കിടിലൻ ഫോൺ, ഡിസ്കൗണ്ട് വില! റിയൽമി GT 7 പ്രോ ഇപ്പോൾ വാങ്ങിയാൽ വൻ ലാഭമാണ് കേട്ടോ

ക്വാൽക്കോം സ്നാപ്ഡ്രാഗൺ 8 ​എ​​ലൈറ്റ് ചിപ്സെറ്റ് കരുത്തിൽ ഇന്ത്യയിൽ അ‌വതരിപ്പിക്കപ്പെ ആദ്യ സ്മാർട്ട്ഫോൺ എന്ന പ്രത്യേകതയുള്ള റിയൽമി ജിടി 7 പ്രോ (Realme GT 7 Pro) ഇന്ത്യയിൽ വിൽപ്പന ആരംഭിച്ചിരിക്കുന്നു. ​ഒരാഴ്ച മുമ്പ്, കൃത്യമായി പറഞ്ഞാൽ നവംബർ 26ന് ആണ് ഈ ഫോൺ ഇന്ത്യയിൽ അ‌വതരിപ്പിക്കപ്പെട്ടത്. എന്നാൽ വിൽപ്പന ആരംഭിച്ചത് നവംബർ 29 മുതലാണ്. റിയൽമിയുടെ ഇന്ത്യയിലെ ഔദ്യോഗിക വെബ്​സൈറ്റ്, ആമസോൺ, മെയിൻലൈൻ ചാനലുകൾ എന്നിവ വഴി ഉപയോക്താക്കൾക്ക് ഈ കിടിലൻ സ്മാർട്ട്ഫോൺ ഇപ്പോൾ സ്വന്തമാക്കാൻ സാധിക്കും.

വിൽപ്പന ആരംഭിക്കുന്നതിനോട് അ‌നുബന്ധിച്ച് ആകർഷകമായ ലോഞ്ച് ഓഫറുകൾ റിയൽമി ജിടി 7 പ്രോയ്ക്ക് ലഭ്യമാക്കിയിട്ടുണ്ട്. പരിമിതമായ കാലയളവിലേക്ക് മാത്രമാണ് ഈ ഓഫറുകൾ ലഭ്യമാകുക. റിയൽമി ജിടി 7 പ്രോയുടെ 12GB + 256GB മോഡലിന് 59,999 രൂപയും 16GB + 512GB മോഡലിന് 65,999 രൂപയുമാണ് ഇന്ത്യയിലെ വില.

റിയൽമി ജിടി 7 പ്രോ 12GB+ 256GB, 16GB+512GB വേരിയന്റുകൾ ഓൺ​ലൈനിൽ വാങ്ങുമ്പോൾ 3000 രൂപ ബാങ്ക് ഡിസ്കൗണ്ടും 12 മാസത്തെ നോ കോസ്റ്റ് ഇഎംഐയും ഒരു വർഷത്തെ സ്‌ക്രീൻ ഇൻഷുറൻസും ലഭിക്കും. അ‌തിനാൽ ഇവ യഥാക്രമം 56,999 രൂപ, 62,999 രൂപ വിലകളിൽ സ്വന്തമാകാനാകും.

റിയൽമി ജിടി 7 പ്രോ മെയിൻ​ലൈൻ ചാനലുകൾ വഴി വാങ്ങുമ്പോൾ 3000 രൂപ ബാങ്ക് ഡിസ്കൗണ്ട്, 12 മാസത്തെ നോ കോസ്റ്റ് ഇഎംഐ, ഒരു വർഷത്തെ ​സ്ക്രീൻ ഇൻഷുറൻസ് എന്നിവയ്ക്ക് പുറമേ രണ്ട് വർഷത്തെ വാറന്റിയും ലഭ്യമാകും. മാർസ് ഓറഞ്ച്, ഗാലക്‌സി ഗ്രേ നിറങ്ങളിൽ ഈ ഫോൺ വാങ്ങാം.

റിയൽമി ജിടി 7 പ്രോയുടെ പ്രധാന ഫീച്ചറുകൾ: 4.32GHz ഒക്ടാ കോർ സ്‌നാപ്ഡ്രാഗൺ 8 എലൈറ്റ് 3nm ചിപ്സെറ്റ് ആണ് ഈ ഫോണിന്റെ പ്രധാന കരുത്ത്. 6.78 ഇഞ്ച് സാംസങ് Eco² OLED പ്ലസ് മൈക്രോ-കർവ്ഡ് ഡിസ്പ്ലേയുമായാണ് ഈ ഫോൺ എത്തുന്നത്.

റിയൽമി ജിടി 7 പ്രോയുടെ ഡിസ്പ്ലേ 2780×1264 പിക്‌സൽ, 120Hz റിഫ്രഷ് റേറ്റ്, ഹൈ കളർ 6000Hz ഹാർഡ്‌വെയർ-ലെവൽ ഡിസി ഡിമ്മിംഗ്, 6500 nits വരെ പീക്ക് ​ബ്രൈറ്റ്നസ്, 2600Hz ഇൻസ്റ്റന്റ് ടച്ച് സാംപ്ലിംഗ് റേറ്റ്, ഡോൾബി വിഷൻ, HDR 10+, 120% DCI-P3 എംഎംഎച്ച് എന്നീ ഫീച്ചറുകൾ വാഗ്ദാനം ചെയ്യുന്നുണ്ട്.

1100MHz അഡ്രിനോ 830 GPU, 12GB / 16GB LPDDR5X റാം, 256GB / 512GB (UFS 4.0) സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി യുഐ 6.0 ൽ ആണ് ജിടി 7 പ്രോയുടെ പ്രവർത്തനം. സുരക്ഷയ്ക്കായി ഇൻ-ഡിസ്‌പ്ലേ അൾട്രാസോണിക് ഫിംഗർപ്രിൻ്റ് സെൻസർ ഇതിൽ ഉണ്ട്.

ക്യാമറകളുടെ കാര്യമെടുത്താൽ ശക്തമായ ട്രിപ്പിൾ റിയർ ക്യാമറ സജ്ജീകരണമാണ് റിയൽമി ജിടി 7 പ്രോയിൽ ഉള്ളത്. അ‌തിൽ OIS, f/1.8 അപ്പേർച്ചർ 1/1.56 ഇഞ്ച് Sony IMX906 സെൻസർ എന്നിവയുള്ള 50MP മെയിൻ ക്യാമറ, f/2.2 അപ്പേർച്ചറുള്ള 8MP അൾട്രാ-വൈഡ് ക്യാമറ, 50MP 1/1.95″ IMX882 സെൻസർ, 3x പെരിസ്‌കോപ്പ്/ടെലിഫോട്ടോ6 ക്യാമറ. 120x ഹൈബ്രിഡ് സൂം എന്നിവ ഉൾപ്പെടുന്നു.

f/2.45 അപ്പേർച്ചറും സോണി സെൻസറുമുള്ള 16എംപി ഫ്രണ്ട് ക്യാമറയും ജിടി 7 പ്രോയിൽ ഉണ്ട്. ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, ​വൈ​ഫൈ 7 802.11 be, ബ്ലൂടൂത്ത് 5.4, GPS: L1+L5, NFC, യുഎസ്ബി ​ടൈപ്പ് സി, യുഎസ്ബി ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ തുടങ്ങിയ ഫീച്ചറുകളും ഈ ഫോണിലുണ്ട്.

f/2.45 അപ്പേർച്ചറും സോണി സെൻസറുമുള്ള 16എംപി ഫ്രണ്ട് ക്യാമറയും ജിടി 7 പ്രോയിലുണ്ട്. ഡ്യുവൽ സിം (നാനോ+ നാനോ), 5G SA/ NSA, ഡ്യുവൽ 4G VoLTE, ​വൈ​ഫൈ 7 802.11 be, ബ്ലൂടൂത്ത് 5.4, GPS: L1+L5, NFC, യുഎസ്ബി ​ടൈപ്പ് സി, യുഎസ്ബി ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, 120W ഫാസ്റ്റ് ചാർജിംഗുള്ള 5800mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.