റിയൽമി ജിടി 2 vs വൺപ്ലസ് നോർഡ് 2: പ്രീമിയം സെഗ്മെന്റിലെ മികച്ച ഫോൺ ഏത്?

റിയൽമി ജിടി 2 vs വൺപ്ലസ് നോർഡ് 2: ഡിസ്പ്ലെയും ഡിസൈനും

റിയൽമി ജിടി 2 സ്മാർട്ട്ഫോൺ ഫുൾ എച്ച്ഡി പ്ലസ് റെസല്യൂഷൻ ഉഉള്ള 6.62 ഇഞ്ച് അമോലെഡ് ഡിസ്‌പ്ലെ ഫീച്ചർ ചെയ്യുന്നു. 120 ഹെർട്സിന്റെ ഉയർന്ന റിഫ്രഷ് റേറ്റും റിയൽമി ജിടി 2 സ്മാർട്ട്ഫോൺ ഡിസ്പ്ലെയുടെ സവിശേഷതയാണ്. 1300 നിറ്റ്സ് ബ്രൈറ്റ്നസ് സപ്പോർട്ടും റിയൽമി ജിടി 2 സ്മാർട്ട്ഫോണിൽ ലഭ്യമാണ്.

അതേ സമയം വൺപ്ലസ് നോർഡ് 2 സ്മാർട്ട്ഫോൺ 6.43 ഇഞ്ച് അമോലെഡ് ഡിസ്പ്ലെ ഫീച്ചർ ചെയ്യുന്നു. ഫുൾ എച്ച്ഡി പ്ലസ് റെസല്യൂഷനും 90 ഹെർട്സ് റിഫ്രഷ് റേറ്റും വൺപ്ലസ് നോർഡ് 2 സ്മാർട്ട്ഫോണിന്റെ ഡിസ്പ്ലെയുടെ സവിശേഷതയാണ്. റിഫ്രഷ് റേറ്റിന്റെ കാര്യത്തിൽ യൽമി ജിടി സ്മാർട്ട്ഫോണിന് വൺപ്ലസ് നോർഡ് 2 സ്മാർട്ട്ഫോണിനേക്കാൾ മുൻതൂക്കം ഉണ്ട്.

പെർഫോമൻസ്

ഏറ്റവും പുതിയ ക്വാൽകോം സ്നാപ്പ്ഡ്രാഗൺ 888 പ്രൊസസറാണ് റിയൽമി ജിടി 2 സ്മാർട്ട്ഫോൺ പായ്ക്ക് ചെയ്യുന്നത്. കൂടാതെ 12 ജിബി വരെയുള്ള റാം ഓപ്ഷനുകളും 256 ജിബി വരെയുള്ള ഇന്റേണൽ സ്റ്റോറേജ് ഓപ്ഷനും റിയൽമി ജിടി 2 സ്മാർട്ട്ഫോൺ വാഗ്ദാനം ചെയ്യുന്നു. ആൻഡ്രോയിഡ് 12 ബേസ് ചെയ്ത് എത്തുന്ന റിയൽമി യുഐ ഉപയോഗിച്ചാണ് സ്മാർട്ട്ഫോൺ പ്രവർത്തിക്കുന്നത്.

വൺപ്ലസ് നോർഡ് 2 സ്മാർട്ട്ഫോൺ മീഡിയടെക്ക് ഡൈമൻസിറ്റി 1200 എഐ എസ്ഒസി പായ്ക്ക് ചെയ്യുന്നു. 12 ജിബി വരെയുള്ള റാമും 256 ജിബി ഇന്റേണൽ സ്‌റ്റോറേജും വൺപ്ലസ് നോർഡ് 2 സ്മാർട്ട്ഫോണിൽ ലഭ്യമാണ്. കൂടാതെ Android 11 ബേസ് ചെയ്ത് എത്തുന്ന ഓക്സിജൻ ഒസ് 11.3ൽ ആണ് വൺപ്ലസ് നോർഡ് 2 സ്മാർട്ട്ഫോൺ പ്രവർത്തിക്കുന്നത്.

ക്യാമറ സവിശേഷതകൾ

ട്രിപ്പിൾ ക്യാമറ സജ്ജീകരണം ആണ് റിയൽമി ജിടി 2 സ്മാർട്ട്ഫോൺ ഫീച്ചർ ചെയ്യുന്നത്. 50 മെഗാ പിക്സൽ സോണി ഐഎംഎക്സ്766 സെൻസറാണ് പ്രൈമറി ക്യാമറയായി വരുന്നത്. ഒഐഎസ് സപ്പോർട്ടും ഈ സെൻസറിന് ലഭിക്കും. 8 മെഗാ പിക്സൽ അൾട്രാ വൈഡ് സെൻസറും 2 മെഗാ പിക്സൽ മാക്രോ ഷൂട്ടറുമാണ് ഈ ട്രിപ്പിൾ റിയർ ക്യാമറ സജ്ജീകരണത്തിലെ മറ്റ് സെൻസറുകൾ. മുൻ വശത്ത് 16 മെഗാ പിക്സൽ സെൽഫി ക്യാമറയും റിയൽമി ജിടി 2 സ്മാർട്ട്ഫോൺ ഫീച്ചർ ചെയ്യുന്നു.

വൺപ്ലസ് നോർഡ് 2 സ്മാർട്ട്ഫോണും ട്രിപ്പിൾ ക്യാമറ സജ്ജീകരണത്തോടെയാണ് വരുന്നത്. 50 മെഗാ പിക്സൽ പ്രൈമറി ലെൻസ് ആണ് ഇതിൽ ഉള്ളത്. 8 മെഗാ പിക്സൽ അൾട്രാ വൈഡ് ആംഗിൾ സെൻസറും 2 മെഗാ പിക്സൽ മോണോക്രോം സെൻസറും ഈ ട്രിപ്പിൾ ക്യാമറ സംവിധാനത്തിൽ ലഭ്യമാണ്. വൺപ്ലസ് നോർഡ് 2 സ്മാർട്ട്ഫോണിന്റെ ഫ്രണ്ട് സൈഡിൽ 32 മെഗാ പിക്സൽ സെൽഫി ക്യാമറയും ലഭ്യമാണ്

ബാറ്ററി

റിയൽമി ജിടി 2 സ്മാർട്ട്ഫോൺ 5,000 എംഎഎച്ച് ബാറ്ററി ഫീച്ചർ ചെയ്യുന്നു. 66 വാട്ട് ഫാസ്റ്റ് ചാർജിങ് സപ്പോർട്ടും റിയൽമി ജിടി 2 സ്മാർട്ട്ഫോണിൽ ലഭ്യമാണ്. കേവലം 33 മിനിറ്റിനുള്ളിൽ ഉപകരണം പൂർണമായും ചാർജ് ചെയ്യാൻ കഴിയുമെന്ന് കമ്പനി അവകാശപ്പെടുന്നു. 4,500 എംഎഎച്ച് ബാറ്ററിയാണ് വൺപ്ലസ് നോർഡ് 2 സ്മാർട്ട്ഫോൺ ഫീച്ചർ ചെയ്യുന്നത്. 65 വാട്ട് ഫാസ്റ്റ് ചാർജിങ് സപ്പോർട്ടും വൺപ്ലസ് നോർഡ് 2 സ്മാർട്ട്ഫോണിൽ ലഭ്യമാണ്. വെറും 30 മിനിറ്റിനുള്ളിൽ ഡിവൈസ് പൂർണമായും ചാർജ് ചെയ്യാൻ കഴിയുമെന്നാണ് കമ്പനി അവകാശപ്പെടുന്നത്.

വിലയും വേരിയന്റുകളും

റിയൽമി ജിടി 2 സ്മാർട്ട്ഫോൺ രണ്ട് സ്റ്റോറേജ് ഓപ്ഷനുകളിലാണ് ഇന്ത്യയിൽ വിൽപ്പനയ്ക്കെത്തിയിരിക്കുന്നത്. 8 ജിബി റാം കോൺഫിഗറേഷനാണ് ബേസ് മോഡൽ ആയി വരുന്നത്. റിയൽമി ജിടി 2 സ്മാർട്ട്ഫോണിന്റെ ഹൈ എൻഡ് വേരിയന്റ് 12 ജിബി റാം കോൺഫിഗറേഷനും നൽകുന്നു.

• 8 ജിബി റാം + 128 ജിബി സ്റ്റോറേജ് = 34,999 രൂപ വില വരുന്നു
• 12 ജിബി റാം + 256 ജിബി സ്റ്റോറേജ് = 38,999 രൂപ വില വരുന്നു



വൺപ്ലസ് നോർഡ് 2 സ്മാർട്ട്ഫോൺ മൂന്ന് വേരിയന്റുകളിലാണ് ഇന്ത്യൻ വിപണിയിൽ വിൽപ്പനയ്ക്ക് എത്തിയിരിക്കുന്നത്. 6 ജിബി റാം കോൺഫി​ഗറേഷനിലാണ് നോ‍ർഡ് 2 സ്മാ‍ർട്ട്ഫോണിന്റെ ബേസ് മോഡൽ വരുന്നത്. വൺപ്ലസ് നോർഡ് 2 സ്മാർട്ട്ഫോണിന്റെ ഹൈ എൻഡ് മോഡൽ 12 ജിബി റാം കോൺഫി​ഗറേഷനും പായ്ക്ക് ചെയ്യുന്നു.

• 6 ജിബി റാം + 128 ജിബി സ്റ്റോറേജ് = 27,999 രൂപ വില വരുന്നു
• 8 ജിബി റാം + 128 ജിബി സ്റ്റോറേജ് = 29,999 രൂപ വില വരുന്നു
• 12 ജിബി റാം + 256 ജിബി സ്റ്റോറേജ് = 34,999 രൂപ വില വരുന്നു