പുതിയ റിയൽ‌മി സി 11 2021 ബജറ്റ് സ്മാർട്ട്‌ഫോൺ എഫ്‌സി‌സിയിൽ കണ്ടെത്തി

റിയൽ‌മി സി 11 2021 പ്രത്യകതകൾ, ചോർന്ന സവിശേഷതകൾ

അറിയപ്പെടുന്ന ടിപ്പ്സ്റ്റർ മുകുൾ ശർമ കണ്ടെത്തിയതുപോലെ റിയൽ‌മി സി 11 2021 എഫ്‌സി‌സിയിൽ കണ്ടെത്തി. ഈ ഹാൻഡ്‌സെറ്റിന് ലഭിച്ചേക്കാവുന്ന ചില സവിശേഷതകൾ ലിസ്റ്റിംഗ് വെളിപ്പെടുത്തുന്നു. റിയൽ‌മി സി 11 2020 യുടെ പിൻ‌ഗാമിയായ റിയൽ‌മി സി 11 2021ൽ 5,000 എംഎഎച്ച് ബാറ്ററിയും, ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുകയും ചെയ്യുമെന്നാണ് സൂചന.165.2 x 76.4 x 8.9 മില്ലിമീറ്റർ അളവും 190 ഗ്രാം ഭാരവുമുള്ളതാണ് ഈ സ്മാർട്ട്ഫോൺ. റിയൽ‌മി സി 11 2021 ന് എഫ്‌സി‌സി സർ‌ട്ടിഫിക്കേഷൻ‌ ലഭിച്ചിട്ടുണ്ട്.

ഈ വിശദാംശങ്ങൾക്ക് പുറമെ, വി ആകൃതിയിലുള്ള നോച്ചിൻറെ സാന്നിധ്യത്തിൽ ടിപ്പ് ചെയ്യുന്ന ഈ സ്മാർട്ട്‌ഫോണിൻറെ ചോർന്ന ചിത്രവും ഉണ്ട്. മറ്റ് വിശദാംശങ്ങൾ‌ ഇപ്പോൾ ലഭ്യമല്ലാത്തതിനാൽ റിയൽ‌മി സി 11 2021 2020 എഡിഷൻ പോലെ ബജറ്റ് വില വിഭാഗത്തിൽ‌ വരുമെന്ന് പ്രതീക്ഷിക്കുന്നു. ഈ ഹാൻഡ്‌സെറ്റിന് മുൻഗാമിയെക്കാൾ ചില മെച്ചപ്പെടുത്തലുകൾ വരുമെന്നും പറയുന്നുണ്ട്. അതായത്, മികച്ച ചിപ്പ്സെറ്റ്, കൂടുതൽ റാം / സ്റ്റോറേജ് ഓപ്ഷനുകൾ, മികച്ച ക്യാമറകൾ എന്നിവ ഇതിൽ ഉണ്ടാകാം.

ഒറ്റനോട്ടത്തിൽ റിയൽ‌മി സി 11 2020 സ്മാർട്ഫോണിനെ അറിയാം

റിയൽ‌മി സി 11 ന് 6.5 ഇഞ്ച് എച്ച്ഡി + ഡിസ്‌പ്ലേയാണ് വരുന്നത്. ഇതിൽ മീഡിയടെക് ഹിലിയോ ജി 35 SoC പ്രോസസറാണ് നൽകിയിരിക്കുന്നത്. 2 ജിബി / 32 ജിബി, 3 ജിബി / 32 ജിബി എന്നിങ്ങനെ ഈ ഹാൻഡ്‌സെറ്റ് 2 റാം/ സ്റ്റോറേജ് ഓപ്ഷനുകളിൽ ലഭ്യമാണ്. ക്യാമറയുടെ മുൻവശത്ത്, 13 മെഗാപിക്സലും 2 മെഗാപിക്സലും വരുന്ന ഡ്യുവൽ റിയർ ക്യാമറകളും, മുൻവശത്ത്, സെൽഫികൾക്കായി 5 മെഗാപിക്സൽ ക്യാമറയുണ്ട്. 5,000 എംഎഎച്ച് ബാറ്ററിയുമായി വരുന്ന ഈ ഹാൻഡ്‌സെറ്റ് ആൻഡ്രോയിഡ് 10 ഓപ്പറേറ്റിംഗ് സിസ്ടത്തിലാണ് പ്രവർത്തിക്കുന്നത്. റിയൽ‌മി സി 11 ൻറെ വില ആരംഭിക്കുന്നത് 6,999 രൂപ മുതലാണ്. നിലവിൽ, കമ്പനിയുടെ വെബ്‌സൈറ്റ് വഴി വാങ്ങാൻ 2 ജിബി റാം / 32 ജിബി സ്റ്റോറേജ് വേരിയൻറ് മാത്രമേ ലഭ്യമാകൂകയുള്ളൂ. കൂടുതൽ വിശദാംശങ്ങൾക്കായി നിങ്ങൾ ഇനിയും കാത്തിരിക്കേണ്ടതായി വരും.