റിയൽ‌മി നാർ‌സോ 10 എ ഇന്ന്‌ ഇന്ത്യയിൽ‌ വിൽ‌പനയ്‌ക്ക് എത്തും: വില, സവിശേഷതകൾ

ഈ സ്മാർട്ട്ഫോണിന് പിന്നിൽ ഒരു ട്രിപ്പിൾ ക്യാമറ സെറ്റപ്പും സെൽഫികൾ പകർത്തുവാൻ 5 മെഗാപിക്സൽ ഫ്രണ്ട് ക്യാമറയും വരുന്നു. മികച്ച സവിശേഷതകളുള്ള ഒരു ബജറ്റ് സ്മാർട്ട്ഫോൺ എന്ന നിലയിൽ അവതരിപ്പിച്ച അവസരത്തിൽ തന്നെ ഈ ഡിവൈസ് സ്മാർട്ഫോൺ പ്രേമികളുടെ ശ്രദ്ധ ആകർഷിച്ചിരുന്നു. ശക്തമായ പ്രകടനവും ഡിസൈനുമുള്ള ഒരു സംയോജനം തന്നെയാണ് റിയൽമി ഈ ഡിവൈസിലൂടെ കാണിക്കുന്നത്. ഏതാണ്ട് എൻട്രി ലെവൽ പ്രൈസ് പോയിന്റിൽ ഒരു ബോർഡർലൈൻ ഡിസന്റ് ഗെയിമിംഗ് അനുഭവം നൽകുന്ന ഡിവൈസ് കൂടിയാണ് ഇത്.

ഇന്ത്യയിൽ റിയൽ‌മി 10 എ: വില, വിൽപ്പന

റിയൽ‌മി നാർസോ 10 എയുടെ വിൽപ്പന ഇന്ന് ഉച്ചയ്ക്ക് 12 മണിക്ക് ഫ്ലിപ്കാർട്ടിലും റിയൽ‌മി.കോമിലും ആരംഭിക്കും. 3 ജിബി റാം + 32 ജിബി സ്റ്റോറേജ് മോഡൽ ഹാൻഡ്‌സെറ്റിന് ഇന്ത്യയിൽ വരുന്ന വില 8,999 രൂപയും, 4 ജിബി റാം + 64 ജിബി സ്റ്റോറേജ് മോഡലിന് 9,999 രൂപയും വില വരുന്നു. സോ ബ്ലൂ, സോ വൈറ്റ് തുടങ്ങിയ കളർ ഓപ്ഷനുകളിൽ ഈ സ്മാർട്ട്ഫോൺ അവതരിപ്പിച്ചു. മെയ് മാസത്തിലാണ് ഈ സ്മാർട്ഫോൺ ഇന്ത്യയിൽ അവതരിപ്പിച്ചത്.

ഇന്ത്യയിൽ റിയൽ‌മി 10 എ: ഓഫറുകൾ

പ്രീപെയ്ഡ് ഓർഡറുകൾ മാത്രമായി റിയൽ‌മി ഡോട്ട് കോം മോബിക്വിക്ക് വഴി 500 ക്യാഷ്ബാക്ക് വരെ ലഭിക്കുന്നു. ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡിൽ അഞ്ച് ശതമാനം അൺലിമിറ്റഡ് ക്യാഷ് ബാക്ക്, ആക്സിസ് ബാങ്ക് ബസ്സ് ക്രെഡിറ്റ് കാർഡിന് 5 ശതമാനം കിഴിവ്, കൂടാതെ പ്രതിമാസം 1,000 രൂപയിൽ നിന്ന് ആരംഭിക്കുന്ന നോ-കോസ്റ്റ് ഇഎംഐ ഓപ്ഷനുകൾ എന്നിവ ഫ്ലിപ്പ്കാർട്ട് വാഗ്ദാനം ചെയ്യുന്നു.

റിയൽ‌മി നാർ‌സോ 10 എ: സവിശേഷതകൾ‌

6.5 ഇഞ്ച് എച്ച്ഡി + (720x1,600 പിക്‌സൽ) ഡിസ്‌പ്ലേയാണ് റിയൽ‌മി നാർസോ 10 എയിൽ വരുന്നത്. 4 ജിബി റാമുമായി ജോഡിയാക്കിയ ഒക്ടാ കോർ മീഡിയടെക് ഹെലിയോ ജി 70 SoC പ്രോസസറും ഈ ഹാൻഡ്‌സെറ്റിൽ വരുന്നു. റിയൽ‌മി നാർ‌സോ 10 എയിലെ 64 ജിബി ഇന്റേണൽ സ്റ്റോറേജ് ഒരു പ്രത്യേക മൈക്രോ എസ്ഡി കാർഡ് സ്ലോട്ട് വഴി വികസിപ്പിക്കാൻ‌ കഴിയും. ട്രിപ്പിൾ റിയർ ക്യാമറ സെറ്റപ്പിൽ 12 മെഗാപിക്സൽ പ്രൈമറി ക്യാമറ, 2 മെഗാപിക്സൽ സെക്കൻഡറി ക്യാമറ, 2 മെഗാപിക്സൽ മാക്രോ സെൻസർ എന്നിവയുമായി ഈ സ്മാർട്ഫോണിന്റെ ക്യാമറ വിഭാഗം വിപുലമാക്കുന്നു.

സെൽഫികൾക്കും വീഡിയോ കോളിംഗിനുമായി 5 മെഗാപിക്സലിന്റെ മുൻ ക്യാമറയും റിയൽ‌മി നൽകിയിട്ടുണ്ട്. സ്റ്റാൻഡേർഡ് ചാർജിംഗിനും റിവേഴ്‌സ് ചാർജിംഗിനും പിന്തുണ നൽകുന്ന റിയൽ‌മി നാർസോ 10 എയിൽ 5,000 എംഎഎച്ച് ബാറ്ററിയുണ്ട്. 4 ജി എൽടിഇ, വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, ചാർജ് ചെയ്യുന്നതിനുള്ള മൈക്രോ-യുഎസ്ബി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ബജറ്റ് സ്മാർട്ട്ഫോൺ വിപണിയിൽ കരുത്ത് തെളിയിച്ച റിയൽ‌മി നാർ‌സോ 10 സീരീസ് ഇന്ത്യൻ വിപണിയിൽ അവതരിപ്പിച്ചതുമുതൽ നല്ല രീതിയിലുള്ള ജനപിന്തുണ നേടിയിട്ടുണ്ട്.