മീഡിയടെക് ഡൈമെൻസിറ്റി 1200 SoC പ്രോസസറുള്ള റിയൽ‌മി ജിടി നിയോ ഫ്ലാഷ് എഡിഷൻ അവതരിപ്പിച്ചു

റിയൽ‌മി ജിടി നിയോ ഫ്ലാഷ് എഡിഷൻ സ്മാർട്ഫോണിൻറെ വില എത്രയാണ് ?

12 ജിബി + 256 ജിബി റിയൽ‌മി ജിടി നിയോ ഫ്ലാഷ് എഡിഷൻ സ്റ്റോറേജ് വേരിയന്റിന് സി‌എൻ‌വൈ 2,499 (ഏകദേശം 28,400 രൂപ) വിലയുണ്ട്. പുതിയ ഡോൺ നിറത്തിലും പിന്നിൽ കറുത്ത വരയുള്ള ഫൈനൽ ഫാന്റസി, ഗീക്ക് സിൽവർ, ഹാക്കർ കറുത്ത നിറങ്ങളിൽ കാർണിവൽ എഡിഷൻ വിപണിയിൽ വരുന്നു. റിയൽ‌മി ജിടി നിയോ ഫ്ലാഷ് എഡിഷൻ ഇപ്പോൾ റിയൽ‌മിയുടെ ചൈന വെബ്‌സൈറ്റ് വഴി പ്രീ-ഓർ‌ഡർ ചെയ്യുവാൻ കഴിയുന്നതാണ്. ജൂൺ 1 മുതൽ രാജ്യത്ത് ഈ സ്മാർട്ഫോൺ വിൽ‌പനയ്‌ക്കെത്തും. നിലവിൽ, ജിടി നിയോ ഫ്ലാഷ് എഡിഷൻറെ അന്താരാഷ്ട്ര ലഭ്യതയെക്കുറിച്ച് ഇതുവരെ ഒരു കാര്യവും റിയൽ‌മി വെളിപ്പെടുത്തിയിട്ടില്ല.

റിയൽ‌മി ജിടി നിയോ ഫ്ലാഷ് എഡിഷൻ സ്മാർട്ഫോണിൻറെ സവിശേഷതകൾ

ആൻഡ്രോയിഡ് 11 അടിസ്ഥാനമാക്കിയുള്ള ഓപ്പറേറ്റിംഗ് സിസ്റ്റത്തിൽ ഡ്യുവൽ നാനോ സിമ്മുള്ള റിയൽ‌മി ജിടി നിയോ ഫ്ലാഷ് എഡിഷൻ പ്രവർത്തിക്കുന്നു. 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ്, 91.7 ശതമാനം സ്‌ക്രീൻ-ടു-ബോഡി റേഷിയോ എന്നിവയുള്ള 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഡിസ്‌പ്ലേയാണ് ഈ സ്മാർട്ഫോണിൽ നൽകിയിട്ടുള്ളത്. റിയൽ‌മി ജിടി നിയോയിൽ കാണുന്നതുപോലെ, 256 ജിബി വരെ സ്റ്റോറേജും 12 ജിബി റാമുമായി ജോടിയാക്കിയ മീഡിയടെക് ഡൈമെൻസിറ്റി 1200 SoC പ്രോസസർ ഇതിലുമുണ്ട്.

റിയൽ‌മി ജിടി നിയോ ഫ്ലാഷ് എഡിഷൻ ക്യാമറ സ്മാർട്ഫോണിൻറെ സവിശേഷതകൾ

ഫോട്ടോകൾ പകർത്തുവാനും വീഡിയോകൾ റെക്കോർഡ് ചെയ്യുവാനുമായി റിയൽ‌മി ജിടി നിയോ ഫ്ലാഷ് എഡിഷൻ ഒരു ട്രിപ്പിൾ റിയർ ക്യാമറ സംവിധാനം ഉൾപ്പെടുത്തിയിരിക്കുന്നു. അതിൽ എഫ് / 1.8 ലെൻസുള്ള 64 മെഗാപിക്സൽ സോണി ഐഎംഎക്സ് 682 പ്രൈമറി സെൻസർ, 119 ഡിഗ്രി എഫ്ഒവി, എഫ് / 2.3 ലെൻസുള്ള 8 മെഗാപിക്സൽ സെൻസർ, എഫ് / 2.4 അപ്പർച്ചറുള്ള 2 മെഗാപിക്സൽ മാക്രോ ഷൂട്ടർ എന്നിവയുണ്ട്. ഹാൻഡ്‌സെറ്റിൻറെ മുൻവശത്ത്, സെൽഫികൾ പകർത്തുവാനും വീഡിയോ കോളുകൾക്കുമായി എഫ് / 2.5 ലെൻസുള്ള 16 മെഗാപിക്സൽ സെൻസർ നൽകിയിട്ടുണ്ട്. റിയൽ‌മി ജിടി നിയോയിൽ ഉൾപ്പെടുത്തിയിരിക്കുന്ന അതേ സംവിധാനമാണ് ഇവിടെയുമുള്ളത്.

ഡ്യുവൽ മോഡ് 5 ജി, ഡ്യുവൽ-ബാൻഡ് വൈ-ഫൈ 6, ബ്ലൂടൂത്ത് വി 5.1, ജിപിഎസ്, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. റിയൽ‌മി ജിടി നിയോ ഫ്ലാഷ് എഡിഷനിലെ സെൻസറുകളിൽ ഒരു ജിയോ മാഗ്നറ്റിക് സെൻസർ, ആംബിയന്റ് ലൈറ്റ് സെൻസറുകൾ, പ്രോക്‌സിമിറ്റി സെൻസറുകൾ, ഗൈറോസ്‌കോപ്പുകൾ, ആക്‌സിലറോമീറ്ററുകൾ എന്നിവ ഉൾപ്പെടുന്നു. ഇതിൽ ഒരു അണ്ടർ ഡിസ്പ്ലേ ഫിംഗർപ്രിന്റ് സ്കാനറും നൽകിയിട്ടുണ്ട്. റിയൽ‌മി 4,500 എംഎഎച്ച് ബാറ്ററിയാണ് ഉൾപ്പെടുത്തിയിരിക്കുന്ന.ത് ഇത് സ്റ്റാൻഡേർഡ് റിയൽ‌മി ജിടി നിയോയ്ക്ക് തുല്യമാണ്, എന്നാൽ ഫ്ലാഷ് എഡിഷൻ 50W ന് പകരം 65W ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു. 158.5x73.3x8.4 മില്ലിമീറ്റർ അളവിൽ 179 ഗ്രാം ഭാരമുണ്ട് ഈ സ്മാർട്ഫോണിന്.