റിയൽമി ജിടി 2 പ്രോ സ്മാർട്ട്ഫോൺ ഉടൻ ഇന്ത്യയിൽ എത്തും

ട്വിറ്റർ പോസ്റ്റ് റിയൽമി ഇന്ത്യയു‌ടെ സോഷ്യൽ മീഡിയ ടീമിന് അബദ്ധം പറ്റിയതാകാനാണ് ഒരു സാധ്യത. ലോഞ്ച് ഡേറ്റ് അടക്കം പ്രഖ്യാപിച്ച പോസ്റ്റ് ഡീലിറ്റ് ചെയ്തത്, തീയതിയിൽ മാറ്റം ഉള്ളത് കൊണ്ട് ആകാനും വിദൂ​ര സാധ്യതയുണ്ട്. റിയൽമി ജിടി 2 പ്രോ സ്മാർട്ട്ഫോണിന്റെ ഇന്ത്യയിലെ ലോഞ്ച്, വില, പ്രതീക്ഷിക്കാവുന്ന ഫീച്ചറുകൾ എന്നിവ മുതലായ വിഷയങ്ങളിൽ കൂടുതൽ കാര്യങ്ങൾ അറിയാൻ തുടർന്ന് വായിക്കുക.

30,000 രൂപയിൽ താഴെ വിലയിൽ വാങ്ങാവുന്ന 256 ജിബി സ്റ്റോറേജ് സ്മാർട്ട്ഫോണുകൾ

 

റിയൽമി ജിടി 2 പ്രോ സ്മാർട്ട്ഫോൺ നേരത്തെ തന്നെ ചൈനയിലും യൂറോപ്പിലും ലോഞ്ച് ചെയ്തിരുന്നു. ജനുവരിയിൽ ആണ് റിയൽമി ജിടി 2 പ്രോ സ്മാർട്ട്ഫോൺ ചൈനയിൽ ലോഞ്ച് ആയത്. ഫെബ്രുവരിയിൽ നടന്ന മൊബൈൽ വേൾഡ് കോൺഗ്രസിൽ (എംഡബ്ല്യുസി) യൂറോപ്യൻ വിപണിയിലും റിയൽമി ജിടി 2 പ്രോ സ്മാർട്ട്ഫോൺ ലോഞ്ച് ചെയ്തു. പിന്നാലെയാണ് റിയൽമി ജിടി 2 പ്രോ സ്മാർട്ട്ഫോൺ ഇന്ത്യൻ വിപണിയിലേക്ക് എത്തുന്നത്. റിയൽമി ജിടി 2 പ്രോ സ്മാർട്ട്ഫോണിന് ഇന്ത്യയിൽ പ്രതീക്ഷിക്കുന്ന വില അറിയാൻ തുടർന്ന് വായിക്കുക.

ഓപ്പോ കെ10 സ്മാർട്ട്ഫോൺ ഇന്ത്യൻ വിപണിയിലെത്തി, വില 14,990 രൂപ മുതൽ

റിയൽമി ജിടി 2 പ്രോ വില

റിയൽമി ജിടി 2 പ്രോ സ്മാർട്ട്ഫോൺ ചൈനയിലും യൂറോപ്പിലും നേരത്തെ ലോഞ്ച് ചെയ്ത ഡിവൈസാണ്. അതിനാൽ റിയൽമി ജിടി 2 പ്രോ സ്മാർട്ട്ഫോണിന്റെ ഇന്ത്യയിലെ ഏകദശ പ്രൈസ് റേഞ്ചും നമ്മുക്ക് മനസിലാക്കാൻ കഴിയും. ചൈനയിൽ, റിയൽമി ജിടി 2 പ്രോ സ്മാർട്ട്ഫോൺ 3,899 സിഎൻവൈ ( ഏകദേശം 46,600 രൂപ ) ആണ് വില വരുന്നത്.

സ്നാപ്ഡ്രാഗൺ 865 ചിപ്പ്സെറ്റുകളുമായി ഇന്ത്യയിലെത്തുന്ന മികച്ച സ്മാർട്ട്ഫോണുകൾ

റിയൽമി ജിടി 2 പ്രോ സ്മാർട്ട്ഫോണിന് യൂറോപ്യൻ വിപണികളിൽ 449 ഇയുആറും ( ഏകദേശം 55,000 രൂപ ) ആണ് നിരക്ക് വരുന്നത്. റിയൽമി ജിടി 2 പ്രോ സ്മാർട്ട്ഫോണിന് ഇന്ത്യൻ വിപണിയിൽ എന്ത് വില വരുമെന്ന് ഇപ്പോൾ ഉറപ്പിച്ച് പറയാൻ ആകില്ല. അതേ സമയം റിയൽമി ഫോണുകളുടെ മുൻകാല രീതികൾ പരിഗണിച്ചാൽ ഇന്ത്യയിൽ പുറത്തിറങ്ങുന്ന റിയൽമി ജിടി 2 പ്രോ സ്മാർട്ട്ഫോൺ ചൈനീസ് വേരിയന്റിന് സമാനമായ വിലയിൽ ആയിരിക്കും എത്തുക.

റിയൽമി ജിടി 2 പ്രോ ഫീച്ചറുകൾ

ഫ്ലാഗ്ഷിപ്പ് ഫീച്ചറുകളുമായെത്തുന്ന ഒരു പ്രീമിയം ഫോണാണ് റിയൽമി ജിടി 2 പ്രോ. 3216 x 1440 പിക്സൽസ് റെസല്യൂഷൻ ഉള്ള 6.7 ഇഞ്ച് സാംസങ് ഒഎൽഇഡി എൽടിപിഒ ഡിസ്പ്ലെയാണ് റിയൽമി ജിടി 2 പ്രോ സ്മാർട്ട്ഫോണിൽ ഉള്ളത്. റിയൽമി ജിടി 2 പ്രോ സ്മാർട്ട്ഫോണിന്റെ ഡിസ്പ്ലേ "അഡാപ്റ്റീവ് റിഫ്രഷ് റേറ്റ്" സപ്പോർട്ടും നൽകുന്നു. സ്ക്രീനിലെ കണ്ടന്റിന് നുസരിച്ച് റിഫ്രഷ് റേറ്റ് ക്രമീകരിക്കാൻ സ്ക്രീനിനെ അനുവദിക്കുന്ന ഒരു ഫീച്ചർ ആണിത്. റിയൽമി ജിടി 2 പ്രോ സ്മാർട്ട്ഫോൺ ഡിസ്പ്ലെയ്ക്ക് കോർണിങ് ഗൊറില്ല ഗ്ലാസ് വിക്‌റ്റസ് പ്രൊട്ടക്ഷനും ലഭ്യമാണ്.

സാംസങ് ഗാലക്സി എ53 5ജി vs വൺപ്ലസ് 9ആർടി vs റിയൽമി ജിടി നിയോ 2: മിഡ് റേഞ്ചിലെ രാജാക്കന്മാർ

റിയൽമി ജിടി 2 പ്രോ സ്മാർട്ട്ഫോൺ ഒക്ടാ കോർ സ്‌നാപ്ഡ്രാഗൺ 8 ജെൻ 1 പ്രൊസസറും 12 ജിബി വരെ റാമും 512 ജിബി സ്റ്റോറേജും പായ്ക്ക് ചെയ്യുന്നു. ജിടി 2 പ്രോയ്ക്കുള്ളിലെ കൂളിങ് ഏരിയ 4129 ചതുരശ്ര മില്ലീ മീറ്റർ "സ്റ്റെയിൻലെസ് സ്റ്റീൽ വിസി" ഏരിയയുള്ള പുതിയ 9-ലെയർ കൂളിംഗ് ഘടനയോടെയാണ് നിർമ്മിച്ചിരിക്കുന്നതെന്ന് റിയൽമി പറയുന്നു. ആൻഡ്രോയിഡ് 12 ബേസ്ഡ് റിയൽമി യുഐ 3.0 ആണ് റിയൽമി ജിടി 2 പ്രോ സ്മാർട്ട്ഫോണിൽ ഉള്ളത്.

റിയൽമി ജിടി 2 പ്രോ സ്മാർട്ട്ഫോണിൽ ട്രിപ്പിൾ റിയർ ക്യാമറ സംവിധാനം ആണ് ഉള്ളത്. ഫോട്ടോഗ്രാഫി പ്രേമികളെ ആകർഷിക്കുന്ന 50 മെഗാപിക്സൽ സോണി IMX766 ഫ്ലാഗ്ഷിപ്പ് സെൻസർ ജിടി 2 പ്രോയിൽ ഉണ്ട്. ഈ സെൻസർ ഒഐഎസ് സപ്പോർട്ടും ആയിട്ടാണ് വരുന്നത്. 150 ഡിഗ്രി വ്യൂ ഫീൽഡ് ഉള്ള രണ്ടാമത്തെ 50 മെഗാപിക്സൽ അൾട്രാ വൈഡ് ആംഗിൾ ക്യാമറയും 40 X മാഗ്നിഫിക്കേഷനുള്ള 3 മെഗാപിക്സൽ മൈക്രോസ്കോപ്പ് ക്യാമറയും റിയൽമി ജിടി 2 പ്രോ സ്മാർട്ട്ഫോണിൽ ഉണ്ട്.

റെഡ്മി 10 vs സാംസങ് ഗാലക്സി എം21 2021 എഡിഷൻ vs റിയൽമി നാർസോ 50എ; ബജറ്റ് വിപണിയിലെ ത്രിമൂർത്തികൾ

സെൽഫികൾക്കായി, റിയൽമി ജിടി 2 പ്രോ സ്മാർട്ട്ഫോണിന്റെ ഡിസ്പ്ലെയുടെ പഞ്ച് ഹോളിനുള്ളിൽ 32 മെഗാപിക്സൽ ക്യാമറയും നൽകിയിരിക്കുന്നു. 65W ഫാസ്റ്റ് ചാർജിങ് സപ്പോർട്ട് ഉള്ള 5000 എംഎഎച്ച് ബാറ്ററിയാണ് റിയൽമി ജിടി 2 പ്രോ സ്മാർട്ട്ഫോണിൽ ഉള്ളത്. ഇന്ത്യയിൽ പുറത്തിറങ്ങുന്ന റിയൽമി ജിടി 2 പ്രോ സ്മാർട്ട്ഫോണിൽ ഇതിൽ ഏതൊക്കെ ഫീച്ചറുകൾ ഉണ്ടാവുമെന്നത് കാത്തിരുന്ന് കാണേണ്ടതാണ്.