റിയൽ‌മി ജിടി 5 ജി സ്മാർട്ഫോണിൻറെ ആദ്യത്തെ വിൽപ്പന ഓഗസ്റ്റ് 25 ന് നടക്കും

റിയൽ‌മി ജിടി 5 ജി സ്മാർട്ഫോണിൻറെ ആദ്യത്തെ വിൽപ്പന: വിലയും ഓഫറുകളും

റിയൽമി ജിടി 5 ജി സ്മാർട്ഫോൺ ആഗസ്റ്റ് 25 ന് ഉച്ചയ്ക്ക് കൃത്യം 12:00 മണിക്ക് ഫ്ലിപ്പ്കാർട്ട് വഴി ആദ്യമായി വിൽപ്പനയ്‌ക്കെത്തും. റിയൽ‌മി.കോം, പ്രമുഖ ഓഫ്‌ലൈൻ സ്റ്റോറുകൾ വഴിയും ഈ സ്മാർട്ഫോൺ ലഭിക്കുന്നതാണ്. അടിസ്ഥാന 8 ജിബി റാം + 128 ജിബി സ്റ്റോറേജ് വേരിയന്റിന് 37,999 രൂപയാണ് വില വരുന്നത്. ഇന്ത്യയിലെ ഏറ്റവും താങ്ങാവുന്ന സ്നാപ്ഡ്രാഗൺ 888 പ്രോസസർ കരുത്തേകുന്ന ഒരു മികച്ച സ്മാർട്ഫോണാണ് റിയൽ‌മി ജിടി 5 ജി.12 ജിബി റാം + 256 ജിബി റോം ഓപ്ഷന് 41,999 രൂപയാണ് വില വരുന്നത്. ഗ്ലാസ് ബിൽഡിനൊപ്പം ഡാഷിംഗ് സിൽവർ, ഡാഷിംഗ് ബ്ലൂ, വെജിഗൻ ലെതർ ഫിനിഷുള്ള റേസിംഗ് യെല്ലോ കളർ തുടങ്ങിയ നിറങ്ങളിൽ ഈ സ്മാർട്ട്ഫോൺ നിങ്ങൾക്ക് വാങ്ങാവുന്നതാണ്.

നിങ്ങൾ ഈ ബ്രാൻഡിൻറെ ഔദ്യോഗിക വെബ്സൈറ്റിൽ നിന്ന് ഈ സ്മാർട്ട്ഫോൺ വാങ്ങുകയാണെങ്കിൽ ഐസിഐസിഐ ക്രെഡിറ്റ് കാർഡും ഇഎംഐ ഇടപാടിലും 3,000 രൂപ തൽക്ഷണ കിഴിവ് ലഭിക്കുന്നതാണ്. ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡിൽ 5 ശതമാനം അൺലിമിറ്റഡ് ക്യാഷ് ബാക്ക് ലഭ്യമാക്കുന്നു. ബാങ്ക് ഓഫ് ബറോഡ മാസ്റ്റർകാർഡ് ഡെബിറ്റ് കാർഡ് ഉപയോഗിച്ചുള്ള ആദ്യ തവണ വാങ്ങലിൽ 10% കിഴിവ് ലഭിക്കുന്നു.

ഈ മാസം ഇന്ത്യയിൽ നിന്നും നിങ്ങൾക്ക് വാങ്ങാവുന്ന ഏതാനും മികച്ച സ്മാർട്ഫോണുകൾ

റിയൽ‌മി ജിടി 5 ജി സ്മാർട്ഫോണിൻറെ സവിശേഷതകൾ

റിയൽ‌മി ജിടി 5 ജി സ്മാർട്ഫോണിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 888 ചിപ്‌സെറ്റാണ്. ഈ സ്മാർട്ഫോണിൽ 5ജി സപ്പോർട്ടും നൽകിയിട്ടുണ്ട്. റിയൽ‌മി ജിടി 5ജിയിൽ 6.43 ഇഞ്ച് ഫുൾ എച്ച്ഡി + സൂപ്പർ അമോലെഡ് ഡിസ്‌പ്ലേയാണ് ഉള്ളത്. ഈ ഡിസ്‌പ്ലേയ്ക്ക് 120 ഹെർട്സ് വരെ റിഫ്രഷ് റേറ്റും 360 ഹെർട്സ് ടച്ച് സാമ്പിൾ റേറ്റും നൽകിയിട്ടുണ്ട്. ഡിസ്‌പ്ലേയിൽ തന്നെ ഫിങ്കർപ്രിന്റ് സെൻസറും നൽകിയിട്ടുണ്ട്. 12 ജിബി വരെ എൽപിഡിഡിആർ 5 റാമും 256 ജിബി യുഎഫ്എസ് 3.1 സ്റ്റോറേജുമുള്ള ഈ സ്മാർട്ഫോണിൽ സ്റ്റോറേജ് എക്സ്പാൻഡ് ചെയ്യാനായി മൈക്രോ എസ്ഡി കാർഡ് സപ്പോർട്ടും നൽകിയിട്ടുണ്ട്. യുഎസ്ബി-സി പോർട്ടിലൂടെ 65W ഫാസ്റ്റ് ചാർജിങ് സപ്പോർട്ട് ചെയ്യുന്ന ഇതിൽ 4500 എംഎഎച്ച് ബാറ്ററിയാണ് നൽകിയിട്ടുള്ളത്. വയർലെസ് ചാർജിങ് ഈ സ്മാർട്ട്ഫോണിൽ നൽകിയിട്ടില്ല.

64 മെഗാപിക്സൽ സോണി സെൻസർ, 8 മെഗാപിക്സൽ, പിന്നിൽ 2 മെഗാപിക്സൽ സെൻസർ എന്നിവയാണ് റിയൽമി ജിടി 5ജിയുടെ ക്യാമറ സംവിധാനത്തിൽ നൽകിയിട്ടുള്ളത്. സെൽഫികൾക്കായി ഡിസ്‌പ്ലേയുടെ മുകളിൽ ഇടത് കോണിലുള്ള പഞ്ച്-ഹോളിനുള്ളിൽ 16 മെഗാപിക്സൽ ക്യാമറയാണ് നൽകിയിട്ടുള്ളത്. ഏറ്റവും മികച്ച പ്രകടനം കാഴ്ച്ചവെക്കുന്നതിനായി പ്രോസസറിൻറെ മുൻ‌ഗണന വീണ്ടും ക്രമീകരിക്കുന്ന ജിടി മോഡും ഈ സ്മാർട്ട്ഫോണിലുണ്ട്. നിങ്ങൾക്ക് മികച്ച വിലയിൽ ലഭിക്കുന്ന ലഭിക്കുന്ന ഒരു മുൻനിര സ്മാർട്ട്ഫോണാണ് റിയൽമി ജിടി. ശക്തമായ ചിപ്‌സെറ്റിന് പുറമേ, ഈ ഫോണിൻറെ 65W സൂപ്പർഡാർട്ട് ചാർജിംഗ് വെറും 35 മിനിറ്റിനുള്ളിൽ 100 ശതമാനം ബാറ്ററി ചാർജും നിറയ്ക്കുമെന്ന് അവകാശപ്പെടുന്നു. കൂടാതെ, ഗെയിമിംഗ് അനുഭവം വർദ്ധിപ്പിക്കുന്ന സ്റ്റെയിൻലെസ് സ്റ്റീൽ വേപ്പർ കുക്കിംഗ് സാങ്കേതികവിദ്യയും ഈ ഹാൻഡ്‌സെറ്റിനുണ്ട്.