റിയൽ‌മി ക്യു 3 പ്രോ സ്‌മാർട്ട്ഫോൺ ഉടനെ അവതരിപ്പിക്കും: ലോഞ്ച് തീയതിയും, സവിശേഷതകളും

റിയൽ‌മി ഒരു സമീപകാല ഡിസൈൻ‌ വീണ്ടും കൊണ്ടുവരുമ്പോൾ അതിൽ പ്രധാന ബാൻഡിങ്ങായ "ഡെയർ‌ ടു ലീപ്പ്" ബ്രാൻ‌ഡിംഗ് നിലനിർത്തുന്നു. ഇതെല്ലാം റിയൽ‌മി ക്യു 3 പ്രോയിൽ ഏറ്റവും മികച്ച രൂപകൽപ്പന സൃഷ്ടിക്കുന്നു. 64 മെഗാപിക്‌സൽ പ്രധാന ക്യാമറ ഉൾപ്പെടെ ട്രിപ്പിൾ ക്യാമറ സംവിധാനവുമായി റിയൽ‌മി ക്യു 3 പ്രോ വരും. ക്യാമറകൾക്കൊപ്പം ഒരു എൽഇഡി ഫ്ലാഷും ഇതിൽ ഉണ്ടാകും. റിയൽ‌മി ക്യു 3 പ്രോയുടെ ബാക്കി സവിശേഷതകൾ റിയൽ‌മി ഇതുവരെ വെളിപ്പെടുത്തിയിട്ടില്ല.

അഭ്യൂഹങ്ങൾ പ്രകാരം, ഈ സ്മാർട്ഫോൺ ചൈനയുടെ ടെന സർട്ടിഫിക്കേഷൻ അതോറിറ്റിയിൽ ഉണ്ടായിരുന്നു. സർട്ടിഫിക്കേഷൻ വെബ്‌സൈറ്റിൽ പട്ടികപ്പെടുത്തിയിരിക്കുന്ന ഈ സ്മാർട്ട്ഫോൺ മോഡൽ RMX2205 നമ്പറുമായി വരുന്നു. ഇതിൽ 6.43 ഇഞ്ച് ഫുൾ-എച്ച്ഡി + അമോലെഡ് ഡിസ്‌പ്ലേ, ഇൻ-ഡിസ്‌പ്ലേ ഫിംഗർപ്രിന്റ് സ്‌കാനർ എന്നിവയുണ്ട്. 4500 എംഎഎച്ച് ബാറ്ററിയുള്ള റിയൽ‌മി ക്യു 3 പ്രോ യുഐ 2.0 സ്കിൻ ഉള്ള ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിപ്പിക്കുന്നു. ഈ ഹാൻഡ്സെറ്റിൻറെ ഡിസ്‌പ്ലേയ്ക്ക് 120 ഹെർട്സ് റിഫ്രഷ് റേറ്റും 65W ഫാസ്റ്റ് ചാർജിംഗ് ടെക്നോളജിയെ സപ്പോർട്ട് ചെയ്യുന്ന ബാറ്ററി ഉണ്ടാകുമെന്നും ചില റിപ്പോർട്ടുകൾ പറയുന്നു.

ഈ സ്മാർട്ഫോൺ ആർ‌എം‌എക്സ് 2205 ഗീക്ക്ബെഞ്ച് ബെഞ്ച്മാർക്കിംഗ് പ്ലാറ്റ്‌ഫോമിലും വന്നിട്ടുണ്ട്. ഈ പ്ലാറ്റ്‌ഫോമിൽ മീഡിയടെക് ഡൈമെൻസിറ്റി 1100 SoC ചിപ്‌സെറ്റും കുറഞ്ഞത് 8 ജിബി റാമും ഈ ഹാൻഡ്‌സെറ്റിലുണ്ടാകും. ഇതിനർത്ഥം റിയൽ‌മി ക്യു 3 പ്രോ മിക്കവാറും മിഡ്റേഞ്ച് സവിശേഷതകളുള്ള 5 ജി ഫോണായിരിക്കാം. ക്യു 3 പ്രോ ജിടി സീരീസിന് താഴെയായിരിക്കുമെന്ന് റിയൽ‌മി മുമ്പ് സ്ഥിരീകരിച്ചിട്ടുണ്ട്, അതുകൊണ്ടുതന്നെ ഇതൊരു ഫ്രന്റ്ലൈൻ സ്മാർട്ഫോൺ അല്ലായിരിക്കാം.

ഇപ്പോൾ ഏപ്രിൽ 22 ന് റിയൽ‌മി 8 5 ജി സ്മാർട്ട്‌ഫോൺ ഇന്ത്യയിൽ അവതരിപ്പിക്കാനുള്ള ഒരുക്കത്തിലാണ്. എന്നാൽ, ഈ സ്മാർട്ട്‌ഫോൺ ഏപ്രിൽ 21 ന് 90 ഹെർട്സ് എൽസിഡി, മീഡിയടെക് ഡൈമെൻസിറ്റി 700 പ്രോസസർ, ഫാസ്റ്റ് ചാർജിംഗ് സവിശേഷതയുള്ള 5000 എംഎഎച്ച് ബാറ്ററി എന്നിവയുമായി തായ്‌ലൻഡിൽ എത്തും. റിയൽ‌മി 8 5 ജി യുടെ ബാക്കി സവിശേഷതകൾ‌ വിലയോടപ്പം ഈ ആഴ്ച അവസാനം നടക്കുന്ന ഇവന്റിൽ വ്യക്തമാക്കും. അപ്പോൾ നമുക്ക് ഈ ഹാൻഡ്സെറ്റിനെ കുറിച്ചുള്ള കൂടുതൽ കാര്യങ്ങൾ അറിയുവാൻ സാധിക്കും.