ട്രിപ്പിൾ റിയർ ക്യാമറയും, യൂണിസോക്ക് ചിപ്‌സെറ്റുമായി റിയൽ‌മി സി 11 (2021) അവതരിപ്പിച്ചു

റിയൽ‌മി സി 11 (2021) സ്മാർട്ഫോണിൻറെ വിലയും, വിൽ‌പനയും

റഷ്യയുടെയും ഫിലിപ്പൈൻസിന്റെയും ഔദ്യോഗിക കമ്പനി വെബ്‌സൈറ്റുകളിൽ പുതിയ റിയൽ‌മി സി 11 (2021) ഇതുവരെ പട്ടികപ്പെടുത്തിയിട്ടില്ല, എന്നാൽ, ഈ സ്മാർട്ട്ഫോൺ ഇപ്പോൾ റഷ്യയിലെ അലിഎക്സ്പ്രസ്സിലും ഫിലിപ്പൈൻസിലെ ലസാഡയിലും ലഭ്യമാണ്. ഫിലിപ്പൈൻസിൽ ഈ സ്മാർട്ട്ഫോണിൻറെ വില പിഎച്ച്പി 4990 (ഏകദേശം 7,600 രൂപ) ആണ്. ഇത് ഇപ്പോൾ 2 ജിബി റാം + 32 ജിബി സ്റ്റോറേജ് ഓപ്ഷനിൽ മാത്രമായി പട്ടികപ്പെടുത്തിയിട്ടുണ്ട്. അയൺ ഗ്രേ, ലേക് ബ്ലൂ കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാക്കുന്നതാണ്.

റിയൽ‌മി സി 11 (2021) സ്മാർട്ഫോണിൻറെ സവിശേഷതകൾ

റിയൽ‌മി സി 11 (2021) ആൻഡ്രോയിഡ് 11 അടിസ്ഥാനമാക്കിയുള്ള റിയൽ‌മി യുഐ 2.0 ഓപ്പറേറ്റിംഗ് സിസ്ടത്തിലാണ് പ്രവർത്തിക്കുന്നത്. വാട്ടർ ഡ്രോപ്പ്-സ്റ്റൈൽ നോച്ച്, 60 ഹെർട്സ് സ്‌ക്രീൻ റിഫ്രഷ് റേറ്റുള്ള 6.5 ഇഞ്ച് എച്ച്ഡി + (720x1,600 പിക്‌സൽ) എൽസിഡി ഡിസ്‌പ്ലേയാണ് ഇതിൽ നൽകിയിട്ടുള്ളത്. പ്രോസസർ ലസാഡയിലോ അലിഎക്സ്പ്രസ്സിലോ പ്രത്യേകമായി പട്ടികപ്പെടുത്തിയിട്ടില്ലെങ്കിലും യുണിസോക്ക് എസ്‌സി 9863 SoC പ്രോസസർ ഇതിൽ ഉണ്ടെന്ന് മൈസ്മാർട്ട്പ്രൈസ് റിപ്പോർട്ട് ചെയ്യുന്നു. 2 ജിബി റാം, 32 ജിബി സ്റ്റോറേജുള്ള ഹാൻഡ്‌സെറ്റിൻറെ കപ്പാസിറ്റി എക്സ്പാൻഡ് ചെയ്യുന്നതിനായി മൈക്രോ എസ്ഡി കാർഡ് സ്ലോട്ട് എന്നിവ ഈ ഫോണിലുണ്ട്.

റിയൽമി സി 20ൽ വരുന്ന അതേ 8 മെഗാപിക്സൽ പിൻ ക്യാമറയും 5 മെഗാപിക്സൽ ഫ്രണ്ട് സെൻസറുമുള്ള ക്യാമറ സംവിധാനമാണ് റിയൽമി സി 11 (2021) നൽകിയിട്ടുള്ളത്. ഇതിൽ വരുന്ന 5,000 എംഎഎച്ച് ബാറ്ററി 48 മണിക്കൂർ സ്റ്റാൻഡ്‌ബൈ ടൈം വരെ നിലനിൽക്കുമെന്ന് കമ്പനി അവകാശപ്പെടുന്നു. ഇത് 10W ചാർജിംഗിനെ സപ്പോർട്ട് ചെയ്യുന്നു. ജിപിഎസ്, മൈക്രോ യുഎസ്ബി പോർട്ട്, യുഎസ്ബി ഒടിജി, 4 ജി, ബ്ലൂടൂത്ത്, വൈ-ഫൈ എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.