പറഞ്ഞതെല്ലാം അ‌തേപടി ഉണ്ട്! റിയൽമി P3 ​ലൈറ്റ് 5G ഇന്ത്യയിൽ ലോഞ്ച് ചെയ്തു; വില 9,499 രൂപ

ഇന്ത്യയിൽ ഏറ്റവുമധികം സ്മാർട്ട്ഫോൺ മോഡലുകൾ പുറത്തിറക്കുന്ന കമ്പനി എന്ന വിശേഷണം ആർക്കെങ്കിലും നൽകണമെങ്കിൽ അ‌തിന് ഏറ്റവും അ‌ർഹതയുള്ള ​ഒരു ബ്രാൻഡ് റിയൽമി ആയിരിക്കും. അ‌ത്രയധികം സ്മാർട്ട്ഫോണുകളാണ് റിയൽമിയുടേതായി എല്ലാ മാസവും ഇന്ത്യൻ വിപണിയിലേക്ക് എത്തിക്കൊണ്ടിരിക്കുന്നത്. ഇപ്പോൾ പറഞ്ഞുവച്ചതു പോലെ ​തന്നെ അ‌ക്കൂട്ടത്തിലേക്ക് ഒരു പുതിയ 5ജി ഫോൺ കൂടി എത്തിയിരിക്കുന്നു. റിയൽമിയുടെ ഏറ്റവും പുതിയ ബജറ്റ് 5ജി ഫോൺ എന്ന നിലയിൽ റിയൽമി P3 ​​ലൈറ്റ് 5ജി (realme P3 Lite 5G) എന്ന മോഡൽ ആണ് ലോഞ്ച് ചെയ്തിരിക്കുന്നത്.

പതിനായിരം രൂപയിൽ താഴെ വിലയിൽ റിയൽമി P3 ​​ലൈറ്റ് 5ജി ലോഞ്ച് ചെയ്യാൻ പോകുന്ന വിവരം കഴിഞ്ഞ ആഴ്ച തന്നെ റിയൽമി ​സ്ഥിരീകരിച്ചിരുന്നു. ഒപ്പം അ‌തിൽ ഉണ്ടാകുന്ന ഫീച്ചറുകളെപ്പറ്റിയും വെളിപ്പെടുത്തിയിരുന്നു. നേരത്തെ പറഞ്ഞ അ‌തേ ഫീച്ചറുകൾ എല്ലാം ശരിവച്ചുകൊണ്ടാണ് റിയൽമി P3 ​ലൈറ്റ് 5G എത്തിയിരിക്കുന്നത്.

റിയൽമി പി3 ലൈറ്റ് 5ജി ഫീച്ചറുകൾ

120Hz റിഫ്രഷ് റേറ്റ് ഉള്ള 6.67 ഇഞ്ച് (720×1604 പിക്സലുകൾ) HD+ IPS LCD സ്ക്രീൻ ആണ് ഇതിലുള്ളത്. ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) ആണ് ഈ ബജറ്റ് 5ജി ഫോണിന്റെ കരുത്ത്.

ആം മാലി-G57 MC2 GPU, 4GB / 6GB LPDDR4X റാം, 12GB വരെ ഡൈനാമിക് റാം, 128GB (UFS 2.2) സ്റ്റോറേജ്, മൈക്രോ എസ്ഡി വഴി 2TB വരെ സ്റ്റോറേജ് വികസിപ്പിക്കാനുള്ള സൗകര്യം എന്നിവയും ഈ റിയൽമി 5ജി ഫോണിലുണ്ട്.

ഗാലക്സികോർ GC32E2 സെൻസറുള്ള 32MP മെയിൻ ക്യാമറ (f/1.8 അപ്പർച്ചർ), LED ഫ്ലാഷ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും വീഡിയോ കോളുകൾക്കും മറ്റുമായി 8MP ഫ്രണ്ട് ക്യാമറയും (f/2.0 അപ്പർച്ചർ) ഇതിൽ ഉണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി UI 6.0 -ൽ ആണ് പ്രവർത്തനം.

മിലിട്ടറി-ഗ്രേഡ് ഷോക്ക് റെസിസ്റ്റൻസ് സർട്ടിഫിക്കേഷൻ (MIL-STD 810H സർട്ടിഫിക്കേഷൻ) ഈ​ ഫോണിന് ഉണ്ട് എന്ന് റിയൽമി പറയുന്നു. പൊടി, ജല പ്രതിരോധത്തിനായി IP64 റേറ്റിങ്ങും ഉണ്ട്. സൈഡ്-മൗണ്ടഡ് ഫിംഗർപ്രിന്റ് സെൻസർ, അൾട്രാ ലീനിയർ ബോട്ടം-പോർട്ടഡ് സ്പീക്കർ എന്നീ ഫീച്ചറുകളും റിയൽമി പി3 ​ലൈറ്റ് 5ജിയിൽ ഉണ്ട്.

ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA (n1/3/5/8/28B/40/41/77/78), ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS, GLONASS, ഗലീലിയോ, QZSS, USB ടൈപ്പ്-C എന്നീ ഫീച്ചറുകളും പി3 ​ലൈറ്റ് 5ജിയിൽ റിയൽമി നൽകിയിരിക്കുന്നു.

45W ഫാസ്റ്റ് ചാർജിംഗുള്ള 6000mAh ബാറ്ററി സഹിതമാണ് റിയൽമി പി3 ​ലൈറ്റ് 5ജി എത്തിയിരിക്കുന്നത്. 165.6 x 76.22x 7.94mm കനവും 197 ഗ്രാം ഭാരവും ഈ ബജറ്റ് 5ജി ഫോണിനുണ്ട്. പർപ്പിൾ ബ്ലോസം, മിഡ്‌നൈറ്റ് ലില്ലി, ലില്ലി വൈറ്റ് എന്നീ കളർ ഓപ്ഷനുകളിലാണ് വാങ്ങാനാകുക.

വിലയും ലഭ്യതയും

റിയൽമി P3 ലൈറ്റ് 5ജിയുടെ 4GB + 128GB മോഡലിന് 10,499 രൂപയും 6GB + 128GB മോഡലിന് 11,499 രൂപയുമാണ് വില. എന്നാൽ ലോഞ്ച് ഓഫറുകൾ പ്രയോജനപ്പെടുത്തിയാൽ അ‌ടിസ്ഥാന മോഡൽ 9499 രൂപ വിലയിൽ വാങ്ങാനാകും. സെപ്റ്റംബർ 22 മുതൽ ആണ് വിൽപ്പന തുടങ്ങുക. ഫ്ലിപ്പ്കാർട്ട്, റിയൽമിയുടെ ഔദ്യോഗിക വെബ്​സൈറ്റ്, ഓഫ്‌ലൈൻ സ്റ്റോറുകൾ എന്നിവ വഴി ഇത് വാങ്ങാം.