കാത്തിരിപ്പിന് വിരാമം; റിയൽമി 9 പ്രോ പ്ലസ് ഇന്ത്യ ലോഞ്ച് ഉടൻ

|

ദിവസങ്ങൾക്ക് മുമ്പാണ് ചൈനീസ് സ്മാർട്ട്ഫോൺ നിർമാതാക്കളായ റിയൽമി തങ്ങളുടെ ഏറ്റവും പുതിയ ഡിവൈസുകളിൽ ഒന്നായ റിയൽമി 9ഐ ഇന്ത്യൻ വിപണിയിൽ അവതരിപ്പിച്ചത്. ഇപ്പോഴിതാ 9 സീരീസിൽ തന്നെ ഏറ്റവും പുതിയ ഡിവൈസുകളിൽ ഒന്ന് കൂടി ഇന്ത്യയിൽ ലോഞ്ച് ചെയ്യുമെന്ന് സ്ഥിരീകരിച്ചിരിക്കുകയാണ് റിയൽ മി ഇന്ത്യ. ഔദ്യോഗിക ട്വിറ്റർ ഹാൻഡിലിൽ കൂടിയാണ് കമ്പനി പുതിയ റിയൽമി 9 പ്രോ പ്ലസ് ടീസ് ചെയ്തിരിക്കുന്നത്. 9 സീരീസിൽ തന്നെയുള്ള റിയൽമി 9, റിയൽമി 9 പ്രോ മോഡലുകൾക്കൊപ്പം ആയിരിക്കും പ്രോ പ്ലസും വിപണിയിൽ എത്തുക.

 

റിയൽമി

റിയൽമി ഇന്ത്യയുടെ മാധവ് ഷെത്ത് ഒരു ടെക് മാധ്യമത്തിന് നൽകിയ അഭിമുഖത്തിൽ ഈ ഡിവൈസുകൾ ഉടൻ ഇന്ത്യയിൽ അവതരിപ്പിക്കുമെന്ന് പറഞ്ഞിരുന്നു. എങ്കിലും റിയൽമി 9 പ്രോ പ്ലസിന്റെ സ്പെസിഫിക്കേഷനുകൾ, ഫീച്ചറുകൾ തുടങ്ങിയ വിവരങ്ങൾ ഒന്നും കമ്പനി ഇത് വരെ വെളിപ്പെടുത്താൻ തയ്യാറായിട്ടില്ല. റിയൽമി 9 പ്രോ പ്ലസുമായി ബന്ധപ്പെട്ടുള്ള എന്തെങ്കിലും വിവരങ്ങൾ പുറത്ത് വന്നത് അടുത്ത കാലത്തുണ്ടായ ഒരു ലീക്കിൽ നിന്നാണ്. കുറച്ച് റെൻഡറുകളും റിയൽമി 9 പ്രോ പ്ലസിനെക്കുറിച്ചുള്ള വിശദാംശങ്ങൾ പുറത്ത് വിട്ടിരുന്നു. റിയൽമി 9 പ്രോ പ്ലസിനെക്കുറിച്ച് ലഭ്യമായ വിശദാംശങ്ങൾ അറിയാൻ താഴേക്ക് വായിക്കുക.

വൺപ്ലസ് നോർഡ് സീരീസിൽ പുതിയ സ്മാർട്ട്ഫോൺ; വില 20,000ത്തിലും താഴെയെന്ന് സൂചനവൺപ്ലസ് നോർഡ് സീരീസിൽ പുതിയ സ്മാർട്ട്ഫോൺ; വില 20,000ത്തിലും താഴെയെന്ന് സൂചന

റിയൽമി ഇന്ത്യ

റിയൽമി ഇന്ത്യ തങ്ങളുടെ ഔദ്യോഗിക ട്വിറ്റർ ഹാൻഡിലിലൂടെ നടത്തിയ ടീസിങോടെയാണ് റിയൽമി 9 പ്രോ പ്ലസ് ഇന്ത്യയിൽ ലോഞ്ച് ചെയ്യുമെന്ന് സ്ഥിരീകരിച്ചത്. റിയൽമി 9 പ്രോ പ്ലസ് സ്മാർട്ട്‌ഫോണിന്റെ ടീസർ ചിത്രവും കമ്പനി പോസ്റ്റ് ചെയ്തിട്ടുണ്ട്. റിയൽമി 9 സീരീസിന്റെ ഭാഗമായി റിയൽമി 9 പ്രോ പ്ലസ് ലോഞ്ച് ചെയ്യുന്നതായി ട്വിറ്റർ പോസ്റ്റ് സ്ഥിരീകരിച്ചിട്ടുണ്ട്. വരാനിരിക്കുന്ന ഹാൻഡ്‌സെറ്റിന്റെ പ്രോ+ അടയാളപ്പെടുത്തലും ടീസർ ചിത്രം പ്രദർശിപ്പിക്കുന്നു.

റിയൽമി 9
 

അടുത്തിടെ ബിഐഎസ് പോലെയുള്ള സർട്ടിഫിക്കേഷൻ ഡാറ്റാബേസുകളിൽ അടുത്തിടെ റിയൽമി 9, റിയൽമി 9 പ്രോ എന്നീ ഡിവൈസുകൾ കണ്ടിരുന്നു. ഇതും ലോഞ്ച് ഉടൻ ഉണ്ടാവുമെന്ന് സൂചന നൽകുന്നു.കൂടാതെ, റിയൽമി 9 പ്രോ, റിയൽമി 9 പ്രോ പ്ലസ് എന്നിവ യഥാക്രമം മീഡിയാടെക്ക് ഡൈമൻസിറ്റി 810, ഡൈമൻസിറ്റി 920 പ്രോസസറുകൾ ഫീച്ചർ ചെയ്യുമെന്നും റിപ്പോർട്ടുകൾ സൂചന നൽകുന്നു.

റിയൽമി 9ഐ റിവ്യൂ: വിലയ്ക്ക് യോജിച്ച സവിശേഷതകൾ, പക്ഷേ പോരായ്മകളും ധാരാളംറിയൽമി 9ഐ റിവ്യൂ: വിലയ്ക്ക് യോജിച്ച സവിശേഷതകൾ, പക്ഷേ പോരായ്മകളും ധാരാളം

റിയൽമി 9 പ്രോ

റിയൽമി 9 പ്രോ പ്ലസിന്റെ ഒരു റെൻഡറും സ്പെസിഫിക്കേഷൻ വിശദാംശങ്ങളും ഓൺലീക്സ് പുറത്ത് വിട്ടിരുന്നു. സ്മാർട്ട്പ്രിക്സും ഈ ലീക്കിൽ സഹകരിച്ചിട്ടുണ്ട്. ലീക്ക് റിപ്പോർട്ടിൽ ഡിവൈസിന്റെ ഡിസൈൻ വിശദാംശങ്ങളും ഉൾക്കൊള്ളുന്നു. ഒരു ഗ്രേഡിയന്റ് ബാക്ക് ഡിസൈനിലാകും റിയൽമി 9 പ്രോ പ്ലസിന്റെ ബാക്ക് പാനൽ എത്തുകയെന്നാണ് കരുതുന്നത്. ഒപ്പം മുൻ വശത്ത് ഒരു ഹോൾ പഞ്ച് ഡിസ്പ്ലേ ഡിസൈനും പ്രതീക്ഷിക്കപ്പെടുന്നു.

റിയൽമി 9 പ്രോ പ്ലസ് സ്മാർട്ട്ഫോൺ

റിയൽമി 9 സീരീസിലെ ഏറ്റവും ഉയർന്ന വേരിയന്റാണ് റിയൽമി 9 പ്രോ പ്ലസ് സ്മാർട്ട്ഫോൺ. ഫോൺ 6.5 ഇഞ്ച് ഫുൾ എച്ച്ഡി പ്ലസ് ഡിസ്‌പ്ലേ ഫീച്ചർ ചെയ്യാനാണ് സാധ്യത. ക്വാഡ് ക്യാമറ സജ്ജീകരണവും റിയൽമി 9 പ്രോ പ്ലസ് സ്മാർട്ട്ഫോണിൽ പ്രതീക്ഷിക്കപ്പെടുന്നുണ്ട്. 50 എംപി പ്രൈമറി ക്യാമറ സെൻസർ, 13 എംപി സെക്കൻഡറി സെൻസർ, 8 എംപി ടെർഷ്യറി സെൻസർ, 2 എംപി വരുന്ന നാലാം സെൻസർ എന്നിങ്ങനെയാവും ക്വാഡ് ക്യാമറ സജ്ജീകരണം വരിക.

മികച്ച ക്യാമറകളുമായി ഓപ്പോ റെനോ7 സീരീസ് ഇന്ത്യയിലേക്ക്മികച്ച ക്യാമറകളുമായി ഓപ്പോ റെനോ7 സീരീസ് ഇന്ത്യയിലേക്ക്

സെൽഫി ക്യാമറ

സെൽഫികൾ പകർത്താൻ റിയൽമി 9 പ്രോ പ്ലസ് സ്മാർട്ട്ഫോണിൽ 16 എംപി സെൽഫി ക്യാമറ സെൻസറും പ്രതീക്ഷിക്കാം. മുൻ വശത്ത് ഒരു ഹോൾ പഞ്ച് ഡിസ്പ്ലേ ഡിസൈനായിരിക്കുമെന്ന് നേരത്തെ തന്നെ പറഞ്ഞിരുന്നുവല്ലോ. സിക്യൂസി ഡാറ്റാബേസിലെ ഒരു ലിസ്റ്റിങ് അനുസരിച്ച്, വരാനിരിക്കുന്ന റിയൽമി 9 പ്രോ പ്ലസ് സ്മാർട്ട്ഫോണിൽ 5000 എംഎഎച്ച് ബാറ്ററിയും 65 വാട്ട് ഫാസ്റ്റ് ചാർജിങ് സപ്പോർട്ടും ഫീച്ചർ ചെയ്യാനുള്ള സാധ്യതയും ഉണ്ട്.

Most Read Articles
Best Mobiles in India

English summary
A few days back, Chinese smartphone maker Realme launched one of its latest devices, the Realme 9i in the Indian market. Realme India has now confirmed that it will be launching one of the latest devices in the 9 Series in India. The company has also unveiled the new Realme 9 Pro Plus on its official Twitter handle.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X