പറഞ്ഞാൽ തീരാത്തത്ര വിശേഷങ്ങളുണ്ട്! റിയൽമി GT8 5ജിയും GT8 പ്രോ 5ജിയും ലോഞ്ച് ചെയ്തു

റിയൽമി തങ്ങളുടെ GT സീരീസിലേക്ക് പുതിയ കരുത്തൻ സ്മാർട്ട്ഫോണുകൾ അ‌വതരിപ്പിച്ചിരിക്കുന്നു. റിയൽമി ജിടി 7 സീരീസിന്റെ പിൻഗാമിയായി അ‌വതരിപ്പിച്ചിരിക്കുന്ന റിയൽമി ജിടി8 സീരീസിൽ റിയൽമി ജിടി8 (realme GT8), റിയൽമി ജിടി8 പ്രോ (realme GT8 Pro) എന്നിങ്ങനെ രണ്ട് സ്മാർട്ട്ഫോണുകളാണ് ഉള്ളത്. സ്നാപ്ഡ്രാഗൺ 8 എ​ലൈറ്റ് ജെൻ 5 ചിപ്സെറ്റ് കരുത്തിൽ ആണ് ഇവ എത്തിയിരിക്കുന്നത്. റിയൽമിയുടെ ചരിത്രത്തിലെ ഏറ്റവും വലിയ 7000mm² അൾട്രാ-കവറേജ് കോൾഡ് ഫ്രണ്ട് കൂളിംഗ് VC ഫീച്ചറും ഇവയിലുണ്ട്. എല്ലാ ഹീറ്റ് സ്രോതസ്സുകളെയും കൃത്യമായി ഇത് കവർ ചെയ്യുന്നു.

സൂപ്പർ-ഫ്രെയിമിനെയും സൂപ്പർ-റെസല്യൂഷനെയും പിന്തുണയ്ക്കുന്ന ഗ്രാഫിക്സ് ചിപ്പ് R1, "പുതിയ മെക്കാനിക്കൽ അസംബ്ലി ഡിസൈൻ" (ഇൻഡസ്ട്രിയിലെ ആദ്യത്തെ വേർപെടുത്താവുന്നതും, കൂട്ടിച്ചേർക്കാവുന്നതും, മാറ്റിസ്ഥാപിക്കാവുന്നതുമായ ഡെക്കോ), ഹാർഡ്‌വെയർ-ലെവൽ 1nit അൾട്രാ-ഡാർക്ക് ഡിസ്‌പ്ലേ, ട്രൂ കളർ ഐ പ്രൊട്ടക്ഷൻ, യെല്ലോ കളർ സ്‌ക്രീൻകാസ്റ്റുള്ള ഐ പ്രൊട്ടക്ഷൻ മോഡ് തുടങ്ങി നിരവധി, അ‌നവധി ഫീച്ചറുകളും ഈ സ്മാർട്ട്ഫോണുകളിലുണ്ട്.

റിയൽമി GT8, GT8 പ്രോ ഫീച്ചറുകൾ

6.79-ഇഞ്ച് (1440 x 3136 പിക്സലുകൾ) 2K+ OLED ഡിസ്പ്ലേയാണ് ഇതിലുള്ളത്. 7000 nits വരെ പീക്ക് ബ്രൈറ്റ്നസ്, 3200Hz ഇൻസ്റ്റന്റ് ടച്ച് സാമ്പിൾ റേറ്റ്, ഡോൾബി വിഷൻ, 100% DCI-P3 കളർ ഗാമട്ട്, ഹാർഡ്‌വെയർ-ലെവൽ DC ഡിമ്മിംഗ് എന്നിവ സഹിതമാണ് ഇത് എത്തുന്നത്.

ഒക്ട കോർ സ്നാപ്ഡ്രാഗൺ 8 എലൈറ്റ് ജെൻ 5 3nm SoC, R1 ഗ്രാഫിക്സ് ചിപ്പ് ആണ് ഈ ഇരുമോഡലുകളുടെയും കരുത്ത്. അഡ്രിനോ 840 GPU, R1 ഗ്രാഫിക്സ് ചിപ്പ്, 12GB / 16GB LPDDR5X റാം, 256GB / 512GB / 1TB (UFS 4.0 (GT8) / UFS 4.1 (GT8 Pro)) സ്റ്റോറേജ് ഓപ്ഷനുകൾ എന്നിവ ഇവയിലുണ്ട്.

റിയർ ക്യാമറകളുടെ കാര്യത്തിൽ ഇരുമോഡലുകളും​ വ്യത്യാസപ്പെട്ടിരിക്കുന്നു. GT8 മോഡലിന്റെ റിയർ ക്യാമറ സജ്ജീകരണത്തിൽ 1/1.56″ സെൻസറുള്ള 50MP റിക്കോ GR ആന്റി-ഗ്ലെയർ മെയിൻ ക്യാമറ (OIS, f/1.8 അപ്പേർച്ചർ), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 50MP 3x പെരിസ്‌കോപ്പ് ടെലിഫോട്ടോ ക്യാമറ (f/2.8 അപ്പേർച്ചർ, 7x ലോസ്‌ലെസ് സൂം, 120x വരെ ഹൈബ്രിഡ് സൂം) എന്നിവ ഇതിലുണ്ട്.

ജിടി8 പ്രോ മോഡലിൽ 50MP Ricoh GR ആന്റി-ഗ്ലെയർ മെയിൻ ക്യാമറ (1/1.56″ സെൻസർ, OIS, f/1.8 അപ്പർച്ചർ), 50MP 116° അൾട്രാ-വൈഡ് ക്യാമറ (f/2.0 അപ്പേർച്ചർ), 200MP 1/1.4″ സാംസങ് HP5 സെൻസർ ( 3x പെരിസ്‌കോപ്പ് ടെലിഫോട്ടോ ക്യാമറ, f/2.6 അപ്പേർച്ചർ, 6x ലോസ്‌ലെസ് സൂം, 120x വരെ ഹൈബ്രിഡ് സൂം) എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് ഉള്ളത്.

GT8 മോഡലിന് f/2.4 അപ്പേർച്ചറുള്ള 16MP ഫ്രണ്ട് ക്യാമറയും GT8 പ്രോ മോഡലിന് 32MP ഫ്രണ്ട്-ഫേസിംഗ് ക്യാമറയും ആണ് ഉള്ളത്. ഇൻ-ഡിസ്‌പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, ആൻഡ്രോയിഡ് 16 അ‌ടിസ്ഥാനമാക്കയുള്ള realme UI 7.0, ഡ്യുവൽ സിം (നാനോ + നാനോ), IP66+IP68+IP69 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ എന്നിവയും ഇരുമോഡലുകളിലും ഉണ്ട്.

5G SA/ NSA, ഡ്യുവൽ 4G VoLTE, Wi-Fi 7 802.11 be, ബ്ലൂടൂത്ത് 6.0, Beidou (B1I+B1C+B2a), GPS (L1+L5), GLONASS (G1), ഗലീലിയോ (E1+E5a), QZSS (L1+L5), NFC, USB ടൈപ്പ്-C എന്നീ ഫീച്ചറുകളും ഇരുമോഡലുകളിലും ഒരുപോലെയുണ്ട്. അ‌തേസമയം ബാറ്ററിയുടെ കാര്യമെടുത്താൽ 100W ഫാസ്റ്റ് ചാർജിംഗുള്ള 7000mAh ബാറ്ററിയാണ് ഇവയിലുള്ളത്. പ്രോ മോഡലിൽ 50W വയർലെസ് ഫാസ്റ്റ് ചാർജിംഗ് ഫീച്ചറുമുണ്ട്.

റിയൽമി GT8 ന്റെ 12GB+256GB വേരിയന്റിന് 2899 യുവാൻ (ഏകദേശം 35,850 രൂപ) ആണ് വില. 16GB+256GB വേരിയന്റിന് 3199 യുവാനും (ഏകദേശം 39,560 രൂപ), 12GB+512GB വേരിയന്റിന് 3399 യുവാൻ (ഏകദേശം 42,030 രൂപ), 16GB+512GB വേരിയന്റിന് 3599 യുവാൻ (ഏകദേശം 44,505 രൂപ), 16GB+1TB വേരിയന്റിന് 4099 യുവാൻ (ഏകദേശം 50,690 രൂപ) എന്നിങ്ങനെയാണ് വില.

റിയൽമി GT8 പ്രോ 12GB+256GB വേരിയന്റിന് 3999 യുവാൻ (ഏകദേശം 49,440 രൂപ), 16GB+256GB വേരിയന്റിന് 4299 യുവാൻ (ഏകദേശം 53,150 രൂപ), 12GB+512GB വേരിയന്റിന് 4499 യുവാൻ (ഏകദേശം 55,625 രൂപ), 16GB+512GB വേരിയന്റിന് 4699 യുവാൻ (ഏകദേശം 58,095 രൂപ), 16GB+1TB വേരിയന്റിന് 5199 യുവാൻ (ഏകദേശം 64,280 രൂപ) എന്നിങ്ങനെയാണ് വില.