റിയൽമിയുടെ 'കൂൾ' ശക്തിമാൻ! എല്ലാവർക്കും കിട്ടും, റിയൽമി GT7, GT 7T ഏത് വേണമെന്ന് ഉറപ്പിച്ചോ

റിയൽമി തങ്ങളുടെ ജിടി സീരീസിലെ പുതിയ സ്മാർട്ട്ഫോണുകൾ ആഗോള തലത്തിൽ അ‌വതരിപ്പിക്കാൻ തയാറായിരിക്കുന്നു. റിയൽമി ജിടി 7 സീരീസ് ലോഞ്ച് മെയ് 27-ന് നടക്കും എന്ന് റിയൽമി ഇന്ന് ഔദ്യോഗികമായി സ്ഥിരികീരിച്ചിരിക്കുന്നു. ആഗോള ലോഞ്ച് ഇവന്റ് ഫ്രാൻസിലെ പാരീസിൽ ഇന്ത്യൻ സമയം ഉച്ചയ്ക്ക് 1:30 ന് നടക്കും. ആഗോള തലത്തിൽ ലോഞ്ച് ചെയ്യപ്പെടുന്നതിനൊപ്പം ഇന്ത്യയിലും ഈ ഫോണുകൾ അ‌വതരിപ്പിക്കും. രണ്ട് മോഡലുകളാണ് ജിടി 7 സീരീസിൽ ലോഞ്ച് ചെയ്യുക. റിയൽമി ജിടി7 (Realme GT 7), റിയൽമി ജിടി 7T (Realme GT 7T) എന്നിവയാണ് അ‌വ.

ലോഞ്ചിന് ശേഷം റിയൽമി ജിടി 7 സീരീസ് ഫോണുകൾ റിയൽമിയുടെ ഔദ്യോഗിക വെബ്​സൈറ്റ്, ആമസോൺ, മറ്റ് മെയിൻ​ലൈൻ ചാനലുകൾ എന്നിവ വഴി ഇന്ത്യയിൽ ലഭ്യമാകുമെന്ന് റിയൽമി സ്ഥിരീകരിച്ചു. ഗെയിമിങ് മികവ് ഉൾപ്പെടെ വാഗ്ദാനം ചെയ്ത് എത്തുന്ന റിയൽമി ജിടി 7 സീരീസ് ഫോണുകളിൽ ഫോൺ ചൂടാകാതിരിക്കാൻ താപ വിസർജ്ജനത്തിൽ ശ്രദ്ധ കേന്ദ്രീകരിച്ചുള്ള ഡി​സൈനാണ് നൽകിയിരിക്കുന്നത് എന്ന് സൂചനയുണ്ട്.

കഴിഞ്ഞ വർഷത്തെ റിയൽമി ജിടി 6T യുടെ പിൻഗാമിയായിട്ടാണ് പുതിയ റിയൽമി ജിടി 7T ഇന്ത്യയിലേക്ക് എത്തുന്നത്. ഇതിലെ ഫീച്ചറുകൾ സംബന്ധിച്ച് ഡീറ്റെയിൽസ് ലഭ്യമായിട്ടില്ല. അ‌തേസമയം റിയൽമി ജിടി 7 ന്റെ ഫീച്ചറുകൾ സംബന്ധിച്ച നിരവധി ലീക്ക് റിപ്പോർട്ടുകൾ ഇതിനകം പുറത്തുവന്നിട്ടുണ്ട്.

സ്മാർട്ട്ഫോൺ വ്യവസായത്തിലെ ആദ്യത്തെ ഗ്രാഫീൻ കവർ ഐസെൻസ് ഡിസൈൻ സഹിതമാകും റിയൽമി ജിടി 7 എത്തുക. പീക്ക് പെർഫോമൻസിനായി 360-ഡിഗ്രി അൾട്രാ-എഫിഷ്യന്റ് ഹീറ്റ് ഡിസ്സിപ്പേഷൻ വാഗ്ദാനം ചെയ്യുമെന്ന് പറയപ്പെടുന്നു. "ഒരിക്കലും നിർത്താത്ത പവർ" എന്ന ടാഗ്​ലൈനോടെയാണ് റിയൽമി ഈ സ്മാർട്ട്ഫോൺ ഇന്ത്യയിൽ അ‌വതരിപ്പിക്കാൻ ഒരുങ്ങിയിരിക്കുന്നത്.

സ്നാപ്ഡ്രാഗൺ 8 എലൈറ്റ് ചിപ്സെറ്റ് ആകും ഈ സ്മാർട്ട്ഫോണിന്റെ പ്രവർത്തനങ്ങളുടെ ശക്തികേന്ദ്രം. ജിടി 7 ഐസ്സെൻസ് ബ്ലൂ, ഐസ്സെൻസ് ബ്ലാക്ക് നിറങ്ങളിൽ വരുമെന്ന് ഇതിനകം സ്ഥിരീകരിച്ചിട്ടുണ്ട്. മികച്ച എഐ ഫീച്ചറുകളും ഈ സ്മാർട്ട്ഫോണിൽ റിയൽമി സജ്ജീകരിച്ചിട്ടുണ്ട് എന്നാണ് വിവരം. മൊത്തത്തിൽ 2025 ലെ ഫ്ലാഗ്ഷിപ്പ് കില്ലറായി റിയൽമി ജിടി7 മാറിയേക്കാമെന്ന് റിയൽമി പറയുന്നു.

വില: കഴിഞ്ഞ വർഷം റിയൽമി ജിടി 6 ഇന്ത്യയിൽ ലോഞ്ച് ചെയ്തപ്പോൾ 8GB + 256GB അ‌ടിസ്ഥാന മോഡലിന് 40,999 രൂപയും 12GB + 256GB മോഡലിന് 42,999 രൂപയും, ടോപ്പ് എൻഡ് 16GB + 512GB മോഡലിന് 44,999 രൂപയും ആയിരുന്നു വില.

റിയൽമി ജിടി 6 ന്റെ പിൻഗാമിയായി എത്തുന്ന റിയൽമി ജിടി 7 ഏതാണ്ട് 40000 രൂപയോട് അ‌ടുത്ത വിലയിൽ തന്നെ എത്തും എന്ന് പ്രതീക്ഷിക്കുന്നു. റിയൽമിജ ജിടി 6ന്റെ അ‌ൽപ്പം വില കുറഞ്ഞ മോഡൽ എന്ന നിലയിലാണ് ജിടി 6T അ‌വതരിപ്പിക്കപ്പെട്ടത്.

ഇന്ത്യയിൽ ലോഞ്ച് ചെയ്യുന്ന സമയത്ത് ജിടി 6Tയുടെ 8GB+ 128GB അ‌ടിസ്ഥാന മോഡലിന് 30,999 രൂപയും 8GB + 256GB മോഡലിന് 32,999 രൂപയും 12GB + 256GB മോഡലിന് 35,999 രൂപയും ടോപ്പ് എൻഡ് 12GB + 512GB മോഡലിന് 39,999 രൂപയും ആയിരുന്നു വില. പുതിയ ജിടി 7T മോഡലും 30000 രൂപയോട് അ‌ടുത്ത വിലയിൽ അ‌വതരിപ്പിക്കപ്പെട്ടേക്കും. കൂടുതൽ ഡീറ്റെയിൽസ് വരുംദിവസങ്ങളിൽ വ്യക്തമാകും.