ്ടാകാം. റിയൽ‌മി 8, റിയൽ‌മി 8 ഐ എന്നിവ സെപ്റ്റംബർ 9 ന് ഉച്ചയ്ക്ക് 12.30 മണിക്ക് അവതരിപ്പിക്കും.