165Hz സാംസങ് ഡിസ്പ്ലേ, സ്നാപ്ഡ്രാഗൺ 8 ജെൻ 5 ചിപ് സ്ഥിരീകരിച്ചു; റിയൽമി നിയോ 8 ലോഞ്ച് ഈ മാസം

റിയൽമി നിയോ 8 എന്ന സ്മാർട്ട്ഫോൺ ജനുവരിയിൽ ​ചൈനയിൽ ലോഞ്ച് ചെയ്യും എന്ന വിവരം കഴിഞ്ഞ ആഴ്ച തന്നെ സ്ഥിരീകരിക്കപ്പെട്ടതാണ്. സ്‌നാപ്ഡ്രാഗൺ 8 ജെൻ 5 ചിപ് കരുത്തിലാണ് ഈ ഫോൺ ലോഞ്ച് ചെയ്യുക എന്ന വിവരവും ഇതിനകം സ്ഥിരീകരിക്കപ്പെട്ടിട്ടുണ്ട്. ഇപ്പോൾ കമ്പനി വരാൻ പോകുന്ന ഈ സ്മാർട്ട്ഫോണിന്റെ ഡിസ്പ്ലേ ഫീച്ചറുകൾ സംബന്ധിച്ച് ഔദ്യോഗികമായി ചില സുപ്രധാന വെളിപ്പെടുത്തലുകൾ നടത്തിയിരിക്കുന്നു. നിയോ 8 ഡിസ്പ്ലേയ്ക്കായി സാംസങ് M14 ഫ്ലാഗ്ഷിപ്പ് ലുമിനസെൻ്റ് മെറ്റീരിയൽ ആണ് ഉപയോഗിക്കുന്നത് എന്ന് റിയൽമി ഇന്ന് ​ചൈനയിൽ നടന്ന ഒരു ഇവന്റിൽ വച്ച് ഔദ്യോഗികമായി സ്ഥിരീകരിച്ചു.

ഇത് സ്‌ക്രീൻ ​ബ്രൈറ്റ്നസ് 26% മെച്ചപ്പെടുത്തിയതായി കമ്പനി പറയുന്നു. 6500 നിറ്റ്‌സിൻ്റെ ലോക്കൽ പീക്ക് ​ബ്രൈറ്റ്നസും 3800 നിറ്റ്‌സ് സൺലൈറ്റ് ഡിസ്‌പ്ലേയെ ഇത് പിന്തുണയ്‌ക്കുമെന്നും, 1000 നിറ്റ് മാനുവൽ പീക്ക് ബ്രൈറ്റ്‌നെസും വാഗ്ദാനം ചെയ്യുമെന്നും റിയൽമി വെളിപ്പെടുത്തി. 103% P3 കളർ ഗാമറ്റ്, റിച്ച് കളേഴ്സ്, വ്യത്യസ്ത പാളികൾ എന്നിവ ഈ ഡിസ്പ്ലേയ്ക്ക് ഉണ്ട്.

ഇതിലെ സ്‌ക്രീൻ ആയുസ്സ് 50% മെച്ചപ്പെടുത്തി, T95 ബ്രൈറ്റ്‌നെസ് ഡീകേ ടെസ്റ്റ് ഫലം 1500 മണിക്കൂർ വരെയാണ്. സാധാരണ 144Hz സ്‌ക്രീനുകളെ അപേക്ഷിച്ച് ഈ ഡിസ്പ്ലേയുടെ ഊർജ ഉപഭോഗം 16% കുറഞ്ഞതായി റിയൽമി പറഞ്ഞു. റിയൽമി നിയോ 8ലെ 165fps സ്‌ക്രീൻ വേഗതയേറിയ പ്രവർത്തനവും സുഗമമായ ഗെയിമിംഗും വാഗ്ദാനം ചെയ്യുന്നു.

മുൻഗാമിയെ അപേക്ഷിച്ച് നിയോ 8-ൽ ഫ്രെയിം റേറ്റ് 27 ശതമാനവും പ്രതികരണശേഷി 12 ശതമാനവും വർദ്ധിച്ചു. നേറ്റീവ് 165fps ഉള്ള 30-ലധികം മൊബൈൽ ഗെയിമുകളെ ഈ ഡിസ്പ്ലേ പിന്തുണയ്ക്കുന്നു. 3800Hz ഇൻസ്റ്റന്റ് ടച്ച് സാംപ്ലിംഗ് റേറ്റും 360Hz ടെൻ-ഫിംഗർ ടച്ച് സാംപ്ലിംഗ് റേറ്റും ഉള്ള കസ്റ്റമൈസ്ഡ് മാജിക് ടച്ച് ചിപ്പ് ഫീച്ചർ ചെയ്യുന്ന ന്യൂജനറേഷൻ മാജിക് ടച്ച് കൺട്രോൾ ഈ ഫോണിലുണ്ട്.

റിയൽമി നിയോ 8-ലെ പ്രീമിയം ലെവൽ ടച്ച് ഡിസ്‌പ്ലേ സിൻക്രൊണൈസേഷൻ ടെക്നോളജി സുഗമവും സുസ്ഥിരവും പ്രതികരിക്കുന്നതുമായ ക്ലിക്കുകളും സ്വൈപ്പുകളും ഉറപ്പാക്കുന്നു, ടച്ച് പ്രതികരണത്തിൽ 8 എംഎസ് മെച്ചപ്പെടുത്തൽ ഉണ്ട്. പുതുതായി നവീകരിച്ച ഗ്രീൻ ഫീൽഡ് ഐ പ്രൊട്ടക്ഷൻ ഫ്ലാഗ്ഷിപ്പ്-ലെവൽ ഫുൾ ബ്രൈറ്റ്‌നസ് ഡിസി ഡിമ്മിംഗ്, പൂജ്യത്തിനടുത്തുള്ള ഫ്ലിക്കർ, 0.05-ൽ താഴെയുള്ള എസ്‌വിഎം, TÜV റൈൻലാൻഡ് സാക്ഷ്യപ്പെടുത്തിയ ഹാർഡ്‌വെയർ ലെവൽ ലോ ബ്ലൂ ലൈറ്റ് ഐ പ്രൊട്ടക്ഷൻ എന്നിവ നൽകുന്നു.

കൂടാതെ കണ്ണിന്റെ സുരക്ഷയ്ക്കായി എഐ പിന്തുണയുള്ള ആക്ടീവ് ഐ പ്രൊട്ടക്ഷനും ഈ ഫോണിലുണ്ട്. ഇത് കണ്ണിന്റെ ക്ഷീണം തിരിച്ചറിയുകയും കണ്ണുകൾ സംരക്ഷിക്കാൻ , ഉപയോക്താക്കളെ ഓർമ്മിപ്പിക്കുകയും ചെയ്യുന്നു. ഒപ്പം ശാന്തമായ കളർ താപനില ക്രമീകരിക്കുന്നു. സുതാര്യമായ RGB ഡിസൈനും ഐക്കണിക് എവേണിംഗ് ഹാലോ എലമെൻ്റും റിയൽമി ഇതിനകം സ്ഥിരീകരിച്ചിട്ടുണ്ട്.

അ‌ടുത്ത ആഴ്ച റിയൽമി നിയോ 8 ലോഞ്ച് ചെയ്യുമെന്ന് പ്രതീക്ഷിക്കുന്നു. കൃത്യമായ ലോഞ്ച് തിയതി ഉടൻ പുറത്തുവിടും., 6.71-ഇഞ്ച് 1.5Hz LTPO ക്വാഡ്-കർവ് സ്‌ക്രീൻ, 24GB വരെ റാം, 1TB വരെ സ്‌റ്റോറേജ്, 50MP+ 50MP+ 200MP റിയർ ക്യാമറ, 50MP ഫ്രണ്ട് ക്യാമറ, IP69K റേറ്റിങ്, 120W വയർഡ് ഫ്ലാഷ് ചാർജിംഗ് + 80W വയർലെസ് ഫ്ലാഷ് ചാർജിംഗ് സഹിതം 7200mAh ബാറ്ററി എന്നിവ ഇതിലുണ്ട്.