ബജറ്റ് വിലയിൽ പുതിയ 5G ഫോൺ; 7000mAh ബാറ്ററി, 144Hz ഡിസ്പ്ലേ; റിയൽമി C83 5G ഇന്ത്യയിൽ ലോഞ്ച് ചെയ്തു

15000 രൂപയിൽ താഴെ വിലയിൽ ഒരു പുതിയ 5ജി ഫോൺ തേടുന്നവർക്ക് പരിഗണിക്കാൻ കഴിയും വിധം റിയൽമി തങ്ങളുടെ C സീരീസിലെ പുതിയ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തു. കഴിഞ്ഞ വർഷത്തെ സി73 5ജിയുടെ പിൻഗാമിയായി റിയൽമി സി83 5ജി (realme C83 5G) എന്ന പുതിയ മോഡലാണ് ഇന്ത്യയിൽ അ‌വതരിപ്പിക്കപ്പെട്ടിരിക്കുന്നത്. മീഡിയടെക് ഡൈമെൻസിറ്റി 6300 ചിപ്സെറ്റ് ആണ് ഈ 5ജി ഫോണിന് കരുത്ത് പകരുന്നത്. 6GB വരെ റാമിന് പുറമേ 12GB വരെ ഡൈനാമിക് റാം ഫീച്ചറും ഇതിലുണ്ട്.

ഡ്യുവൽ റിയർ ക്യാമറ സജ്ജീകരണം, ദീർ​ഘനേര ഉപയോഗം സാധ്യമാക്കുന്ന 7000mAh ബാറ്ററി ശേഷി എന്നിവയ്ക്ക് പുറമേ മികച്ച ഈടും ഈ ബജറ്റ് 5ജി ഫോൺ വാഗ്ദാനം ചെയ്യുന്നുണ്ട്. പൊടി, വെള്ളം എന്നിവയെ പ്രതിരോധിക്കാൻ IP64 റേറ്റിങ്ങും വീഴ്ചകളിൽ നിന്നും മറ്റുമുള്ള സംരക്ഷണത്തിനായി ആർമർഷെൽ പ്രൊട്ടക്ഷനും ഇതിലുണ്ട്. കൂടാതെ MIL-STD 810H മിലിട്ടറി-ഗ്രേഡ് ഷോക്ക് റെസിസ്റ്റൻസ് സർട്ടിഫിക്കേഷനും ഉണ്ട്.

പ്രധാന ഫീച്ചറുകൾ

6.8-ഇഞ്ച് (1570×720) പിക്സൽ HD+ IPS LCD സ്ക്രീൻ, 144Hz റിഫ്രഷ് റേറ്റ്, 180Hz വരെ ടച്ച് സാമ്പിൾ റേറ്റ്, 900nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്. ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) ആണ് ഈ ഫോണിന്റെ കരുത്ത്.

ആം മാലി-G57 MC2 GPU, 4GB / 6GB LPDDR4X റാം, 64GB / 128GB (eMMC 5.1) സ്റ്റോറേജ്, മൈക്രോ എസ്ഡി ഉപയോഗിച്ച് 2TB വരെ സ്റ്റോറേജ് വികസിപ്പിക്കാനുള്ള സൗകര്യം എന്നിവയും സി83 5ജിയിലുണ്ട്. ആൻഡ്രോയിഡ് 16 അടിസ്ഥാനമാക്കിയുള്ള റിയൽമി UI 7.0 ആണ് പ്രവർത്തനം.

13MP മെയിൻ ക്യാമറ (f/2.2 അപ്പേർച്ചർ, LED ഫ്ലാഷ്) അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി f/2.2 അപ്പേർച്ചറുള്ള 5MP ഫ്രണ്ട് ക്യാമറയും റിയൽമി സി83 5ജിയിലുണ്ട്. ഔട്ട്‌ഡോർ ചുറ്റുപാടുകളിൽ സ്മാർട്ട്‌ഫോൺ എക്സ്പീരിയൻസ് ഒപ്റ്റിമൈസ് ചെയ്യുന്നതിനായി രൂപകൽപ്പന ചെയ്‌തിരിക്കുന്ന ഒരു ഇന്റലിജന്റ് AI ഔട്ട്‌ഡോർ മോഡ് ഇതിൽ ഉണ്ട്.

സൈഡ് മൗണ്ടഡ് ഫിംഗർപ്രിന്റ് സെൻസർ, 3.5mm ഓഡിയോ ജാക്ക്, ബോട്ടം-പോർട്ടഡ് സ്പീക്കർ, 300% അൾട്രാ വോളിയം, IP64 റേറ്റിങ്സ്, മിലിട്ടറി ഗ്രേഡ് ഡ്യൂറബിലിറ്റി (MIL-STD 810H സർട്ടിഫിക്കേഷൻ), ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി) എന്നിവയും ഇതിലുണ്ട്.

5G SA / NSA (n1/n3/n5/n8/n28B/n40/n41/n77/n78 ബാൻഡുകൾ), ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS, GLONASS, ഗലീലിയോ, QZSS, USB ടൈപ്പ്-C, 15W ഫാസ്റ്റ് ചാർജിംഗുള്ള 7000mAh ബാറ്ററി, റിവേഴ്‌സ്-വയർഡ് ചാർജിംഗ്, ബൈപാസ് ചാർജിംഗ് പിന്തുണകൾ എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

റിയൽമി സി83 5ജിയുടെ 4GB + 64GB വേരിയന്റിന് 13499 രൂപയും 4GB + 128GB വേരിയന്റിന് 14,499 രൂപയും 6GB + 128GB വേരിയന്റിന് 17499 രൂപയുമാണ് വില. 6 മാസ നോ കോസ്റ്റ് ഇഎംഐ സൗകര്യം ഇതിന് ലഭ്യമാണ്. ഇതിന്റെ ആദ്യ വിൽപ്പന മാർച്ച് 7ന് നടക്കും. ഫ്ലിപ്പ്കാർട്ട്, റിയൽമി സ്റ്റോർ, മെയിൻ​ലൈൻ സ്റ്റോറുകൾ എന്നിവ വഴി ഇത് വാങ്ങാനാകും.