മീഡിയടെക് ഡൈമെൻസിറ്റി 1100 SoC പ്രോസസറുള്ള റിയൽ‌മി ക്യു 3 പ്രോ കാർണിവൽ എഡിഷൻ അവതരിപ്പിച്ചു

റിയൽ‌മി ക്യു 3 പ്രോ കാർണിവൽ എഡിഷൻ സ്മാർട്ഫോണിൻറെ വില എത്രയാണ് ?

റിയൽ‌മി ക്യു 3 പ്രോ കാർണിവൽ എഡിഷന് സി‌എൻ‌വൈ 1,799 (ഏകദേശം 20,500 രൂപ) വിലയുണ്ട്. കാസിൽ ഇൻ സ്കൈ, ബ്ലാക്ക് ക്ലവർ ഫോറസ്റ്റ് നിറങ്ങളിൽ ഇതിൻറെ സിംഗിൾ 8 ജിബി + 128 ജിബി വേരിയന്റ് വിപണിയിൽ വരുന്നു. ഈ പുതിയ ഹാൻഡ്‌സെറ്റ് റിയൽ‌മി ചൈന വെബ്‌സൈറ്റ് വഴി പ്രീ-ഓർ‌ഡർ ചെയ്യുവാൻ ഇപ്പോൾ സൗകര്യമൊരുക്കി കഴിഞ്ഞു. ജൂൺ 1 മുതൽ രാജ്യത്ത് ഈ സ്മാർട്ഫോൺ വിൽ‌പനയ്‌ക്കെത്തും. നിലവിൽ, അന്താരാഷ്ട്ര ലഭ്യതയെക്കുറിച്ച് ഇതുവരെ ഒരു കാര്യവും റിയൽ‌മി വെളിപ്പെടുത്തിയിട്ടില്ല.

റിയൽ‌മി ക്യു 3 പ്രോ കാർണിവൽ എഡിഷൻ സ്മാർട്ഫോണിൻറെ സവിശേഷതകൾ

ആൻഡ്രോയിഡ് 11 അടിസ്ഥാനമാക്കിയുള്ള ഡ്യുവൽ നാനോ സിം വരുന്ന റിയൽ‌മി ക്യു 3 പ്രോ കാർണിവൽ എഡിഷൻ 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ നിരക്ക്, 600 നിറ്റ്സ് പീക്ക് ബറൈറ്നെസ്സ് 91.7 ശതമാനം സ്‌ക്രീൻ-ടു-ബോഡി റേഷിയോ എന്നിവയുള്ള 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) സൂപ്പർ അമോലെഡ് ഡിസ്‌പ്ലേയുമായി വരുന്നു. ക്വാൽകോം സ്‌നാപ്ഡ്രാഗൺ 768 ജി 5 ജി SoC പ്രോസസറാണ് ഈ സ്മാർട്ട്ഫോണിന് കരുത്ത് പകരുന്നത്. മീഡിയടെക് ഡൈമെൻസിറ്റി 1100 5 ജി SoC പ്രോസസർ ഉപയോഗിച്ചാണ് സ്റ്റാൻഡേർഡ് റിയൽ‌മി ക്യു 3 പ്രോ അവതരിപ്പിച്ചത്. 8 ജിബി റാമും 128 ജിബി വരെ സ്റ്റോറേജുമായി കാർണിവൽ എഡിഷൻ സ്മാർട്ഫോൺ വിപണിയിൽ വരുന്നു.

റിയൽ‌മി ക്യു 3 പ്രോ കാർണിവൽ എഡിഷൻ സ്മാർട്ഫോണിൻറെ ക്യാമറ സവിശേഷതകൾ

റിയൽ‌മി ക്യു 3 പ്രോ കാർണിവൽ എഡിഷൻ പ്രധാനമായും സ്റ്റാൻ‌ഡേർഡ് റിയൽ‌മി ക്യു 3 പ്രോയുടെ അതേ ട്രിപ്പിൾ റിയർ ക്യാമറ സംവിധാനവുമായി വരുന്നു. എഫ് / 1.8 അപ്പേർച്ചറുള്ള 64 മെഗാപിക്സൽ സെൻസർ, അൾട്രാ-വൈഡ് ആംഗിൾ എഫ് / 2.2 ലെൻസുള്ള 8 മെഗാപിക്സൽ സെൻസർ, എഫ് / 2.4 അപ്പർച്ചറുള്ള 2 മെഗാപിക്സൽ മാക്രോ ഷൂട്ടർ എന്നിവ ഇതിൽ ഉൾപ്പെടുന്നു. മുൻവശത്ത്, 16 മെഗാപിക്സൽ ഷൂട്ടറിന് പകരം എഫ് / 2.5 അപ്പർച്ചറുള്ള 32 മെഗാപിക്സൽ സെൽഫി ഷൂട്ടറിലേക്ക് കാർണിവൽ എഡിഷൻ അപ്‌ഗ്രേഡ് ചെയ്യ്തിരിക്കുന്നു.

ഡ്യുവൽ മോഡ് 5 ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് വി 5.1, ജിപിഎസ്, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. റിയൽ‌മി ക്യു 3 പ്രോ കാർണിവൽ എഡിഷനിൽ 4,500 എംഎഎച്ച് കപ്പാസിറ്റിയുള്ള ബാറ്ററിയുണ്ട്. ഇത് റിയൽ‌മി ക്യു 3 പ്രോയിൽ നൽകിയിരിക്കുന്ന ബാറ്ററിയാണ്. 50W ഫാസ്റ്റ് ചാർജിംഗിനെ ഈ ബാറ്ററി സപ്പോർട്ട് ചെയ്യുന്നു. റിയൽ‌മി ക്യു 3 പ്രോ കാർണിവൽ എഡിഷന് 159.1 x 73.4 x 7.9 മില്ലിമീറ്റർ അളവും 174 ഗ്രാം ഭാരവുമുണ്ട്.