ഇരിക്കട്ടെ ഒരു കുതിരപ്പവൻ! നാർസോ 70x 5ജിയുടെ പുതിയ വേരിയൻ്റ് അവതരിപ്പിച്ച് റിയൽമി

സ്മാർട്ട്ഫോൺ ആരാധകർക്ക് സന്തോഷ വാർത്ത. നിങ്ങളുടെ ഇഷ്ട ഫോണുകളുടെ ലിസ്റ്റിൽ ഇടം പിടിക്കാൻ പുതിയ വേരിയയെന്റുമായി റിയൽമി. നാർസോ 70x 5ജിയ്‌ക്കായി റിയൽമിഒരു പുതിയ 8 ജിബി വേരിയൻ്റ് ഇന്ത്യയിൽ അവതരിപ്പിച്ചു. 4 ജിബി/128 ജിബി, 6 ജിബി/128 ജിബി എന്നിങ്ങനെ രണ്ട് സ്റ്റോറേജ് വേരിയൻ്റുകളോടെയാണ് സ്‌മാർട്ട്‌ഫോൺ ഏപ്രിലിൽ വീണ്ടും അവതരിപ്പിച്ചത്. ഇപ്പോൾ, നാർസോ 70xജിയുടെ 8 ജിബി/128 ജിബി മോഡൽ നിലവിലുള്ള കോൺഫിഗറേഷനോടൊപ്പം ലഭിക്കും. റിയൽമി നാർസോ 70x 5ജിയുടെ പുതിയ വേരിയൻ്റിൻ്റെ വിലയും ലഭ്യതയും പരിശോധിക്കാം.

റിയൽമി നാർസോ 70x 5ജി 8ജിബി /128 ജിബി വിലയും വിൽപ്പനയും: റിയൽമി നാർസോ 70x 5ജിയുടെ 8ജിബി /128 ജിബി മോഡലിന് 14,999 രൂപ ആണ് വില. എന്നാൽ റിയൽമി ബ്രാൻഡ് പുതിയ വേരിയൻ്റിന് 2,000 രൂപയുടെ കൂപ്പൺ കിഴിവ് വാഗ്ദാനം ചെയ്യുന്നു. ഇത് വില 12,999 രൂപയായി കുറയ്ക്കുന്നു.

കൂടാതെ, ഫോണിൻ്റെ അടിസ്ഥാന 4 ജിബി/128 ജിബി മോഡലിന് 11,999 രൂപയും 6 ജിബി/128 ജിബി വേരിയൻ്റിന് 13,499 രൂപയുമാണ് വില. റിയൽമി നാർസോ 70x 5G ഐസ് ബ്ലൂ, ഫോറസ്റ്റ് ഗ്രീൻ കളർ ഓപ്ഷനുകളിലും ആണ് ലഭ്യമാകുന്നത്. പുതിയ വേരിയൻ്റ് നിലവിൽ ബ്രാൻഡിൻ്റെ ഔദ്യോഗിക സൈറ്റിലും ആമസോണിലും വാങ്ങാൻ സാധിക്കും.

റിയൽമി നാർസോ 70x 5ജിയുടെ സവിശേഷതകൾ: റിയൽമി നാർസോ 70x 5ജിക്ക് 6.72 ഇഞ്ച് FHD+ LCD സ്‌ക്രീനുണ്ട്, 950 nitsൻ്റെ പീക്ക് ബ്രൈറ്റ്നസ്സും 120Hz റീഫ്രഷ് റേറ്റും ഉണ്ട്. 8 ജിബി വരെ LPDDR4X റാമും 128 ജിബി UFS 2.2 സ്റ്റോറേജും ജോടിയാക്കിയ MediaTek Dimensity 6100+ SoC ആണ് ഈ ഉപകരണം നൽകുന്നത്.

സോഫ്റ്റ്‌വെയറിൻ്റെ കാര്യത്തിൽ, ഫോൺ Android 14 അടിസ്ഥാനമാക്കിയുള്ള Realme UI 5.0ൽ ആണ് പ്രവർത്തിക്കുന്നു. കൂടാതെ, 45W ഫാസ്റ്റ് ചാർജിംഗ് സപ്പോർട്ട് ഉള്ള 5,000 mAh ബാറ്ററിയാണ് റിയൽമി നാർസോ 70x 5ജി പായ്ക്ക് ചെയ്യുന്നത്. ഇമേജിംഗിനായി, f/1.8 അപ്പേർച്ചറുള്ള 50 എംപി പ്രൈമറി സെൻസറും ഒരു LED ഫ്ലാഷുമായി ജോടിയാക്കിയ 2 എംപി സെൻസറും ഉണ്ട്.

ഫോണിന്റെ ഫ്രണ്ട് ഭാഗത്ത്, 8 എംപി സെൽഫി ക്യാമറയുണ്ട്. താങ്ങാനാവുന്ന 5ജി പ്രാപ്‌തമാക്കിയ ഉപകരണത്തിനായി തിരയുന്ന ആളുകൾക്ക്, റിയൽമി നാർസോ 70x 5ജി 2024ൽ വാങ്ങുന്നത് മൂല്യവത്താണ്. കാരണം ഇത് 120Hz FHD+ ഡിസ്‌പ്ലേയും 45W ഫാസ്റ്റ് ചാർജിംഗും വാഗ്ദാനം ചെയ്യുന്നു. അത് വെറും 30 മിനിറ്റിൽ 1-50% വരെ ചാർജ് ചെയ്യുമെന്ന് അവകാശപ്പെടുന്നു.

എന്നാൽ ഈ വിലനിലവാരത്തിൽ, അടുത്തിടെ പുറത്തിറക്കിയ മോട്ടോ G64, റെഡ്‌മി13C 5ജി എന്നിവയുമായി ആണ് റിയൽമി നാർസോ 70x 5ജി മത്സരിക്കുന്നത്. മോട്ടോ G64ൻ്റെ 8 ജിബി വേരിയൻ്റിന് നാർസോ 70xന് സമാനമായ വിലയുണ്ട്. ഇത് MediaTek Dimensity 7025 SoC ആണ് നൽകുന്നത്. അതേ സമയം, റെഡ്‌മി13C 5ജി 128 ജിബിക്ക് പകരം 8 ജിബി +256 ജിബി സ്റ്റോറേജുമായി വരുന്നു. അതിന്റെ വില 13,999 രൂപയാണ്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.