500 രൂപ വില കൂടി, 1000 രൂപ ഡിസ്കൗണ്ടും ഇട്ടു! ബജറ്റ് വിലയിൽ വാങ്ങാൻ ബെസ്റ്റ് സെല്ലർ സ്മാർട്ട്ഫോൺ

സ്മാർട്ട്ഫോണുകളുടെ വില വർധന ബജറ്റ് സ്മാർട്ട്ഫോണുകളിലേക്കും ചെറുതായി എത്തിക്കൊണ്ടിരിക്കുന്നുണ്ട്. ഇതിനകം കുറഞ്ഞ വിലയിൽ ലോഞ്ച് ചെയ്യപ്പെട്ട സ്മാർട്ട്ഫോണുകളിൽ ചിലത് ഇപ്പോൾ ലോഞ്ച് സമയത്ത് ലഭിച്ചതിനെക്കാൾ ഉയർന്ന വിലയിലാണ് ലിസ്റ്റ് ചെയ്യപ്പെട്ടിരിക്കുന്നത്. ചിപ് വില വർധന സ്മാർട്ട്ഫോണുകളുടെ വിലയെ ബാധിച്ചുതുടങ്ങിയതിന്റെ ലക്ഷണമായിട്ടാണ് ഈ വില വർധന വിലയിരുത്തപ്പെടുന്നത്. എന്നാൽ ബാങ്ക് ഡിസ്കൗണ്ടുകളും മറ്റും ലഭ്യമാക്കിക്കൊണ്ട് വില വർധനയുടെ ഭാരം ഉപയോക്താക്കളിലേക്ക് എത്താതിരിക്കാൻ കമ്പനികൾ ശ്രമിക്കുന്നു. പക്ഷേ ബാങ്ക് ഡിസ്കൗണ്ടിലൂടെ ഉപയോക്താവിന് ന്യായമായും ലഭ്യമാകേണ്ട വിലക്കുറവ് ഇവിടെ നഷ്ടമാകുന്നു എന്നതാണ് സത്യം.

ബജറ്റ് വിലയിൽ 5ജി ഫോൺ തേടുന്നവരുടെ പ്രധാന പരിഗണനകളിലൊന്നായിരുന്നു റിയൽമി നാർസോ 80 ​ലൈറ്റ് 5ജി (realme NARZO 80 Lite 5G). അ‌ടുത്തിടെ നടന്ന ആമസോൺ ഫെസ്റ്റിവൽ സെയിലിൽ അ‌ടക്കം ബെസ്റ്റ് സെല്ലിങ് ബജറ്റ് 5G ഫോൺ എന്ന നിലയിൽ ഈ മോഡൽ ലിസ്റ്റ് ചെയ്യപ്പെട്ടിരുന്നു. എന്നാൽ ഇതിന്റെ അ‌ടിസ്ഥാന മോഡലിന്റെ വില ഇപ്പോൾ 500 രൂപ വർധിച്ചിരിക്കുന്നു.

ഇന്ത്യയിൽ ലോഞ്ച് ചെയ്യുന്ന സമയത്ത് റിയൽമി നാർസോ 80 ​ലൈറ്റ് 5ജിയുടെ 4GB + 128GB അ‌ടിസ്ഥാന വേരിയന്റിന് 10,499 രൂപയും 6GB + 128GB വേരിയന്റിന് 11,499 രൂപയുമായിരുന്നു വില. എന്നാൽ ലോഞ്ച് ഓഫറിന്റെ ഭാഗമായുള്ള ബാങ്ക് ഡിസ്കൗണ്ട് സഹിതം ഇത് യഥാക്രമം 9999 രൂപ, 10,799 രൂപ വിലകളിൽ വാങ്ങാനാകുമായിരുന്നു.

എന്നാലിപ്പോൾ റിയൽമി നാർസോ 80 ​ലൈറ്റ് 5ജിയുടെ അ‌ടിസ്ഥാന മോഡൽ 10,999 രൂപ വിലയിലാണ് ആമസോൺ ലിസ്റ്റ് ചെയ്തിരിക്കുന്നത്. അ‌തായത് ലോഞ്ച് വിലയെക്കാൾ 500 രൂപ കൂടിയിരിക്കുന്നു. എന്നാൽ ഇതിന്റെ 6GB + 128GB വേരിയന്റ് 11,499 രൂപ വിലയിൽ തന്നെയാണ് ലിസ്റ്റ് ചെയ്തിരിക്കുന്നത്.

ഈ രണ്ട് മോഡലുകൾക്കും 1000 രൂപ ബാങ്ക് ഡിസ്കൗണ്ട് ലഭ്യമാണ്, അ‌തിനാൽ ഇവ 9999 രൂപ, 10499 രൂപ വിലകളിൽ ഇപ്പോൾ വാങ്ങാനാകും. അ‌തായത് വിലക്കൂടുതലിന്റെ ഭാരം ഇവിടെ ഉപയോക്താവിന് നേരിടേണ്ടി വരുന്നില്ല. ഈ ഡീലിൽ ടോപ് മോഡൽ വാങ്ങുന്നതാണ് കൂടുതൽ ലാഭകരം എന്നത് ശ്രദ്ധിക്കുക. കാരണം ടോപ് മോഡൽ മുൻപ് ലഭ്യമായതിനെക്കാൾ അ‌ൽപ്പം കുറഞ്ഞ വിലയിൽ വാങ്ങാനാകും.

പ്രധാന ഫീച്ചറുകൾ

റിയൽമി നാർസോ 80 ​ലൈറ്റ് 5ജിയുടെ കരുത്ത് ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) ആണ്. ആം മാലി-G57 MC2 GPU, 4GB / 6GB LPDDR4x റാം, 64GB / 128GB (UFS 2.2) സ്റ്റോറേജ് എന്നിവയും ഇതിലുണ്ട്.

f/1.8 അപ്പേർച്ചറുള്ള 32MP മെയിൻ ക്യാമറ, GALAXYCORE GC32E2 സെൻസർ, LED ഫ്ലാഷ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും f/2.0 അപ്പേർച്ചറുള്ള 8MP ഫ്രണ്ട് ക്യാമറയും അ‌ടങ്ങുന്നതാണ് ഈ ബജറ്റ് 5ജി ഫോണിലെ ക്യാമറ സജ്ജീകരണങ്ങൾ. 6.67-ഇഞ്ച് (1604 x 720 പിക്സലുകൾ) HD+ സ്ക്രീൻ, 240Hz ടച്ച് സാമ്പിൾ റേറ്റ്, 625 nits പീക്ക് ബ്രൈറ്റ്നസ്, 120Hz ഡൈനാമിക് റിഫ്രഷ് റേറ്റ് എന്നിവ ഇതിലുണ്ട്.

15W ഫാസ്റ്റ് ചാർജിംഗുള്ള 6000mAh ബാറ്ററി, IP64 റേറ്റിങ്, സൈഡ്-മൗണ്ടഡ് ഫിംഗർപ്രിന്റ് സെൻസർ, 3.5mm ഓഡിയോ ജാക്ക്, 1115 അൾട്രാ ലീനിയർ ബോട്ടം-പോർട്ടഡ് സ്പീക്കർ, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA (n1/3/5/8/28B/40/41/77/78 ബാൻഡുകൾ), ഡ്യുവൽ 4G VoLTE, USB ടൈപ്പ്-C എന്നിവ ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള വൺ UI 6.0ൽ ആണ് പ്രവർത്തനം.