ദേ വന്നു, ഇന്ത്യയിലെ ആദ്യ സ്നാപ്ഡ്രാഗൺ 8 എ​ലൈറ്റ് സ്മാർട്ട്ഫോൺ! ആവേശമായി റിയൽമി GT 7 പ്രോ

ഇന്ത്യൻ സ്മാർട്ട്ഫോൺ വിപണിയിൽ പുതിയ ചരിത്ര അ‌ധ്യായം കുറിച്ചുകൊണ്ട് റിയൽമി ജിടി 7 പ്രോ രാജ്യത്ത് ലോഞ്ച് ചെയ്തു. നിലവിലെ പ്രീമിയം സ്മാർട്ട്ഫോൺ ചിപ്സെറ്റായ ക്വാൽക്കോം സ്നാപ്ഡ്രാഗൺ 8 ​എ​​ലൈറ്റ് കരുത്തുമായാണ് റിയൽമി ജിടി 7 പ്രോ എത്തിയിരിക്കുന്നത്. ഈ ചിപ്സെറ്റിൽ ഇന്ത്യയിൽ ലോഞ്ച് ചെയ്യപ്പെടുന്ന ആദ്യ സ്മാർട്ട്ഫോൺ എന്ന നേട്ടം റിയൽമി ജിടി 7പ്രോ സ്വന്തമാക്കിയിരിക്കുന്നു. സ്മാർട്ട്ഫോൺ എക്സ്പീരിയൻസിനെ അ‌ടുത്ത ലെവലിലേക്ക് ഉയർത്താൻ കരുത്തൻ ചിപ്സെറ്റിനൊപ്പം നിരവധി എഐ ഫീച്ചറുകളും ഈ റിയൽമി ജിടി സ്മാർട്ട്ഫോണിൽ നൽകിയിട്ടുണ്ട്.

ഏറ്റവും മികച്ച പെർഫോമൻസ് ഉറപ്പാക്കാനായി കരുത്തൻ ചിപ്സെറ്റിനൊപ്പം 16ജിബി റാം, 512ജിബി സ്റ്റോറേജ്, 11480 എംഎം² ഡ്യുവൽ വിസി കൂളിംഗ് ഫീച്ചർ, 5800mAh സിലിക്കൺ-കാർബൺ ആനോഡ് ബാറ്ററി, 120W അ‌ൾട്രാ ചാർജിങ് പിന്തുണ എന്നിവയും റിയൽമി ജിടി 7 പ്രോയിൽ ഒരുക്കിയിരിക്കുന്നു. അ‌തേസമയം ​ചൈനയിൽ ലോഞ്ച് ചെയ്ത മോഡലിനെ അ‌പേക്ഷിച്ച് ഇന്ത്യൻ മോഡലിൽ ബാറ്ററി അ‌ൽപ്പം കുറവാണ്. ​ചൈനയിൽ 6500mAh ആയിരുന്നു ബാറ്ററി ശേഷി.

സ്‌നാപ്ഡ്രാഗൺ 8 എലൈറ്റ് കഴിഞ്ഞാൽ റിയൽമി ജിടി 7 പ്രോയുടെ മറ്റൊരു പ്രധാന ആകർഷണം അ‌ണ്ടർവാട്ടർ ഫോട്ടോഗ്രഫി ശേഷിയാണ്. അ‌ണ്ടർവാട്ടർ മോഡ് സഹിതം എത്തുന്ന ഇന്ത്യയിലെ ആദ്യ സ്മാർട്ട്ഫോൺ ആണ് ഇത് എന്ന് കമ്പനി അ‌വകാശപ്പെടുന്നു. വെള്ളത്തിനടിയിൽ റിയൽമി ജിടി 7 പ്രോ ഫിംഗർപ്രിൻ്റ് അൺലോക്ക് ചെയ്യുന്നതിനും തുടർന്ന് ക്യാമറ ആപ്പ് നേരിട്ട് തുറക്കുന്നതിനും കഴിയും.

ചലിക്കുന്ന നിമിഷങ്ങൾ സെക്കൻ്റ് വേഗതയുടെ 1/1,000-ൽ പകർത്താൻ റിയൽമി ജിടി 7 പ്രോയിൽ ഒരു എഐ ഡിമോഷൻ അൽഗോരിതം ഉണ്ടാകുമെന്ന് കമ്പനി അവകാശപ്പെടുന്നു. ജലം കൊണ്ട് തകരാർ സംഭവിക്കാതിരിക്കാൻ ഓട്ടോമാറ്റിക്കായി ജലം പുറന്തള്ളുന്ന ഫീച്ചർ ഇതിലുണ്ട്. IP68+IP69 റേറ്റിങ് സഹിതമാണ് ജിടി 7 പ്രോ എത്തിയിരിക്കുന്നത്.

ഇന്ത്യയിൽ ലോഞ്ച് ചെയ്ത റിയൽമി ജിടി 7 പ്രോയുടെ ഫീച്ചറുകൾ വിശദമായി പരിചയപ്പെടാം: 6.78 ഇഞ്ച് സാംസങ്
Eco² OLED പ്ലസ് മൈക്രോ-കർവ്ഡ് ഡിസ്പ്ലേയുമായാണ് ഈ ഫോൺ എത്തുന്നത്. 2780×1264 പിക്‌സൽ, 120Hz റിഫ്രഷ് റേറ്റ്, ഹൈ കളർ 6000Hz ഹാർഡ്‌വെയർ-ലെവൽ ഡിസി ഡിമ്മിംഗ്, 6500 nits വരെ പീക്ക് ​ബ്രൈറ്റ്നസ്, 2600Hz ഇൻസ്റ്റന്റ് ടച്ച് സാംപ്ലിംഗ് റേറ്റ്, ഡോൾബി വിഷൻ, HDR 10+, 120% DCI-P3 എംഎംഎച്ച് എന്നിവ ഇതിലുണ്ട്.

4.32GHz ഒക്ടാ കോർ സ്‌നാപ്ഡ്രാഗൺ 8 എലൈറ്റ് 3nm ചിപ്സെറ്റിനൊപ്പം 1100MHz അഡ്രിനോ 830 GPU, 12GB / 16GB LPDDR5X റാം, 256GB / 512GB (UFS 4.0) സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി യുഐ 6.0 ൽ ആണ് ജിടി 7 പ്രോയുടെ പ്രവർത്തനം.

ശക്തമായ ട്രിപ്പിൾ റിയർ ക്യാമറ സജ്ജീകരണവും റിയൽമി ജിടി 7 പ്രോയിൽ ഉണ്ട്. OIS, f/1.8 അപ്പേർച്ചർ 1/1.56 ഇഞ്ച് Sony IMX906 സെൻസർ എന്നിവയുള്ള 50MP മെയിൻ ക്യാമറ, f/2.2 അപ്പേർച്ചറുള്ള 8MP അൾട്രാ-വൈഡ് ക്യാമറ, 50MP 1/1.95″ IMX882 സെൻസർ, 3x പെരിസ്‌കോപ്പ്/ടെലിഫോട്ടോ6 ക്യാമറ. 120x ഹൈബ്രിഡ് സൂം എന്നിവ ഇതിൽ അ‌ടങ്ങുന്നു.

സെൽഫിക്കും മറ്റുമായി f/2.45 അപ്പേർച്ചറും സോണി സെൻസറുമുള്ള 16എംപി ഫ്രണ്ട് ക്യാമറയാണ് ജിടി 7 പ്രോയിൽ ഉള്ളത്. ഇൻ-ഡിസ്‌പ്ലേ അൾട്രാസോണിക് ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, യുഎസ്ബി ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, ​വൈ​ഫൈ 7 802.11 be, ബ്ലൂടൂത്ത് 5.4, GPS: L1+L5, NFC, യുഎസ്ബി ​ടൈപ്പ് സി എന്നിവയും ഇതിലുണ്ട്.

120W ഫാസ്റ്റ് ചാർജിംഗുള്ള 5800mAh ബാറ്ററിയാണ് ഇതിലുള്ളത്. മാർസ് ഓറഞ്ച്, ഗാലക്‌സി ഗ്രേ നിറങ്ങളിൽ ഈ ഫോൺ ലഭ്യമാകും. റിയൽമി ജിടി 7 പ്രോയുടെ 12GB + 256GB മോഡലിന് 59,999 രൂപയും 16GB + 512GB മോഡലിന് 65,999 രൂപയുമാണ് ഇന്ത്യയിലെ വില.

റിയൽമി ജിടി 7 പ്രോയുടെ പ്രീ ബുക്കിങ് ഇതിനകം ആരംഭിച്ചിട്ടുണ്ട്. ആമസോൺ, റിയൽമിയുടെ ഇന്ത്യയിലെ ഔദ്യോഗിക വെബ്​സൈറ്റ് എന്നിവ വഴി നവംബർ 29 മുതൽ ഇത് വിൽപ്പനയ്ക്കെത്തും. ലോഞ്ച് ഓഫറിന്റെ ഭാഗമായി തുടക്കത്തിൽ 3,000 രൂപ ബാങ്ക് ഡിസ്കൗണ്ടും 12 മാസം വരെ കോസ്റ്റ് ഇഎംഐ സൗകര്യവും ലഭ്യമാണ്.