7200mAh ബാറ്ററി, 200MP ക്യാമറ, സ്‌നാപ്ഡ്രാഗൺ 8 ജെൻ 5 ചിപ്; റിയൽമി നിയോ 8 ലോഞ്ച് ജനുവരി 22ന്

റിയൽമി അ‌ടുത്തതായി പുറത്തിറക്കാൻ പോകുന്ന റിയൽമി നിയോ 8 (realme Neo 8) എന്ന മോഡലിന്റെ ഫീച്ചറുകളും ടീസറുമെല്ലാം കഴിഞ്ഞ കുറച്ച് ആഴ്ചകളായി പുറത്തുവന്നുകൊണ്ടിരിക്കുകയായിരുന്നു. എങ്കിലും എപ്പോഴാണ് ഇത് ലോഞ്ച് ചെയ്യുക എന്ന ചോദ്യം കഴിഞ്ഞ ദിവസം വരെ അ‌വശേഷിച്ചു. ഇപ്പോൾ ലോഞ്ച് തിയതി സംബന്ധിച്ച സംശയങ്ങൾക്ക് അ‌വസാനമായിരിക്കുന്നു. റിയൽമി നിയോ 8 5ജി ജനുവരി 22ന് ​ചൈനയിൽ ലോഞ്ച് ചെയ്യും. ഇതിലെ പല ഫീച്ചറുകളും കമ്പനി ഇതിനകം സ്ഥിരീകരിച്ചിട്ടുണ്ട്. കൂടാതെ ഡിസ്പ്ലേ ഫീച്ചറുകൾ കഴിഞ്ഞ ദിവസം ഒരു ഇവന്റിൽ വച്ച് വളരെ വിശദമായി വെളിപ്പെടുത്തുകയും ചെയ്തിരുന്നു.

മികച്ച ഫീച്ചറുകൾ അ‌ണിനിരക്കുന്ന ഒരു ശക്തൻ സ്മാർട്ട്ഫോൺ ആയിട്ടാണ് റിയൽമി നിയോ 8 എത്തുക എന്ന് പുറത്തുവന്ന വിവരങ്ങൾ സൂചിപ്പിക്കുന്നു. സ്നാപ്ഡ്രാഗൺ 8 ജെൻ 5 ചിപ്സെറ്റ് കരുത്തിലാണ് ഈ റിയൽമി ഫോൺ എത്തുന്നത്. പ്രീമിയം സ്നാപ്ഡ്രാഗൺ 8 എലൈറ്റ് ജെൻ 5 ന്റെ അതേ ഫ്ലാഗ്ഷിപ്പ് ആർക്കിടെക്ചറും പ്രോസസ്സും ഉൾക്കൊള്ളുന്നതാണ് ഈ ചിപ് എന്നത് ശ്രദ്ധേയമാണ്.

നേറ്റീവ് 165 FPS മോഡുകൾ വാഗ്ദാനം ചെയ്യുന്ന M14 ലുമിനസെന്റ് മെറ്റീരിയൽ കൊണ്ട് സജ്ജീകരിച്ചിരിക്കുന്ന 165Hz സാംസങ് സ്കൈ ഡിസ്‌പ്ലേ ഉൾക്കൊള്ളുന്ന ലോകത്തിലെ ആദ്യത്തെ സ്മാർട്ട്‌ഫോണാണ് ഇത് എന്ന് കഴിഞ്ഞ ദിവസം റിയൽമി സ്ഥിരീകരിച്ചിരുന്നു. ഫുൾ ​ബ്രൈറ്റ്നസ് DC ഡിമ്മിംഗിനെ പിന്തുണയ്ക്കുന്ന "ഗ്രീൻ ഫീൽഡ് ഐ പ്രൊട്ടക്ഷൻ" ടെക്നോളജിയും ഈ ഫോണിലുണ്ടാകുമെന്ന് റിയൽമി പറയുന്നു.

ഓരോ ഫ്രെയിമിലും ഒരിക്കൽ മാത്രമേ തെളിച്ചവും ഇരുട്ടും മാറിമാറി വരുന്നുള്ളൂ എന്നതാണ് ഗ്രീൻ ഫീൽഡ് ഐ പ്രൊട്ടക്ഷൻ ടെക്നോളജിയുടെ പ്രത്യേകത. ഇത് പ്രകാശ സ്രോതസ്സ് വേഗത്തിൽ ഓണും ഓഫും ആക്കി തെളിച്ചം നിയന്ത്രിക്കുന്നതിനുള്ള PWM രീതിയേക്കാൾ കണ്ണിന് കൂടുതൽ അ‌നുയോജ്യമാണ്. SVM 0.05 വരെ കുറവാണ്, കൂടാതെ ഫുൾ ​ബ്രൈറ്റ്നസിൽ ഇത് മിക്കവാറും "ഫ്ലിക്കർ-ഫ്രീ" ആണെന്ന് പറയപ്പെടുന്നു.

ഹാർഡ്‌വെയർ- ലെവൽ ലോ ബ്ലൂ ലൈറ്റ് ഐ പ്രൊട്ടക്ഷൻ പിന്തുണ റിയൽമി നിയോ 8-ൽ ഉണ്ട്. TÜV റൈൻ‌ലാൻഡ് ഫ്ലിക്കർ- ഫ്രീ സർട്ടിഫിക്കേഷൻ, ട്രൂ ടോൺ ഡിസ്‌പ്ലേയ്ക്ക് സമാനമായ ഓട്ടോമാറ്റിക് കളർ ടെമ്പറേച്ചർ അഡ്ജസ്റ്റ്‌മെന്റ് ഫംഗ്‌ഷൻ സർട്ടിഫിക്കേഷനുകൾ നേടിയാണ് ഈ ഫോൺ എത്തുന്നത്.

165Hz വരെ ഡിസ്‌പ്ലേയുള്ള 6.71-ഇഞ്ച് 1.5Hz LTPO ക്വാഡ്-കർവ്ഡ് സ്‌ക്രീൻ ആണ് റിയൽമി നിയോ 8ൽ ഉണ്ടാകുക. മാന്യമായ പെർഫോമൻസിന് പുറമേ അ‌തിശക്തമായ ബാറ്ററി, ക്യാമറ ഫീച്ചറുകളും ഈ ഫോൺ വാഗ്ദാനം ചെയ്യും. 120W വയർഡ് ഫ്ലാഷ് ചാർജിംഗ് + 80W വയർലെസ് ഫ്ലാഷ് ചാർജിംഗുള്ള 7200mAh ബാറ്ററിയാണ് ഈ റിയൽമി ഫോണിലുണ്ടാകുക.

ട്രിപ്പിൾ റിയർ ക്യാമറ സജ്ജീകരണമാണ് റിയൽമി നിയോ 8-ന്റെ മറ്റൊരു ആകർഷണം. 50MP + 50MP + 200MP 3.7x റിയർ ക്യാമറ സജ്ജീകരണമാണ് ഇതിലുണ്ടാകുക. സെൽഫിക്കും വീഡിയോ കോളുകൾക്കുമായി 50MP ഫ്രണ്ട് ക്യാമറയും ഉണ്ടാകും. പെർഫോമൻസ് മികവിനായി 24GB വരെ റാം, 1TB വരെ സ്റ്റോറേജ് എന്നിവ സഹിതമാണ് ഈ ഫോൺ എത്തുക.

3D അൾട്രാസോണിക് ഫിംഗർപ്രിന്റ് സ്കാനർ, IP69K റേറ്റിങ്സ് എന്നിവയും റിയൽമി നിയോ 8ൽ ഉള്ളതായി റിപ്പോർട്ട് വന്നിട്ടുണ്ട്. സുതാര്യമായ RGB ഡിസൈനും ഐക്കണിക് എവേണിംഗ് ഹാലോ എലമെൻ്റും ഈ ഫോണിൽ ഉണ്ടാകുമെന്ന് റിയൽമി ഇതിനകം സ്ഥിരീകരിച്ചിട്ടുണ്ട്. ടീസറിൽ സൈബർ പർപ്പിൾ കളർ ഓപ്ഷനിൽ ആണ് ഈ ഫോൺ പ്രത്യക്ഷപ്പെട്ടിട്ടുള്ളത്.