അതിശയിപ്പിക്കുന്ന ഫീച്ചറുകളുമായി റിയൽമി 9 പ്രോ, റിയൽമി 9 പ്രോ പ്ലസ് സ്മാർട്ട്ഫോണുകൾ ഇന്ത്യയിലെത്തി

റിയൽമി 9 പ്രോ പ്ലസ് 5ജി ഫീച്ചറുകൾ

മീഡിയാടെക്ക് ഡൈമൻസിറ്റി 920 5ജി ചിപ്പ്സെറ്റ് റിയൽമി 9 പ്രോ പ്ലസ് ഫീച്ചർ ചെയ്യുന്നു. മാലി - ജി68 എംസി4 ജിപിയുവും 8 ജിബി വരെയുള്ള റാമും ഡിവൈസിൽ നൽകിയിരിക്കുന്നു. ഫ്ലാഗ്ഷിപ്പ് ലെവൽ പെർഫോർമൻസും പവർ എഫിഷ്യൻസിയും റിയൽമി 9 പ്രോ പ്ലസ് സ്മാർട്ട്ഫോൺ ഓഫർ ചെയ്യുന്നുണ്ട്. ഓവർ ഹീറ്റിങ് തടയാനും പേർഫോർമൻസും സ്റ്റെബിലിറ്റിയും നിലനിർത്താനും വേപ്പർ ചേമ്പർ കൂളിങ് സിസ്റ്റവും റിയൽമി 9 പ്രോ പ്ലസ് സ്മാർട്ട്ഫോണിൽ നൽകിയിരിക്കുന്നു. 90 ഹെർട്സ് റിഫ്രഷ് റേറ്റ് നൽകുന്ന സൂപ്പർ അമോലെഡ് ഡിസ്പ്ലേയും ഡിവൈസിൽ നൽകിയിരിക്കുന്നു. 4.4 ഇഞ്ച് ഫുൾ എച്ച്ഡി പ്ലസ് ( 1,080 x 2,400 പിക്സൽസ് ) ഡിസ്പ്ലേയ്ക്ക് കോർണിങ് ഗൊറില്ല ഗ്ലാസ് 5 പ്രൊട്ടക്ഷനും 180 ഹെർട്സ് ടച്ച് സാമ്പ്ളിങ് റേറ്റും നൽകിയിരിക്കുന്നു. ഇൻ ഡിസ്പ്ലേ ഫിംഗർപ്രിന്റ് സെൻസറിനൊപ്പം ഹാർട്ട് റേറ്റ് സെൻസറും റിയൽമി ഓഫർ ചെയ്യുന്നു.

റിയൽമി 9 പ്രോ പ്ലസിൽ ട്രിപ്പിൾ റിയർ ക്യാമറ സെറ്റപ്പാണ് ഉള്ളത്. പ്രൈമറി ക്യാമറ 50 എംപി സോണി ഐഎംഎക്സ്766 സെൻസറാണ്. ഒഐഎസും ഈ ക്യാമറ ഫീച്ചർ ചെയ്യുന്നു. ഓപ്പോ ഫൈൻഡ് എക്സ്3 പ്രോ, വൺപ്ലസ് 9ആർടി പോലെയുള്ള ഫ്ലാഗ്ഷിപ്പ് സ്മാർട്ട്ഫോണുകളിൽ ഉപയോഗിച്ചിട്ടുള്ള സെൻസർ ആണിത്. പുതിയ സെൻസർ മാത്രമല്ല, മികച്ച സോഫ്റ്റ്വെയർ ഒപ്റ്റിമൈസേഷനും ഡിവൈസ് കാഴ്ച വയ്ക്കുന്നു. 8 എംപി അൾട്രാ വൈഡ് ലെൻസ്, 2 മെഗാപിക്സൽ മാക്രോ ഷൂട്ടർ എന്നിവയും നൽകിയിരിക്കുന്നു. പ്രോലൈറ്റ് ഇമേജിങ് സാങ്കേതികവിദ്യ ചിത്രങ്ങൾക്ക് കൂടുതൽ മിഴിവ് നൽകുന്നു. എഐ നോയിസ് റിഡക്ഷൻ സാങ്കേതികവിദ്യയും ഈ സ്മാർട്ട്ഫോണിന്റെ പ്രത്യേകതയാണ്.

ക്ലിയർ ഫ്യൂഷൻ അൽഗോരിതം സപ്പോർട്ട് ഉള്ള 16 എംപി പ്രൈമറി ക്യാമറയും ഡിവൈസിൽ ഉണ്ട്.റിയൽമി 9 പ്രോ പ്ലസിൽ അവതരിപ്പിച്ചിട്ടുള്ള മറ്റൊരു സവിശേഷതയാണ് സട്രീറ്റ് ഫോട്ടോഗ്രാഫി മോഡ് 2.0. ഫോട്ടോസ് എടുക്കുമ്പോൾ. സാച്ചുറേഷനും കോൺട്രാസ്റ്റ് ലെവലും ഓൾട്ടർ ചെയ്യുന്ന ഫീച്ചറാണിത്. ഇങ്ങനെ ചിത്രങ്ങൾക്ക് കൂടുതൽ വിന്റേജ് എഫക്ട് നൽകും. ഒപ്പം ക്രിയേറ്റീവായ മറ്റ് എഫക്റ്റുകളും ഈ മോഡ് പായ്ക്ക് ചെയ്യുന്നു. 4,500 എംഎഎച്ച് ബാറ്ററിയാണ് ഈ ഡിവൈസിൽ നൽകിയിരിക്കുന്നത്. 60 വാട്ട് സൂപ്പർഡാർട്ട് ഫാസ്റ്റ് ചാർജിങും റിയൽമി 9 പ്രോ പ്ലസ് ഫീച്ചർ ചെയ്യുന്നു.

റിയൽമി 9 പ്രോ 5ജി ഫീച്ചറുകൾ

റിയൽമി 9 പ്രോ 5ജി സ്മാർട്ട്ഫോൺ 120 ഹെർ്ട്സ് റിഫ്രഷ് റേറ്റ് നൽകുന്ന 6.6 ഇഞ്ച് ഫുൾ എച്ച്ഡി പ്ലസ് എൽസിഡി ഡിസ്പ്ലേ പാനൽ പായ്ക്ക് ചെയ്യുന്നു. ഒക്ടാ കോർ ക്വാൽകോം സ്നാപ്പ്ഡ്രാഗൺ 695 5ജി പ്രോസസറാണ് റിയൽമി 9 പ്രോ 5ജി സ്മാർട്ട്ഫോണിന് കരുത്ത് പകരുന്നത്. ഏറ്റവും പുതിയ 6എൻഎം പ്രോസസിങ് ടെക്നോളജിയുടെ സഹായത്തോടെ ഊർജക്ഷമത നില നിർത്തുന്നു. ഒപ്പം സിപിയു പെർഫോമൻസ് 15 ശതമാനവും ജിപിയു എനർജി എഫിഷ്യൻസി 30 ശതമാനവും കൂട്ടുന്നു. 8 ജിബി വരെ റാമും അഡ്രീനോ 619 ജിപിയുവും ഡിവൈസിൽ ഉണ്ട്.

റിയൽമി 9 പ്രോ 5ജി സ്മാർട്ട്ഫോണിലും ട്രിപ്പിൾ റിയർ ക്യാമറ സജ്ജീകരണമാണ് നൽകിയിരിക്കുന്നത്. 64 എംപി അൾട്രാ ഹൈ റെസല്യൂഷൻ നൈറ്റ്സ്കേപ്പ് ക്യാമറ ഫീച്ചർ ചെയ്യുന്നു. 9 പ്രോ പ്ലസിലെ സട്രീറ്റ് ഫോട്ടോഗ്രാഫി മോഡ് 2.0 റിയൽമി 9 പ്രോ 5ജിയിലും കൊടുത്തിട്ടുണ്ട്. 8 എംപി വൈഡ് ആങ്കിൾ ഷൂട്ടർ, 2 എംപി മാക്രോ ഷൂട്ടർ എന്നിവയും റിയൽമി 9 പ്രോ 5ജിയുടെ പിൻ ക്യാമറ സെറ്റപ്പിൽ വരുന്നു. സെൽഫികൾ എടുക്കാൻ 16 എംപി സെൻസറും നൽകിയിരിക്കുന്നു.

ആൻഡ്രോയിഡ് 12 ബേസ്ഡ് റിയൽമിയുഐ 3.0യിലാണ് റിയൽമി 9 പ്രോ 5ജി സ്മാർട്ട്ഫോൺ പ്രവർത്തിക്കുന്നത്. 5,000 എംഎഎച്ച് ബാറ്ററിയാണ് ഈ സ്മാർട്ട്ഫോണിൽ ഉള്ളത്. 33 വാട്ട് ഡാർട്ട് ചാർജിങ് സപ്പോർട്ടും ലഭ്യമാണ്. മൂന്ന് കളറുകളിലാണ് റിയൽമി 9 പ്രോ പ്ലസ് 5ജി, റിയൽമി 9 പ്രോ 5ജി സ്മാർട്ട്ഫോണുകൾ വിപണിയിൽ എത്തുന്നത്. സൺറൈസ് ബ്ലൂ, അറോറ ഗ്രീൻ, മിഡ്നൈറ്റ് ബ്ലാക്ക് എന്നീ കളറുകളാണിവ.

റിയൽമി 9 പ്രോ 5ജി സ്മാർട്ട്ഫോൺ വേരിയന്റുകൾക്ക് 17,999 രൂപ മുതലാണ് വിലയാരംഭിക്കുന്നത്. റിയൽമി 9 പ്രോ പ്ലസ് 5ജി സ്മാർട്ട്ഫോൺ വേരിയന്റുകൾക്ക് 24,999 രൂപയിലും വിലയാരംഭിക്കും. റിയൽമി 9 പ്രോ പ്ലസ് 6 ജിബി റാം 128 ജിബി സ്റ്റോറേജ് വേരിയന്റിന് 24,999 രൂപയാണ് വില വരുന്നത്. 8 ജിബി റാം 128 ജിബി സ്റ്റോറേജ് വേരിയന്റിന് 26,999 രൂപയും വില വരും. 8 ജിബി റാം 256 ജിബി വേരിയന്റിന് 28,999 രൂപയാണ് കമ്പനി വിലയിട്ടിരിക്കുന്നത്. റിയൽമി 9 പ്രോ 5ജി സ്മാർട്ട്ഫോണിന്റെ 6 ജിബി റാം 128 ജിബി സ്റ്റോറേജ് വേരിയന്റിന് 17,999 രൂപ വില വരും. 8 ജിബി റാം 128 ജിബി സ്റ്റോറേജ് വേരിയന്റിന് 20,999 രൂപയും വില വരും. ഫെബ്രുവരി 21 മുതലാണ് റിയൽമി 9 പ്രോ പ്ലസ് സ്മാർട്ട്ഫോണിന്റെ വിൽപ്പനയാരംഭിക്കുന്നത്. റിയൽമി 9 പ്രോയുടെ വിൽപ്പന ഫെബ്രുവരി 23നും ആരംഭിക്കും.