റിയൽ‌മി നർ‌സോ 30, റിയൽ‌മി സ്മാർട്ട് ടിവി ഫുൾ എച്ച്ഡിയുടെ ആദ്യത്തെ വിൽ‌പ്പന ഇന്ന്

റിയൽ‌മി സ്മാർട്ട് ടിവിയുടെ വില 18,999 രൂപയാണ്. ഒരു ആമുഖ ഓഫർ എന്ന നിലയിൽ, ഇന്ന് റിയൽ‌മി നാർസോ 30 വാങ്ങുന്നവർക്ക് 500 രൂപ കിഴിവ് ലഭിക്കും, കൂടാതെ റിയൽ‌മി സ്മാർട്ട് ടിവി വാങ്ങുന്നവർക്ക് 1,000 രൂപയും കിഴിവ് ലഭിക്കുന്നതാണ്. റിയൽ‌മി നർ‌സോ 30 ഇന്ന്‌ ഉച്ചയ്ക്ക് കൃത്യം 12:00 മണിക്ക് ഫ്ലിപ്പ്കാർട്ട്, റിയൽ‌മി.കോം എന്നിവയിൽ വിൽ‌പനയ്‌ക്കെത്തും. റേസിംഗ് സിൽവർ, റേസിംഗ് ബ്ലൂ നിറങ്ങൾ എന്നിങ്ങനെ രണ്ട് കളർ വേരിയന്റുകളിലാണ് സ്മാർട്ട്‌ഫോൺ വരുന്നത്.

ഫുൾ എച്ച്ഡി + റെസല്യൂഷൻ, 90 ഹെർട്സ് റിഫ്രഷ് റേറ്റ്, 580 നൈറ്റിന്റെ പീക്ക് ബറൈറ്നെസ്സ് എന്നിവയുള്ള 6.5 ഇഞ്ച് എൽസിഡി ഡിസ്‌പ്ലേയാണ് റിയൽ‌മി നർസോ 30 യ്ക്ക് വരുന്നത്. ഡിസ്പ്ലേ പാനലിൽ സെൽഫി ക്യാമറ ഉൾപ്പെടുന്ന ഒരു ഹോൾ-പഞ്ച് കട്ട്ഔട്ട് ഉണ്ട്. എ‌ആർ‌എം മാലി-ജി 76 ജിപിയു, 6 ജിബി റാം, 128 ജിബി സ്റ്റോറേജ് എന്നിവയുമായി ജോടിയാക്കിയ ഒക്ടാകോർ മീഡിയടെക് ഹീലിയോ ജി 95 പ്രോസസറാണ് ഈ സ്മാർട്ഫോണിന് മികച്ച പ്രവർത്തനക്ഷമത നൽകുന്നത്. ആൻഡ്രോയിഡ് 11 അധിഷ്‌ഠിത റിയൽമി യുഐ 2.0 ൽ പ്രവർത്തിക്കുന്ന ഈ സ്മാർട്ട്ഫോൺ ഡ്യൂവൽ സിം കാർഡുകളെ സപ്പോർട്ട് ചെയ്യുന്നു.

48 മെഗാപിക്സൽ പ്രൈമറി ക്യാമറ, 2 മെഗാപിക്സൽ മോണോക്രോം സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾക്കൊള്ളുന്ന ട്രിപ്പിൾ റിയർ ക്യാമറ സംവിധാനമാണ് റിയൽമി നാർസോ 30 ന് ഉള്ളത്. മുൻവശത്ത്, സെൽഫികൾക്കും വീഡിയോ കോളിംഗിനുമായി 16 മെഗാപിക്സൽ ക്യാമറയുണ്ട്. പ്രൈമറി റിയർ ക്യാമറയ്ക്ക് 4 കെ വീഡിയോകൾ 30 എഫ്പി‌എസിൽ ഷൂട്ട് ചെയ്യാൻ കഴിയും, ഫ്രണ്ട് ക്യാമറയ്ക്ക് 30 എഫ്പി‌എസിൽ പൂർണ്ണ എച്ച്ഡി വീഡിയോകൾ റെക്കോർഡ് ചെയ്യാനാകും. 30W ഡാർട്ട് ചാർജ് ഫാസ്റ്റ് ചാർജിംഗ് സാങ്കേതികവിദ്യയുള്ള 5,000 എംഎഎച്ച് ബാറ്ററിയാണ് നാർസോ 30 ൽ വരുന്നത്. 4 ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് വി 5.0, ജി‌പി‌എസ്, എൻ‌എഫ്‌സി, യു‌എസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.