റിയൽമി സി 11 ഇന്ന്‌ ഉച്ചയ്ക്ക്‌ 12 മണിക്ക് ഫ്ലിപ്പ്കാർട്ടിൽ വിൽ‌പന നടത്തും; വില, സവിശേഷതകൾ, ഓഫറുകൾ

വാട്ടർ ഡ്രോപ്പ്-സ്റ്റൈൽ ഡിസ്‌പ്ലേ നോച്ചുള്ള ഈ സ്മാർട്ട്‌ഫോൺ റിച്ച് ഗ്രീൻ, റിച്ച് ഗ്രേ എന്നിങ്ങനെ രണ്ട് കളർ ഓപ്ഷനുകളിൽ ലഭ്യമാകും. നാർസോ സീരീസും റിയൽമി എക്‌സ് 3 സീരീസും പുറത്തിറക്കിയ ശേഷം കമ്പനി ബജറ്റ് വിഭാഗത്തിൽ അവതരിപ്പിച്ച സ്മാർട്ഫോണാണ് റിയൽമി സി 11. റിയൽമി സി 11 ഹാൻഡ്സെറ്റിനെ സവിശേഷതകളും മറ്റ് വിശദാംശങ്ങളും ഇവിടെ പരിശോധിക്കാം.

റിയൽമി സി 11: വില

10,000 രൂപയിൽ താഴെ വില വരുന്ന സ്മാർട്ട്ഫോണുകളുടെ പട്ടികയിലാണ് റിയൽമി സി 11 വരുന്നത്. റിയൽമി സി 11 സ്മാർട്ഫോൺ ഒരു സ്റ്റോറേജ് വേരിയന്റായി ഇന്ത്യയിൽ അവതരിപ്പിച്ചു. 32 ജിബി സ്റ്റോറേജും 2 ജിബി റാമുമുള്ള ഈ വേരിയന്റിന് 7,499 രൂപയാണ് ഇന്ത്യയിൽ വില വരുന്നത്. ഫ്ലിപ്പ്കാർട്ട്, റിയൽമി.കോം വഴി വിൽപ്പനയ്‌ക്കെത്തുന്ന ഈ സ്മാർട്ഫോൺ വാങ്ങുമ്പോൾ ഏതാനും ഓഫറുകളും നിങ്ങൾക്ക് ലഭിക്കുന്നതാണ്.

റിയൽമി സി 11: ഓഫറുകൾ

ഫ്ലിപ്പ്കാർട്ട് ആക്സിസ് ബാങ്ക് ക്രെഡിറ്റ് കാർഡ് വഴി നിങ്ങൾ ഫോൺ വാങ്ങുകയാണെങ്കിൽ അഞ്ച് ശതമാനം അൺലിമിറ്റഡ് ക്യാഷ്ബാക്ക്, പ്രതിമാസം 834 രൂപ മുതൽ ആരംഭിക്കുന്ന ഇഎംഐ ഓപ്ഷനുകൾ എന്നി ആനുകൂല്യങ്ങൾ ലഭിക്കുന്നതാണ്. റിയൽമി.കോമിലെ സെയിൽ ഓഫറുകളിൽ ഈ സ്മാർട്ട്ഫോൺ വാങ്ങുമ്പോൾ 500 രൂപ വരെ മോബിക്വിക് ക്യാഷ്ബാക്ക് ലഭിക്കുന്നു.

റിയൽമി സി 11: സവിശേഷതകൾ

ഒറ്റ സ്റ്റോറേജ് കോൺഫിഗറേഷനിൽ മാത്രമായി ലഭ്യമാകുന്ന ഈ ഡിവൈസിൽ മൈക്രോ എസ്ഡി കാർഡിനായി പ്രത്യേകം സ്ലോട്ട് നൽകിയിട്ടുണ്ട്. ഇത് വഴി 256 ജിബി വരെ വികസിപ്പിക്കാൻ സാധിക്കും.1600 x 720 പിക്‌സൽ എച്ച്ഡി + റെസല്യൂഷൻ, 88.7 ശതമാനം സ്‌ക്രീൻ-ടു-ബോഡി റേഷിയോ എന്നീ പ്രത്യകതകൾ വരുന്ന ഈ ഹാൻഡ്‌സെറ്റിൽ 6.5 ഇഞ്ച് ഐപിഎസ് എൽസിഡി ഡിസ്‌പ്ലേയാണ് കൊടുത്തിരിക്കുന്നത്. മീഡിയടെക് ഹീലിയോ ജി 35 SoC ചിപ്സെറ്റാണ് റിയൽമി സി 11ൻറെ സുഗമമായ പ്രവർത്തനക്ഷമത ഉറപ്പാക്കുന്നത്.

12nm പ്രോസസ്സും 2.3GHz ക്ലോക്ക് സ്പീഡും ഈ ചിപ്സെറ്റിനുണ്ട്. 2 ജിബി എൽപിപിഡിആർ 4 റാം, 32 ജിബി സ്റ്റോറേജ്, 256 ജിബി വരെ എക്സ്പാൻഡബിൾ മെമ്മറി തുടങ്ങിയ സവിശേഷതകൾ ഈ ബജറ്റ് സ്മാർട്ഫോണിനെ മറ്റുള്ളവയിൽ നിന്നും ഏറെ വ്യത്യസ്തമാക്കുന്നു. ബജറ്റ് സെഗ്മെന്റിൽ വരുന്ന ഒരു ഹാൻഡ്‌സെറ്റിന് ഇത്തരത്തിലുള്ള സവിശേഷതകൾ ലഭിക്കുന്നത് അത്ഭുതപ്പെടുത്തുന്നു.

റിയൽമി സി 11: ക്യാമറ

ഡ്യൂവൽ ക്യാമറ സെറ്റപ്പാണ് റിയൽമി സി 11 സ്മാർട്ഫോണിൽ വരുന്നത്. എഫ് / 2.2 അപ്പേർച്ചറും ക്രോമ ബൂസ്റ്റ് സപ്പോർട്ടുമുള്ള 13 മെഗാപിക്സൽ ഷൂട്ടറാണ് പ്രൈമറി ക്യാമറയിലുണ്ട്. പോർട്രെയ്റ്റിനായി 2 മെഗാപിക്സൽ ക്യാമറയും ഈ സ്മാർട്ഫോണിൽ നൽകിയിരിക്കുന്നു. മുൻവശത്തായി, എഫ് / 2.4 അപ്പർച്ചർ, എഐ ബ്യൂട്ടി മോഡ് തുടങ്ങിയവ വരുന്ന 5 മെഗാപിക്സൽ ഷൂട്ടറും ഉണ്ട്.

ബ്ലൂടൂത്ത് 5.0 വരുന്ന റിയൽമി സി 11 ആൻഡ്രോയിഡ് 10 ഓപ്പറേറ്റിംഗ് സിസ്റ്റം റിയൽമി യുഐ പ്ലാറ്റ്‌ഫോമിലാണ് പ്രവർത്തിക്കുന്നത്. 40 ദിവസത്തെ സ്റ്റാൻഡ്‌ബൈ ലഭിക്കുന്ന 5,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിന് കമ്പനി നൽകിയിരിക്കുന്നത്. റിയൽമി സ്മാർട്ട്‌ഫോണുകളിൽ ഏറ്റവും കൂടുതൽ ബാറ്ററി ബാക്ക് അപ്പ് നൽകുന്ന ഒരു ബാറ്ററി എന്ന സവിശേഷതയും ഇതിനുണ്ട്. 4 ജി, വോൾട്ട്, വൈ-ഫൈ 802.11 ബി / ജി / എൻ, ബ്ലൂടൂത്ത് വി 5.0, ജിപിഎസ്, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നി കണക്റ്റിവിറ്റി ഓപ്ഷനുകൾ ഈ ഹാൻഡ്‌സെറ്റിൽ വരുന്നു. റിയൽമി സി 11ൽ ഫിംഗർ‌പ്രിൻറ് സെൻ‌സർ വരുന്നില്ല.