മീഡിയടെക് ഡൈമെൻസിറ്റി 700 SoC പ്രോസസറുമായി വരുന്ന റിയൽമി വി 13 5 ജി അവതരിപ്പിച്ചു: വില, സവിശേഷതകൾ

റിയൽ‌മി വി 13 5 ജി: വിലയും, ലഭ്യതയും

റിയൽ‌മി വി 13 5 ജിയുടെ 8 ജിബി + 128 ജിബി സ്റ്റോറേജ് വേരിയന്റിന് സി‌എൻ‌വൈ 1,599 (ഏകദേശം 17,900 രൂപ) വില നൽകിയിട്ടുണ്ട്. സി‌എൻ‌വൈ 1,799 (ഏകദേശം 20,100 രൂപ) വിലയുള്ള 8 ജിബി + 256 ജിബി സ്റ്റോറേജ് മോഡലും വിപണിയിൽ ലഭ്യമാകും. ആഷ്, അസുർ നിറങ്ങളിൽ വരുന്ന ഈ സ്മാർട്ട്ഫോൺ നിലവിൽ ചൈനയിൽ പ്രീ-ഓർഡറുകൾക്കായി ലഭ്യമാണ്. ഏപ്രിൽ 2 ന് ഈ ഹാൻഡ്‌സെറ്റിൻറെ ലഭ്യത ഉറപ്പാക്കിയിട്ടുണ്ട്. എന്നിരുന്നാലും, ഗ്ലോബൽ ലോഞ്ചിൽ എപ്പോൾ വരുമെന്ന ഇതുവരെ വ്യക്തമല്ല.

റിയൽ‌മി വി 13 5 ജി: സവിശേഷതകൾ

ഡ്യുവൽ സിം നാനോ വരുന്ന റിയൽ‌മി വി 13 5 ജി റിയൽ‌മി യുഐ 2.0 ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 90 ഹെർട്സ് റിഫ്രഷ് റേറ്റ്, 180 ഹെർട്സ് ടച്ച് റെസ്പോൺസിബിൾ റേറ്റ്, 20: 9 ആസ്പെക്റ്റ് റേഷിയോ എന്നിവയുള്ള 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഡിസ്‌പ്ലേയാണ് ഇതിൽ വരുന്നത്. വികസിതമായ ഫോണിന് ഒക്ടാകോർ മീഡിയടെക് ഡൈമെൻസിറ്റി 700 SoC പ്രോസസറും 8 ജിബി എൽപിഡിഡിആർ 4 എക്സ് റാമും സ്റ്റാൻഡേർഡായി ഉണ്ട്. എഫ് / 1.8 ലെൻസ് വരുന്ന 48 മെഗാപിക്സൽ പ്രൈമറി സെൻസർ, 2 മെഗാപിക്സൽ മോണോക്രോം ഡെപ്ത് സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സെറ്റപ്പാണ് ഇതിൽ വരുന്നത്. മുൻവശത്ത് എഫ് / 2.0 ലെൻസുള്ള 8 മെഗാപിക്സൽ സെൽഫി ക്യാമറയും ഈ ഫോണിനുണ്ട്.

റിയൽ‌മി വി 13 5 ജിയിൽ 128 ജിബി, 256 ജിബി യു‌എഫ്‌എസ് 2.1 ഓപ്ഷനുകൾ ഉണ്ട്. സ്റ്റോറേജ് കപ്പാസിറ്റി മൈക്രോ എസ്ഡി കാർഡ് വഴി ഒരു പ്രത്യേക സ്ലോട്ടിലൂടെ എക്സ്പാൻഡ് ചെയ്യുവാൻ സാധിക്കുന്നു. 5 ജി, 4 ജി എൽടിഇ, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഒരു വശത്ത് ഫിംഗർപ്രിന്റ് സെൻസറും ഉണ്ട്. 18W ഫാസ്റ്റ് ചാർജിംഗ് സപ്പോർട്ടുള്ള 5,000 എംഎഎച്ച് ബാറ്ററിയാണ് റിയൽ‌മി വി 13 5 ജിയിൽ നൽകിയിട്ടുള്ളത്. മെച്ചപ്പെടുത്തിയ സൗണ്ട് ഔട്ട്‌പുട്ടിനായി ഹൈ-റെസ് ഓഡിയോ സപ്പോർട്ടും ഉണ്ട്.